|
ارجو الصدق والواقعية في الإجابة يا اخوان يااخوات راح ادخل بالموضوع بدون مقدمات لدي صديق توفت زوجته ويرغب بالزواج علماً بأنه لم يمر وقت طويل وفاة زوجته لكنه يشعر برغبة جامحة في الزواج حاولت ان اثنيه وان أنصحه كثيراً ان يتريث وان ينتظر فترة من الزمن لريثما يخف الحزن وحتى لا يقول الناس مصدق مرته تموت ويتزوج هالموكوس السؤال كم سنة يتحمل الرجل الفلسطيني لنسيان زوجته المتوفية ويفكر في الزواج ؟ وهل لو تزوج الرجل بعد مرور اربعين يوم يلحقه اي عتاب ويكون عرضه لحديث الناس ؟ |
الرجال ما بعيبو شي بعرف واحد عالاربعين اتزوج بعد وفاة مرتو ما رح بحكو عليه بعكس الزوجة ازا زوجها توفى وخلصت عدتها واجاها مسلا عريس ما رح تقبل الاغلب مش متلكم يعني المهم في واحد عمره بالستين مرتو الها تلاتين سنة متوفية ولهلا ما تزوج مش كل الرجال متل بعض في عطول وفي بقدرو يعيشو بلا مرة |
اقتباس:
الرجال ممكن والنسوان مش ممكن ؟ اشك بالأمر يمكن حياء المرأة وخوفها من حديث الناس تمنعها لكن الرغبة بداخلها تبقى موجودة وانا اثق بذلك كثيراً المسالة الأخرى التي ارغب بالتعليق عليها هي انك قمتي بربط الوفاء بعدم الزواج والعيش على ذكريات الحبيبة لا ارى اي عقل يستسيغ ذلك ولا ارى اي علاقة بين الوفاء وعدم الزواج يجب ان نؤمن بقضاء الله ونصيبنا من الأشخاص والأحدث ومركبة الحياة لابد ان تستمر ولا تتوقف فالأموات رحمهم الله هو يتوالهم في عالمهم الأخر ومن حق الأحياء ان يكملو المسير والطريق دون اي معيقات اشكرك الملاك لتواجدك |
السلام والتحية رحم الله زوجة صديقك وأسكنها فسيح جناته .. اللهم آمين أما عن سؤالك .. أرى من زاويتي بأن معظم الرجال يعيدون نفس الخطأ ، أقصد الزواج هههه مرة ثانية بعد وفاة زوجاتهم. ( الحي أبقى من الميت ) ونصيحتي له .. أن يتريث، إكراماً لأهل زوجته المتوفاة، فهم في حالة حدادٍ، ومن المرؤة أن يراعي مشاعرهم لفترة بسيطة من الزمن. والأمر يعود إليه، فكل رجل وطبيعته. تحاياي |
احكيلك شغلة بصراحة قصي لو تزوج من تاني يوم اللي رح يحكي عليه هو النسوان ههه و ما بعتقد بهتم لكلامهم الرجال مش رح يعترضو على زواجه في قريب الي مرتو مرضت تزوج قبل وفاتهآ و كان معها مرض خطير و محدش حكالو اشي ! |
العلاقة اللي كانت بينهم هي اللي تحدد الفترة بعرف وحدة اتزوجت بعد استشهاد زوجها وتركت اولادها عند أهله و وحدة ما اتزوجت نهائي و واحد اتزوج بعد ١٠ سنين من وفاة زوجته اعتقد كله مندرج تحت العلاقة اللي كانت بينهم و أما كلام الناس أصبح لا احد يهتم له مشكور قصي ع الطرحونصيحة خلي صاحبك يفكر بدل ما يكرر الغلط مرتين |
الشغله ما بتتعلق بالوفاء هو صحيح الانسان بعز عليه فراق الحبيب لكن لو كان عنده ولاد صغار ضروري يتزوج عشان يتربو ولاده ولا يدورو بالشوارع كمان الرجل بالشغل بده يرجع البيت يلاقي حدا متكفل فيه بس اكيد مش بعد شهر عالاقل تمشي سنه لكن الافضل انه يتزوج وما يضل بدون شريكه حياه وفي ما بصدقو يخلصو من القفص فبعيشو حريتهم من جديد الخلاصه انا بنصحه انه يتزوج ورحم الله زوجته |
اقتباس:
بداية أشكرك لتواجدك هنا وسعيد بحضورك كما أثني على رائيك ونظرتك للأمور الجميلة والرائعة واتفق معك فيما أشرت وتحدثت كل الشكر لمرورك الراقي ي راقي |
اقتباس:
صدقتي فيما اشرتي وتحدثتي النسوان ما بيجي من وراهم الا البرم والقيلة والقال لا يشعروا بالمتعة لو ما تحدثوا وجابو سيرة فلان وعلان :) اشكرك لتواجدك ام الامير كوني بخير يا بهية الحضور |
يتزوج من تاني يوم شو المانع اذا الله محلل هالشي احنا بدنا نحرمه بس الحكايه هى مساله مبدا انه بتهون عليه العشرة ما بعتقد انه فى رجال راح يتزوج من تاني يوم عشان الاحوال الماديه ههههه بعرف واحد مرته توفت من 5 سنين وهو شب وتركت اطفال لليوم مش راضي يتزوج ويجيب مرت اب الهم هههههههه الحي ابقى من الميت |
| الساعة الآن 07:51 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.