!~ آخـر مواضيع المنتدى ~! |
|
إضغط علي
او
لمشاركة اصدقائك! |
|
| LinkBack | أدوات الموضوع | انواع عرض الموضوع |
#1
| |||||||||||
| |||||||||||
ان كيدهن عظيم ان كيدهن عظيم كان فيه امراة عجوز جالسه بروحها وفجاة طلع لها ابليس العجوز خافت وسمت بالرحمن قالها ابليس انتي يا عجوز هل تعتبرين نفسك داهيه العجوز نعم انا داهيه والنساء عموما كيدهن عظيم ابليس انا اتحداك وبنشوف مين كيده اعظم المراة ولا ابليس العجوز خلاص انا بسوي مشكله وانت راح تحلها واذا ما قدرت انا راح احلها وراح افوز بالرهان ابليس اوكي راحت العجوز حق واحد من هالبطاليه اللي ما عندهم شغل ويا كثرهم وقالت انا بشغلك عندي فترة معينه بس اذا تبي فلوس لا تتدخل ولا تتكلم وافق الشاب لانه مل من البطاله ويبي فلوس راحت العجوز ومعاها الشاب لمحل قماش وقالت له انتظرني عند باب المحل دخلت المحل وخذت قماش غالي وراحت تكاسر تاجر القماش العجوز رخص يا بن الحلال التاجر اذا انتي ما عندك فلوس اخذي شيء ارخص العجوز مااقدرلازم ولا بيصير شي ء ما صار التاجر ليش لها لدرجه شسالفه العجوز شفت الشاب اللي واقف عند باب المحل هذا ولدي يحب له وحده متزوجه وهي تحبه ولما تتطلق من زوجها ولدي بيتزوجها وهو قال لي ان عارضتي الزواج اطردك من البيت وامرني اني اشتري قماش غالي عشان يعطيها حبيبته ولا راح يطردني من البيت مع ان البيت بالاساس بيتي ولكني غلطت وكتبته باسمه و العجوز تبكي التاجر خلاص هونيها وتهون والله كسرتي خاطري خلاص انا اعطيك القماش ببلاش وعسى الله ياجرني العجوز طلعت مستانسه وقالت حق الشاب روح البيت بعدها راحت العجوز لبيت زوجة تاجر القماش وطقت الباب وطلعت الزوجة العجوز اااه يا بنيتي انا تعبت بالطريق و ما اقدر اكمل ممكن اقعد عندك ارتاح خمس دقايق رحبت الزوجة ودخلتها واكرمتها وجابتلها شاي العجوزمشكوورة ما تقصرين ان شاء الله اردها لك تعمدت تنسى القماش وطلعت الزوجة حرام نست قطعة القماش اكيد بترجع بعد شوي وتاخذها بروح احطها بالدولاب تاجر القماش رد لبيته وتغذى ذاك الغدا السنع ونام شوي قام العصر وفتح الدولاب بيغير ملابسه عشان يروح محله مفاجاة قطعة القماش وعرف ان المراة اللي يبيها ولد العجوز هي زوجته يعني تخونه قام عليها وطقها وطردها بالشارع بالهدوم اللي عليها العجوز كانت تنتظر هاللحظه في اخر الشارع فراحت لها تركض العجوز شفيك يا بنيتي ليش تبكين الزوجه زوجي طردني وما اعطاني فرصه اتكلم العجوز خلاص انا باوديك بيتي وانا بروح احل المشكلة راحت العجوز لبيتها ودخلت الزوجه في غرفة بينما الشاب كان في غرفه ثانيه وامرته انه ما يطلع منها راحت العجوز للشرطه تبجي وتقول كنت قاعدة في بيتي وفجاة دخل رجل ومعه مراة وقعدوا ببيتي حاولت اطلعهم ما قدرت احتلوا بيتي ذهبت الشرطة وقبضت على الشاب والزوجه ووضعوهم بالسجن العجوز ها ها شرايك يا ابليس دورك اللحين حل المشكله ابليس لا لا مااقدر احلها السالفة تشربكت وصارت عقده العجوزانا راح احلها وكأن شيء لم يكن وراح اربح الرهان راحت العجوز تزور الزوجه بالسجن وقالت لها انتي ساعدتي مرة وانا اللحين باساعدك يلا البسي عباتي وغطي نفسك واطلعي من السجن كانك انا وانا باقعد مكانك الزوجة مشكورة لكن انتي العجوزمالك شغل مثل ما طلعتك بطلع نفسي تمت عملية الهروب بنجاح الوالي امر الحراس يحضرون المسجونين عشان يحكم عليهم حضرت العجوز والشاب وقال لهم الوالي ليش قابضين عليكم وشنو مسوين ردت العجوز احنا ما سوينا شيء كنا قاعدين ببيتنا انا وولدي ولا الشرطه طابه علينا وماخذينا السجن عصب الوالي وهزا الشرطه وما عطاهم فرصه يتكلمون ويقول غلطانين وتبون تتكلمون. شين و قوات عين طلعت العجوز من الوالي مستانسه وعطت الشاب فلوس وانهت خدمته عندها راحت العجوز لتاجر القماش وقالت له انها تعبت بالطريق وان زوجته اصيله واكرمتها وهي من كثر التعب نست القماش عندها وان زوجته بريئه وقالت خذ قماشتك لان ولدي سافر هو و زوجته الجديدة رجع التاجر زوجته وتاسف منها و راضاها بعد العجوز شرايك يا ابليس انا فككت السالفه بكل سهولة ابليس انتي ربحتي يمه .. يمه ان كيدهن عظيم انحاش منها وهو خايف عاد مو كل الحريم والبنات كيدهن عظيم المصدر: منتديات بنات فلسطين - من قسم: قصص أدبية , روايات , حكايات , تاريخ الأدب والأدباء hk ;d]ik u/dl |
01-23-2019 | #4 |
|
هههه بالفعل شككرا للادراج اميرة ودي |
|
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ان كيدهن عظيم بطلب من نمور | الملاك البريئ | النكت والطرائف | 11 | 06-26-2018 03:38 PM |
كيدهن عظيم 😅 | سَلامْ ♡. | زوايا عامة | 6 | 04-15-2018 09:41 AM |
إن كيدهن عظيم | الملاك البريئ | النكت والطرائف | 18 | 03-19-2016 08:24 PM |
صوره-ان كيدهن عظيم | بنات فلسطين | النكت والطرائف | 8 | 04-23-2015 12:14 PM |
كيدهن عظيم فش مجال .... | قصي | النكت والطرائف | 5 | 12-21-2014 04:46 PM |