حافة الجنون ( بالعامية ) السلام والتحية .. ذات جنون كتبت بالعامية هذا النص، أرجو ان يكون نشره في المكان الصحيح. حافة الجنون ( بالعامية ) لما أكون قاعد مع حالي، بحس إنه في واحد ثالث قاعد بيننا ..! زي كأنه مسكنا بوضع مشبوه ..! بيبدأ الموضوع بحركشة مني لحالي، وحالي .. عارف شو بدي أحكي له. بتحسه ماخد وضع التأهب. أما الثالث بيراقب عن بعد، زي كأنه ذئب بيستنى لحظة الانقضاض على فريسته. بسأل أنا حالي وقتها : يعني الواحد يفكر إنه في بكرا ..؟ أو خلص ( توو لييت ) زي ما بيحكوا هناك عندهم ..؟ بحس وقتها إنه حالي زي كأنه صدمته سيارة بسرعة ميتين كيلومتر في الساعة. بيلتخم الله وكيلكم زي لما يسأل الأستاذ تلميذ حمار فجأة..! وبيصير يحك راسه زي كأنه مقمل، على أمل تنزل فكرة تخليه يعرف يرد علي. والثالث اللي بيننا بيصفن كثير، زي كأنه مضيع شي فجأة وبيحاول يستوعب ..! بعد ...... من الزمن، بتضوي لمبة فوق راس حالي، وبيرد علي بنرفزة ( يعني بالله عليك إنت معك تحلق، لما تفكر بالمستقبل يعني ..؟! ) وقتها بحس الثالث بدون حيرة أو تردد، بياخد الطموح اللي وقع على الأرض، وبيكتب على شاهد قبره .. ( نسي حاله وحلم ببكرا ) .. هيك هيك للتفاؤل . . |
مش شايف فيها تفاؤل ههه انا شايف واحد بحكي مع حاله بس الغريب انه واحد بحس بـ واحد تاني موجود معه من وين اجا التالت توهتنا يا هارب بس بحب خيالك الواسع وانا حاسس رح تاخدنا عالبحر وترجعنا عطشانين احسنت يا طيب |
ههههه مين الاول ومين التاني ومين التالت وبطتنا بطت بطتكم هههه ع العموم شككرا |
هههههه لحتي الان مش عارف مين اللي بالنص ومين اللي وقع عةعوا |
هههههه بسم الله طب انا بعقد مع حالي و بنتناقش كتير معقول في حد تالت معنا طب هو جاي معي و لا مع حالي و لا حالي هو بالأساس الشخص التالت و لا انا العزول بينهم انا ضعت بينآ التلاتة ههههههههه |
الشيطان بيناتكم هههههههع انساك من الجن وخلك مع حالك التاني احسنلك |
بصراحة رؤؤؤعةةة انا ما ضعت ولا تهت وفهمت المغزى كتيرر حبيت خيالكك وكيف خليت من حالكك ششخصيتين وششخصيه تالته مجهوله وممكن تكون لالك كمان !! ابدعت ي راقي تقييمي |
اقتباس:
القدير حبيب العمر صدقني كتبتها وأنا في حالة أقرب ما تكون للجنون، علم الله بأنني أتحدث بصوت عالي أحياناً مع نفسي، بل وأشاكسها، وأكيل لها المزاح الثقيل، ثم أسمع صوت آخر ( الثالث ) يخبرنا ( اصمتوا ) يعني جنون قاص مهووس في القصص. هههه شكراً لتواجدك وروعة حضورك |
اقتباس:
المشكلة بأنه بالأمس سمعنا نحن الثلاثة صوت رابع ..! خليها على الله ههههه شكراً لكِ أ. ميماأ ، وادخال السرور إلى قلبك يسعدني تحاياي |
اقتباس:
على حسب الحالة التي وصفتها، فأنا أرجح الاحتمال الأخير أن تكوني أنتِ العزول ..! اخفضي صوتك .. هناك رابع نائم، وهو غليظ القلب .. اعرفه هههه ادخال السعادة إلى قلبكِ يسعدني يا أم أمير تحاياي |
الساعة الآن 05:11 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.