|
كتائب القسام : نحن أقوى مما كنا عليه في "حجارة السجيل" كتائب القسام: نحن أقوى مما كنا عليه في "حجارة السجيل" حذرت "كتائب الشهيد عز الدين القسام" الجناح العسكري لحركة المقاومة الإسلامية "حماس" - كتيبة الشاطئ- العدو الصهيوني من الإقدام على أي حماقة ضد أبناء شعبنا الفلسطيني، "فالمقاومة أقوى ألف مرة مما كانت عليه في معركة "حجارة السجيل" ذي الأيام الثمانية". وقالت الكتائب في عرض عسكري لها في مخيم الشاطئ عصر اليوم السبت : "رسالتنا إلى العدو الصهيوني بأن المقاومة الفلسطينية ستحطم جبروتكم وستُزيل كبريائكم في أي معركة قادمة".ووجهت الكتائب رسالتها للأسرى الأبطال، وقال: إن "الإفراج عنكم أيها الأسرى لن يطول ولن يهدأ لنا بال حتى تكونوا بيننا مرفوعين الرأس ومحمولين على رؤوس أبنائكم وأبنا شعبكم"، فإنها شُلت أيدينا إن نسيناكم".وشددت الكتائب على أنها "ستقطع كل الأيدي والألسنة التي تتمرد على المجاهدين والمقاومين الأبطال من أبناء شعبنا في قطاع غزة".وطالبت الكتائب الأمتين العربية والإسلامية "الحذر الشديد من الأيدي التي تتفاوض وتتنازل عن الثوابت الفلسطينية والتي تقوم بتشديد الحصار الصهيوني الظالم على أبناء شعبنا المرابط في غزة والذي يستهدف استئصال المقاومة وروح الجهاد من أبناء شعبنا".وشارك رئيس الوزراء بحكومة غزة إسماعيل هنية في العرض العسكري لكتائب القسام في حي الشاطئ حيث يسكن، حيث أدى التحية لرجال القسام الذين خرجوا بالآلاف وعرضوا أسلحة لأول مرة. |
بصراحة عروضهم رهيبة وبتعجبني الله يحميهم وينصرهم يااارب مشكور أخي ع النقل تحياتي~ |
بس خليهم بالاول يطلقو سراح المسجونين علي قصص اطلاق الصواريخ وبعدين نحكي عن المقاومه والله احنا مافي اشطر منا بالعروض العسكريه ع كلاً الله يصلح حالنا مشكور كثير |
اللهم امين مشكورة على مرورك الطيب |
اقتباس:
اهلين اخي اهل المقاومة ادرى بالمقاومة العروض العسكرية رسالة للاحتلال ومشكور على مرورك |
الله رجال المقاومة ويحميهم من كل شر من اليهود يا رب ان شاء الله الفترات القادمة كلها انتصارات للمقاومة المقاومة هي الشيء الوحيد الي ما رح يتغير وهي الوحيدة الي رح تضل حامية ارضها يسلموو ع النقل اخيي |
مصعب بداية العروض العسكرية هي رسالة للاحتلال دائما حروب نفسيه .. ومطلقي الصواريخ .. في اتفاق تهدئة وبموافقت الفصائل مجتمعه والصواريخ المطلقة بشكل عشوائي بتيجي ع رأس الشعب بالاخر لكن التهدئة هتعطي مجال للمقاومة بزيادة قوتها وعتادتها |
اقتباس:
انا لست بصدد دخول نقاشات لكن عندما يدنس الاقصي عندما يتم خرق الهدنه الموقعه يجب الرد لا احد يحب الدمار والحرب لكن برضو يجب الرد اليهود نقضو العهود مع الرسول فما بالك معنا احنا زمان ايام حكم سلطه فتح بغزة كان محمود عباس بيطلع وبقلك لمن تشوف اي واحد بطلق صاروخ طخه واقتله وكان عباس بلاحق بالمقاومين من ابناء القسام مع العلم انه عباس كان في هدنه مع الاحتلال ياخي انا كنت حمساوي وبعرفهم عز المعرفه 5 سنوات وانا معهم بس بالاخر اكتشفت انهم مش تاعين مقاومه |
اقتباس:
لكن مقاومة الضفة السلطة منعتها تتحرك باي شكل كان وبوقت محمود عباس ما كان في تهدئة كان اليهود بعملوا ايش مابدهم ووقت ما بدهم .. وبوقت حماس لما يكون في تجاوزات المقاومة بترد وماحدا بمنعها وصار هالكلام قبل فترة واكتر من مرة وتاريخ حماس بشهد انها ولدت للمقاومة ومازالت علا خطى المقاومة وحروب غزة شهدت انها مازالت على خطى المقاومة كلامك غريب يامصعب انه حماس مش مقاومة |
اقتباس:
لكن انو يكون من طرف واحد ماحد بقبل والمقاومه مابتقبل لكن لان حماس متحكمه في غزة الكل ساكت اذكر ان اعلام حماس مسبقاً كان يهاجم عباس ويتهمه بالعماله لانه يمنع اطلاق الصواريخ بحجه الهدنه في غزة وتعال شوف القبه الحديديه الحمساويه كيف ناشره عناصرهم عنا وبكل حدود غزة طيب والاسري والاقصي مالنا فيهم احنا اه وين الرد علي الي بصير للاسري للاسف الامن الداخلي اصبح يلاحق كل من يطلق رصاصه علي الاحتلال نفس نهج السلطه السابقه بس قيادات حماس عجبهم ركبه السيارات الحديثه والان حماس تسعي لازاله اسمها من قائمه الارهاب وبصراحه هي ليست ارهاب بل هي قائمه الشرفاء في زمن الخنوع والذل وشوف هذا http://www.youtube.com/watch?v=-G5iepo8UmQ |
https://encrypted-tbn0.gstatic.com/i...En_zwnrfZBaPdg https://encrypted-tbn3.gstatic.com/i...wCdyB_N1wZ-ZZ_ https://encrypted-tbn0.gstatic.com/i..._v_5tpYx3gRVaQ والله كلامك اخي مصعب صحيح كانت حماس تطلق الصواريخ فقط لافشال السلطة واليوم حدث ولا حرج عن المقاومة الممنوعة كل العروض للشعب وليس للاحتلال لان اسرائيل اليوم حدودها مع غزة اكتر امان من السابق وابو ماذن ملهوش وجهين وما بتستر بالمقاومة زي غيره |
ان شاء الله بترجع المقااومة هي الاساس في قضيتنا تحياتي للادراج تحيتي وارق وردي |
لا حول ولا قوة الا بالله العلي العظيم عروض عسكرية ماحكينا شي اكيد بوجهوا من خلالها رسالتين\// الاولى كما تقول للاحتلال!!! لكن الرسالة الثانية اعتقد اقوى وهي // للشعب يعني للي بدو يتمرد على رايهم على الحكومة الشرعية ثالث شي يا اخي هلا صارت الصواريخ عشوائي؟؟!!! ايام سلطة فتح كانت صواريخ مقاومة!!! هلأ خافوا عالشعب؟؟! ولا الخوف ع الكراسي؟؟ هلا بدهم يجروا الاحتلال على حرب مع غزة بتهديداتهم يبدو خلصت الموازنة من عندهم ولا شو رايك بالنهاية احترامي بس الصراحة في يبدو مفهوم المقامة تغيرت عندهم بعد الياسين والرنتيسي كنا نحترمهم جد بس اليوم!!!! تقبل مروري واحترامي اخي |
اقتباس:
اي رسالة للشعب هذه .. ليش هي العروض جديده ع الفصائل من يوم يومهم بعملوا عروض عسكرية .. تمرد مش محتاجة هالعروض الكبيرة لانه هيك بكبروهم اكتر من اللازم وارجعي لكلامي واقريه منيح .. انا ماحكيت انه الصواريخ عشوائية .. كلامي ما كان بشكل عام ومافي حرب صارت ع غزة والمقاومة كانت نقطة الانطلاق فيها .. والحرب ما مضى عليها كتير وشهدت ع مقاومة القسام والسرايا والفصائل الاخرى وجايين الحين تحكى انها صارت حركة كراسي ولغت المقاومة |
حمآس القديمة يآريت ترجع هالوقت لمآ كآن همها المقاومة وحماية الشعب أمآ حمآس هلقيت كل ما لاقت كرسى بتعليّ من شأنهآ هلقيت العروض يلى بيعملوها بدها تخوف اليهود وليش هلقيت عملوها بالوقت اللى بدو يصير فى تمرد الله يهديهم ويصلح حآلهم |
كتائب القسام.. شووكة في حلق بني صهيوون ومن والاهم الله يحميهم ويكوون معهم وينصرهم على كل من عاداهم يارب مشكور ع نقلك اخي |
اقتباس:
حماس القديمة ما زالت مستمر لكن بوجوه جديده وباكتر قوة بتخوف اليهود ليش ما تخوفهم .. و عملوها بهذا الوقت بالذات لانه الوطن العربي مش مستقر خاصة مصر .. وممكن اسرائيل تستغل هذا الشيء وتشن حرب جديده ع غزة .. فالمقاومة بتبين الهم انها جاهزه وبأكثر قوة مثل ما صار العرض العكسري باشتراك الفصائل المقاومة مجتمعة |
اقتباس:
غلطآن أنت أخى هلآء حماس الياسين متل حمآس يلى موجودة هلآء كل همها الكرآسى فقط أمانة الله انت شايف الوضع بغزة تمام وكمان بتحكى انو حماس هلاء اكتر قوة مممممم !! شكلك مدبلج كويس مع احترامى الك أخى يعنى بدك تقنعنى انو هلاء كل الفصائل مجتمعة ولا بس هلاء موجود فصيل واحد وهم حماس اطلع أخى نظرة واقعية مو خيالية تحياتى لشخصك |
اقتباس:
الجهاد الاسلامي هم من بدأوا فيها واضطرت حماس بالدخول فيها لانه الجهاد من بدأ باطلاق الصواريخ والرد على اعداء الله مع احترامي وتقبل مروري |
| الساعة الآن 06:49 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.