|
الححامل ع الفيسس بوكك~~ ليش هو زمان كان حدا يعرف انو ( فلانه ) حامل ولا مش حامل ؟! اصلا كان سر خطير! كانت اللي تحمل يكون الموضوع only me وما حدا يعرف الا جوزها ، وامها ، وامو ، حتى مرات الدكتور يخبو عليه 😂 اما هسا ، يا حبيبي ، ولكو ياااا حبيبي! يما يما عهالجيل شو كاسر و كرنيب يما! هسا الوحده اذا وهي قاعده مع جوزها ، اذا اقترحو ، او اتفقو ، او قعدو قعدة عصف ذهني ، وقررو انهم لازم يجيهم ولد ، نص الاردن عالسوشال ميديا بتعرف ! عالسريع بتنط زمردة تكتب : اتفقنا 😍 مع انو لسا لسا ما صار اشي ، اصلا لسا مش فاضيين يقعدو لحالهم ، لسا ماصار اشي ، بتنط وتكتب : حاسة حالي رح اشعر بالدوخة والحاجه للكبدة والفواكه والراحة! واذا تمت العمليه ، وحملت ، هون بنكون اكلنا هوا ، هون بدها تخلينا نعيش بالحمل لحظه بلحظه ، رح تحس انو انتا اللي حامل! عليم الله في وحده عندي بتقربلنا من بعيد ، بتقربلنا من ٣٠٠ كيلو متر تقريبا ، من كثر مكتبت عن حملها ، صار بطني يوجعني ، وصرت احس في اشي برافص ببطني 😂 مع مرحلة الصور ، صورة بطن منفوخ ومكتوب عليه جاري التحميل ، ولكو جيل كرنيب خلانا نحس انو البيبي عباره عن اغنية ، او ملف اكسل ، قال جاري التحميل قال ، اه مهو قلاب طوب! بعد شوية وقت ، بتكون رايحة عالدكتور ، وفرجاها البيبي ببطنها ، بتوخد الصورة ، وبتنزل صورة اشعة اصلا مش مفهومة ، مرة فكرت الصورة منخفض جوي ، وكاتبه فوقها : هيو حبيبي و روحي و سندي 😳 ولك سند مين؟ هو قادر يسند حالو؟ مهو عمرو ٤ شهور! اذا عطستي بفلت 😂 بعدين لحقتي تحبيه؟! هو خطيبك؟! سند مين يا ام سند؟! طب قرايبنا هاي الي حكتلكم عنها ، اللي اكيد بعد هالبوست رح تعبّطني بلوك تطلعو من شسمو ، نزلت صورة الاشعة تبعت بنتها ، وكاتبة عليها : قمر يخواتي قمر 😳 اه اه قمر ، شعرها طويل ، وعيونها ملونه ، وبترقص باليه! منوين عرفتي انها قمر بدي اعرف؟! مهي صورة غيوم ! مش ضايل الا تكتبي : بالله مهي شبهي 😕 ولك لسا رموشها ما تكونو! بعد كل هاد ، بس تولد ، ما بتنزل صورتها مشان الحسد والعين 😳 ولك بالله؟! بحياة اختك؟! امانة الله عليكي؟! هسا تذكرتي الحسد؟! وحدي الله يا موسوسة!! قال بتنزل صورة طرف ايدها ، وبتكتب : اخاف عليكي من عيون الناس ونقهم ! ولك مهي عيون الناس شافوها وهي بتتكون ، يعني انتي وصلتينا لنص البير وقطعتي الحبل فينا؟؟؟؟؟؟ ٩ شهور وانتي معيشيتنا اللحظه بلحظة ، وعند م نتعتيها ، خفتي عليها من عيوننا!! يلا نترحم ع ستي ، اللي كانت تحمل وتولد وتدخل بنتها المدرسة ، وبعدها خجلانه تحكي لسيدي! #اتس_چيرل #عمر_زوربا |
ههههه هالزلمة رهيب ، قرأتها من اكم يوم ع صفحته. يسسعد قلبك ♡ |
اقتباس:
ويسسعدك مورفين نورت |
ههاا سرد بطريقة مضحكة بس للأسف شي واقعي تعرت كل البيوت ع مواقع هالتواصل يسلمو حبابه م ننحرم |
هالشي صار واقعي بحياتنا يسسلمووو |
ههههههههه مخف دمه هالعمر شكرا ملك |
للاسف كلام صحيح يسلمو يا ملك |
قلتيلي خايفه من الحسد ههههههه عاهاتك يا وطن ولا في اتفه من الي بنشر غسيله عالفيس بوك او شبكات التواصل شكرا اسمى |
بحب منشوراته ل ابن زوربا بس نزلتها قبل فترة هاي كلامو للاسف واقعي |
| الساعة الآن 04:32 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.