|
هل تفضل العمل تحت إدارة امرأة أم رجل ؟ كثيرة هي أماكن العمل والتشغيل، وكثيرات هن النساء اللواتي يتبوأن مراكز ومناصب إدارية ورتب مرموقة في أماكن العمل أسوة في الرجال، سواء في المصانع، أو ورش العمل، أو المؤسسات الإعلامية أو الجماهيرية، وحتى السياسية منها. دعونا نستعرض المقارنة بين مؤسسة تديرها امرأة وأخرى يديرها رجل ونسأل 1- أيهما تفضل، العمل تحت إدارة إمرأة (مديرة عمل) أم رجل (مدير عمل).. ولماذا ؟ 2- هل تعتقد أن التعامل مع مديرة امرأة أسهل أو أفضل.. أم أنك تفضل مديراً رجلاً ؟ 3- أيهما برأيك أكثر جدارة لإدارة العمل الرجل أم المرأة ؟ |
متاكدة الششباب راح كلهم يحكو بفضل تحت ادارة رجل لكن كأنثى اناا برأيي مو مهم جنس المدير شو الامر يتعلق بالتعليم ومستوى التفكير وطريقة الادارة واسلوبو بالتعامل مع الموظفين سواء كان المدير او او انثى لا فرق مششكورة غلاتي للادراج تحيااتي |
اقتباس:
صحيح اسومه كل هاي الصفات الحلوة و رائعة الي ذكرتيهم بغض النظر رجل أو أمرأة هاي صفات المدير أو المديرة ناجحين و المخلصين في عملهم بتعاملو مع المواظفين بضمير وانسانية الكارثة هون لما الواسطة بتلعب دور من تميز و ظلم وقتها مابكون للضمير وجود حبيت مشاركتك اسومه انرتي الله يبعتلك ايام حلوة |
لا يهم اعتقد ان الادارة الناجحه لا تفرق بين ذكر وانثى واعتقد ان ادارة الانثى في بعض الموقع افضل من الرجل الى جانب ان الانثى قيادية ناجحه وتهتم بسمعتها المهنية اكثر من الرجل شكرا للطرح |
اقتباس:
انا هون محايدة لانه على حسب الشخص واكيد كلامك في منه عاهد القيادة والمعاملة الحسنة وحسن التصرف بلا شك اداره ناجحه حبيت مشاركتك عاهد انرت الله يبعتلك ايام حلوة |
المرأه عاطفيه بفطرتها ممكن هالشي يأثر على قراراتها الرجل اشد صرامه لاتخاذ مناصب عليا وانا بفضل العمل تحت اداره رجل كفؤ بشرط يكون اجدر مني واكفأ مش محطوط بالواسطه وهو ما بفهم شي لكن لو اضطريت اعمل تحت قياده امراه ما باليد حيله منتقرب منها ومنصير صحاب هههههههه |
متل م قالو مش مهم رجل او امرأه المهم الاداره الناجحه وفي نساء كتير عملو اكتر من الي ممكن يعملوه الرجاله وصارو سيدات اعمال الهم مكانتهم بس مع هيك بفضل المرأه تكون مديرتي لانو بسهوله بقدر اقنعها برأيي وتعمل زي م بدي وم نكون ع جدال انا وياها |
انا عملت تحت ادارة امرأة وحظيت بشرف العمل معهاواعتقد اننى لو خيرت مرة اخرى بان اعمل معها بنفس الراتب الذي كنت اتقضاه او العمل تحت ادارة رجل براتب اخر ساختار العمل معها بعيدا عن المادة والامور الاخرى تغير الزمن واختلفت المفاهيم واصبح دور المرأة لا يقتصر على المطبخ وتربية الأبناء فالمراة في وقتنا الحالي اصبحت تنافس الرجل بل في احيان تتفوق عليه |
صح أنه الجنس لا يحكم الإدارة الناجحة بس مؤيد نوعا ما رايه صحالمراة مغلوب ع أمرها بكتير قرارات ونادر جداً م تلاقي مرأة بتكون أقوى من عاطفتها و ما بتحكم الأمور بقلبها ، وشيء فطري أني ارتاح مع العمل تحت ادارة مراة اكثر من رجل ، لكن بالنهاية بيرجع للإنسان مش لجسنه، وع كل الأحوال انا هكون مديرة حالي وافتح صيدلية ههههههههه يعطيك الف عافية رشاا ي حب |
اقتباس:
ازا في اتزان مابين العقل و العاطفه هيك حلو كتير .. تتصرف ببعض الامور بعقلانية والأمور تانيه بتتصرف بعاطفتها اكيد لانه الموظفين امانه برقبتها ازا حدا مريض بياخد اجازة وبتقدر ظروفهم عجبتني اصحاب ههههههههه حبيت رئيك مؤيد الله يبعتلك ايام حلوة |
| الساعة الآن 10:52 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.