إلى النسخة المستقبلية مني :💛
 

بعد فترة من الوقت كتير بتمنى إنو تكوني منيحة ، بأحسن حال بتقدري عليه ، بعرف إنو مريتي بكتير شغلات و أنهكتنا كتير بس المهم إنو مرت و قطعنا طرق كتيرة سوا، أو قطعتيها لحالك المهم انقطعت
كتير من الناس كانوا عم ينتظروا إنك توقعي ، بس أنتي خيبتي ظنن كلن
، عالأغلب ما بتعرفي قيمة هالشي بس بدي تعرفي أنو هلأ وبعدين كتار يلي لساتن عم ينتظروا وقعتك لهيك رجاءً لا توقعي ، خيبي ظنن كعادتك


ضلي متل ما أنتي؛ خفيفة الروح و غير مثقلة ب الهموم ، ب الرغم من كلشي حواليكي
حاولي تتجاوزي عقدة الذنب البشعة يلي مرينا فيها من فترة منيحة ، اتمسكي ب طبيعتك و لا تتصنعي ، بتوقع لاحظتي بالفترة الأخيرة و بكل المصايب يلي صارت معنا إنو ما كان حدا حدنا ، وقعنا و تماسكنا تمامًا و نهضنا،
ما حدا مسك بإيدك يا صديقتي العزيزة ،
حاولي تكوني الأفضل ؛دوري ع سعادتك الخاصة ، لا تستمدي هالسعادة من أي شخص ، كلنا رح ننتهي ، مارح يضل حدا ، حتى أنتي مارح تبقي بحياة الأشخاص يلي بتحبين، رح تشتغل الحياة كتير قصص مزعجة
رح تفرقكن لا تزعلي و لا تيأسي ، تقبلي الحقائق هي بصدر رحب ، هي أنتي ، الناس كلن مختلفين ، و أنتي كمان مختلفة


اصمدي و تابعي و لا تخافي ، لا تخافي 💛🌟

يعطيك العافيه

نصايح حلوة لنسختك بالمستقبل

اسمعيهم منيح لحتى تخيبي ظن الكل

شكرا ايلول

يآ مستقبلية ...

لآ تستمعي لها فإنها مثقلة بالألم


هنآك في المستقبل أناسٌ جيدون


قبل أن تقعي سيمسكون يدك


ويسيرون بك نحو النور


نحو فجرٍ مشرق بعيدا كل البعد عن ما هذت به


لا تستمعي لها


وانظري إلى ذآتك من منظور القوة


أنظري الى ذآك النور الباهت في الأفق


لا ترهقي نفسكِ بذنبهآ الماضي


كوني شرقية جديدة لآ تهوى الملام


دعي عنك جلد الحياة وانظري ل جميلها


كوني نظرة امل متفائلة فقط


!