منتديات بنات فلسطين

منتديات بنات فلسطين (http://www.bntpal.com/vb/)
-   زوايا عامة (http://www.bntpal.com/vb/f3/)
-   -   صااآدقةه ي إم كلثوم 💔 (http://www.bntpal.com/vb/t73899/)

عيناك قدري 10-26-2018 02:58 PM

صااآدقةه ي إم كلثوم 💔
 
أسعد الله أوقاتكم :fg6:


واحده صاحبتي خطيبها بيعمل حركة غريبة معاها كدة..يفضلوا طول اليوم متخانقين وقبل ما يناموا لازم حد فيهم يتصل بالتاني يراضيه ويطيب خاطره..مش بيحطوا في إعتباراتهم مين غلطان قد ما بيحطوا قدامهم فكرة إن محدش ينام زعلان من التاني..ويصحوا بعدها يكملوا خناق وهكذا لحد ما يحلوا المشكلة دي..لما قولت علي اللي بيعملوا دا جنون وحلول غير جدية ردت عليا وقالت "المشكلة او الخلاف اللي بينا هيخلص مهما طال..لكن لو حد فينا نام زعلان من التاني ممكن يصحي بيكرهوا ويقرر يقسي علية..إحنا بنتخانق علشان نفهم طباع بعض مش علشان نقسي ونبعد عن بعض"..

من يومين كان عيد ميلاد صديقة عندي..كانت بتحكيلي إن حبيبها مش موافق تروح عيد الميلاد اللي اصحابها عملينوا ليها..فضلت كتير تقنعوا لكنه رفض رفض تام بسبب ان العيد ميلاد هيخلص متأخر وزحمة الصيف والمضايقات اللي ممكن تقابلها..صديقتي رفضت انها تسمع كلامه وراحت العيد ميلاد غصب عنه..وفعلآ الوقت اتأخر عليها وبدء اهلها يتصلوا بيها علشان تروح..البنت نزلت وهي شايلة هم هتروح ازاي في الزحمة دي..كانت الصدمة إن بمجرد ما البنت دي خرجت من الكافية لاقيت حبيبها واقف مستنيها علشان يروحها ولما سألته "انت جي لية مش احنا متخانقين" قالها بابتسامة عتاب "خناقتنا وخلافتنا ملهاش علاقة بخوفي عليكي..زعلان منك اه لكن ابطل اخاف عليكي لا"..

ام كلثوم ليها مقطع عن القسوة في قمة القوة والجبروت وهي بتشتكي من قسوة حبيبها اللي معرفش يحتويها كويس فا بتقوله..
"اخترت ابعد...عرفت اعند...حتى الهجر قدرت عليه...شوفت القسوه بتعمل ايه ؟؟ "

الخلاصة :
إياكم والقسوة، الخلافات والمشاكل في العلاقات دا طبيعي جدآ بس في وقت القدر بيحط نقطة فاصلة،اما ان المشاكل دي علشان تعرفوا طباع بعض وتكملوا اما المشاكل دي علشان تنهوا علاقتكم ببعض،عاتبوا بعض ابعدوا فترة بس في مواقف حتي لو بينكم مشاكل الكون لازم تحطوها علي جمب وتبقوا جمب بعض لحد الموقف دا ما يعدي ويمر وبعدها ارجعوا اتعاتبوا واتخانقوا عادي..كمان بلاش تنيموا الناس اللي بتحبوها زعلانين منكم، القلوب بتتغير واللي بينام مكسور من حد مبيصحاش سليم ابدآ حتي لو بيعشقوا،يمكن الشخص اللي زعلان منك دا يموت او يمكن يصحي بيكرهك،سعتها هتندم ندم عمرك.. مش دايمآ المشاكل والخناقات سبب لنهاية العلاقة
بس ممكن تكون سبب إن العلاقة تبقي افضل واقوي، المهم الطرف الحنين والذكي اللي يفهم ويقدر دا كويس ،امتي ينسحب من المشكلة وامتي يعاتب وامتي يطيب ويراضي.


دمتم بخير ⚘

مُورفِينْ 10-26-2018 03:15 PM

كلام جميل جداً ،


lonely heart 10-26-2018 04:09 PM

المشاكل وعدم التوافق شي طبيعي يكون بين أي خطيبين لانه طباعهم مش نفس الشي
وطبيعي يكون في تتش بيناتهم
ويلي بحب بلجأ للعتاب
وفعلا متل ما ما ذكر في الموضوع
القسوه ممكن تولد الكره والفرقه
موضوع جميل
حبيت طرحك عيناك قدري
يسلمو دياتك

المايسترو نمر 10-26-2018 08:11 PM

اهم شي الاهتمام والتسامح فالحياة اعذار ومن دونها تنكسر القلوب للابد ..
فلا بد ان يكون التوافق والعتذار مكمون به ..


الكلمات رائعة وام كلثوم اغانيها وكلمااها دائما جميلة وحكيمة ..
ابدعتي بالاختيار خيتو

غَسَقْ♡ 10-26-2018 11:17 PM

بتصدقي اني قشعرت وحسيت بشعور غريب

م احلاه


الساعة الآن 02:56 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.