إشي ما دخلك فيه .. بصير ما تحكي فيه ؟؟!
 

إشي ما دخلك فيه .. بصير ما تحكي فيه ؟؟!


على فكرة هي بتعرف إنها ناصحة و بتعرف إنها لازم تنحف و متدايقة من الموضوع كتير، ف جد مافي داعي أبداً كل ما تشوفوها حاطة لقمة بتمها تبدوا تحكوا عن الدايت..


و على فكرة هو بيعرف إنه وجهه فيه تشوّه و بكره يتفرج ع وجهه بالمراية، فوالله مافي داعي تحسسوه إنكم مش شايفين منه غير هالتشوّه و كل ما تقعدوا معه تبدوا تحكوله عن دكاترة تجميل صاروا يحلّوا المشكلة هاي بسهولة !!


و على فكرة هي بتعرف إنها كبرت و لسه ما تجوزت بس حياتها عادي ماشية ما بتموت البنت مشان مافي بحياتها زلمة، فأبداً مافي داعي تخافي تحكيلها إنك خطبتي، ولا في داعي تخبي جوزك النضوة عنها، و لو لعبت مع إبنك فهاد مشان بتحبه مو مشان عم تتحسر والله !! و بحب أأكد إنه كمان مافي داعي كل ما تشوفوا وجهها تسألوها سؤالكم العظيم "امتى بدنا نفرح فيكي؟!!"


و هو بيعرف إنه اتخرج من الجامعة و إله ٥ سنين قاعد بلا شغل، فما في داعي تدايقوه بزيادة و كل ما تشوفوه تقعدوا تحكوله عن إنجازات ولادكم الي بعمره و تقعدوا تنصحوه يشتغل أي إشي مو ضروري بتخصصه !! إنه جد ؟؟ طب ما هو مستعد يشتغل أي إشي بالعالم بس حفي ع شغل و مش ملاقي !


الكلمة الي بتطلع من تمك لو سمحت ادرسها لمدة نص ثانية قبل ما تطلعها .. مشان كلمة صغيرة منك يمكن بدون قصد تفتح مليون وجع عند غيرك ..


#خليك_بحالك_وخليني_بحالي🖐️🌸

كل حدا فينا مليان عيوب لهيك لازم نشوف في عيوبنا وبسس

تسلمي ملكك ع الطرح القيم


يسسعدكك ربي..

قالها أحد الصالحين

ما رضيت عن نفسي حتى آذم الآخرين


موضوع حساس .. فعلا لو بس بتفكر قبل ما نحكي


او نحط نفسنا مكان الشخص المقابل ونشوف هالشي بيجرحنا او لا ..


ليتهم يرتقون ..


سلمت اناملك المبدعة


دمت بخير


!

كلام سليم
ومنطقي وواقعي جدا
والشخص قبل م ينتقد غيره يشوف حاله
شككرا اسمى