|
عدد الردود صفر فهل يعتبر موضوعك فاشل
عددالردود صفر فهل يعتبر موضوعك فاشل؟؟؟؟؟ ... عدد الردود (صفر) كثير من الأبطـــال يغـــامر بحيــاته من أجـــل نجــاح مهمته .. وتخلــــيد اسمه في صفحات التاريخ لكنه مات قبل أن يسمع كلمــة ... ( بطـــل ) وهناك رساميــن عاشوا متسوليـــن .. وعنـــدما رحلوا عن الدنيا .. أنجـــذب الناس لرسوماتهم وبيعت لوحاتهم بملايين الدولارات ..... ماهو شعورك عندما تكتب موضوع ولم تجد من يرد ولا بحرف واحد ؟؟ هل تتوقع انك لم تصل لما يريده الناس من مواضيع ؟ هل يضايقك مروور الاعضاء بدون اي تعليق ؟ هل كان طرحك للموضوع سيء ؟ هل تعتبر موضوعكـــ فاشل ؟ اسئله كثير تدور في بالك ولا تجد لها جواب |
ماهو شعورك عندما تكتب موضوع ولم تجد من يرد ولا بحرف واحد ؟؟ عادي جداً اساساً انا بلعاده م بنزل مواضيع بس لما انزل موضوع بلعاده م برجع اشوف الردود الا اذا كان نقاش وبدو رد ع الردود اما غير هيك م بشوف هل تتوقع انك لم تصل لما يريده الناس من مواضيع ؟ لا ابداً لانو انا لما بنزل موضوع بنزل شي بيخصني شي انا مهتم لالو انا حبيتو مش شي بدي الاعضاء يحبوه او يهتمو فيه يمكن هادا مش اهتمام الاعضاء او يمكن انا مش محبوب عند كذا عضو فما بدو يرد ع موضوعي فعادي المهم انو موضوع اعجبني ونشرتو الي بدو يقرأو يستفيد بدون م يعلق اهلا وسهلا فيه هل يضايقك مروور الاعضاء بدون اي تعليق ؟ لا ابداً م بهتم بس بنبسط لو كان في معلومه وانو عدد الي شافوها كتير مش مهم تعليقهم ع قد م تكون بينت لكذا حدا هل كان طرحك للموضوع سيء ؟ لا مستحيل موضوع اكون انا اعجبت فيه ويكون سيء ممكن الي م علق هو الي زوئو سيء وم عجبو زوئي هل تعتبر موضوعكـــ فاشل ؟ نفس الاجابه الي فوق لو فاشل كان م نزلتو بس يمكن هلموضوع مستواه الفكري اكبر من مستوى شخص فعشان هيك قرأو وم عرف يرد فما علق لازم اخلق الاعذار بس بعتقد في سؤال ناقص (هل مرور البعض والتعليق على موضوعك يسعدك) وحابب اجاوب ع هلسؤال اه في ناس لما بشوفهم ردو ع موضوعي بنبسط متلك ومتل اسمى والبريئه والملاك وسمر ومؤيد وامير ومورفين وميما ووهن ولونلي وسمره وونيكوتين ونور وفي كمان كذا حدا بس نسيت اسمائهم دائماً خلي عندك قناعه نجاح وفشل موضوعك انتي الي بتحدديه مش اي حدا تاني عاجبك موضوع نزليه وحتى لو م عليه ولى رد مش مهم المهم انك مقتنعه فيه ونزلتيه |
اقتباس:
ومش مهتم لردودهم . ليش تغلب حالك وتنزل شي :74: يجعل ما حدا يستفيد :64: |
اقتباس:
وحدا يقلك هلنغمه مش عجباني هتغيرها ؟ او مش هتحطها بجوالك ؟ لما تنشر منشور ع الفيس تبعك بتكون بدور ع لايكات ؟ وتعليقات ؟ لا الشغله نابعه من انو هل انتا حابب هلشي ولى لا اذا حابو نزلو في ناس هيعجبها وناس لا انتا مش هتجبر الكل انو يعجبو |
أصلآ ما بيهمني هالشي لأنو كل حدآ وزوءه أنآ لمآ يعجبني صورة أو نغمة أو أي شي وحدآ تآني مآ بيحبو ليش رآح أنآ أهتم أسآسآ عجبني أنآ لهيك مآرآح أهتم إلى رأيه لآزم أنآ أوثق بنفسسي وبس .. تسلمي زهور ع الطرح يسسعدكك ربي.. |
مستحيل انزل شي ما يكون يعجبني ويكون الهدف يعجب غيري وانا بكونش مقتنعة فيه اصلا مش رح انزل اصلا ازا كان هاد الهدف برضو ردود بعض الاعضاء بهموني وبحب شوفهم بمواضيعي وفي اعضاء لو ما دخلو عليها ما بقلق ولو كان موضوعي ما عليه رد يمكن بعدها م انزل ولا موضوع بكفيني رد واحدلحتى كفي وانزل على طول في ناس هون ما بهمهم ازا حد رد عليهم او لا بس انا لا في كمشة اعضاء بحب شوفهم ورد عليهم مش لانه هم ردو علي لاني بقتنع بردودهم |
اقتباس:
صحيح مافي اي موضوع فاشل .. كل حدا على حسب زوئه و ميوله الردود عمرها ماكانت مقياس لنجاح او الفشل لصاحب الموضوع قناعة نابعة من جواتنا اهم شي هاد خالد آرائك مقنعه و جميلة حبيت رئيك و مشاركتك هون انرت الله يبعتلك ايام حلوة |
اقتباس:
ازا الموضوع من غير ردود هاد مو معناته فشل .. لانه الردود مجرد آراء مو اكتر وكل حدا فينا عند زوء لشي معين الاختلاف شي طبيعي وهن حبيت رئيك و مشاركتك هون انرتي الله يبعتلك ايام حلوة |
اقتباس:
بالزبط الملاك لما بنزل شي موضوع بكون عاجبنا وحنا حابينه بغض النظر عن الردود .. كلنا مختلفين ماحدا متل تاني بزوئه و ميوله من ناحية الردود .. بلكي في اعضاء مابعرفو وصلو الفكرة منيح الملاك حبيت رئيك و مشاركتك هون انرتي الله يبعتلك ايام حلوة |
ماهو شعورك عندما تكتب موضوع ولم تجد من يرد ولا بحرف واحد ؟؟ ما عمري جربت هالشعور الحمد لله اكبر عدد مشاركآت بكون بمواضيعي ممكن لأني ما بنزل كتير مواضيع لكن لو صار انآ بتدايق و ممكن ابعت لحد روح رد على موضوعي :( هل تتوقع انك لم تصل لما يريده الناس من مواضيع ؟ صعب اجاوب لكن بشكل عام ممكن اه ' * ممكن طريقة اسلوبي بنشر المواضيع مش ملفتة * او الموضوع بحكي عن اشياء مش حلوة او قديمة * او موضوعي طويل جدآ لدرجة الأعضاء بفوتوا عليه بخافو يقرأو ههه * او العنوان مش مناسب هل يضايقك مروور الاعضاء بدون اي تعليق ؟ اه بدايقني جدآ هل كان طرحك للموضوع سيء ؟ احتمال اه و احتمال لأ المفروض بهالحالة اراجع النقاط اللي ذكرتهم بالأسئلة فوق و بعدها بقرر موضوعي سيء او لأ هل تعتبر موضوعكـــ فاشل ؟ هو ك فشل لأ فش مواضيع فاشلة لكن طريقة العرض فاشلة ... حبيت الموضوع تحياتي . |
| الساعة الآن 07:45 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.