|
متابعة معك |
|
حلو الموضوع بنستنى نشوف طفولة الأعضاء كيف كانت راح اكون متابع |
طرح جميل متابعةه |
قباني الهوى & عيناك قدري انرتم الله يبعتلكم ايام حلوة |
اقتباس:
بس اعطيني وقت لبكرة |
ان شاء الله |
1-اوصف لناطفولتك(بالتفصيل)؟ طفولة قاسية بمعنى الكلمة من فقر شديد لظروف مادة صعبة جدا 2-هل تتمنى ان تعودطفلا؟ولماذا؟ اكيد حتى لو كانت قاسية لانه حياتنا هلأ تغيرت وزادت المسؤوليات والهموم والطفل م بكون عندو هم الا لعب وبس 3-هل كنت طفلا مدللا؟ اه نوعا ما لاني اكبر وحدة عند ماما ف الكل كانو يدللوني من جهة اهل امي خالاتي ستي وسيدي الكل كانو يحبوني والي معزة عندهم 4-هل ممرت بصعوبات خلال فترة طفولتك؟ حكيت فوق كانت صعبة جدا كان بيتنا قديم والمي بالشتا تضل تنزل علينا وكان بارد كتير وما كان الا غرفة وحدة ننام فيه كلنا 5-هل كنت طفلا هادئا ام خجولا اممشاغبا؟ لا طول عمري هادية ما بحب المشاكل ولا مع اي طفل ولا كنت أأزي ولا أخرب اشي 6-اذكر لنا حادثا مر بك خلال طفولتك ولم تنساه للان؟ مرة كانت ماما برة البيت وانا واخي ضلينا واخي وقتها ولع النار بتنكة وجاب قطع قماش وولعها ههههههه ولولا انه ماما اجت بالوقت المناسب ولا كان انحرقنا 7-اين كنت تقضي معضم وقتك؟ عند بنت عمتي هي ادي وكنا كتير نضل مع بعض او عند دار سيدي اهل امي او عند خالتي القريبة منا 8-لعبتك المفضلة؟ لعبت لشبعت الحجلة والحاكم والجلاد وانسان حيوان نبات والحية والسلم ونط الحبل كنا كتير نقضي وقتنا باللعب مش متل هلأ 9-هل كنت طفلا اجتماعيا ام انطوائي ولا تحب اللعب والمخالطة؟ لا كنت اروح واجي والعب مع بنات الجيران واحب الطلعات 10-لديك اصحاب من الطفولة؟وهل بقيت معهم ام باعدتكم الاقدار؟ اه بتعرفي اجى سؤالك بالوقت المناسب من يومين بس وصلوني حسابات فيس لبنات صفي من ايام الصف الاول وعملنا جروب عالمسنحر وعالوتس اب تخيلي كل وحدة صارت تتزكر بالتانية* وتحكي شو صار معها ولاد وشو درست انا مبسوطة انه الزمن رجعنا لبعض يمكن اكتر من اربعين بنت عم نحكي عن 12سنة بنفس المدرسة ما انتقلنا من مرة 11-هل كنت تحب افلام الكارتون؟وما هو كارتونك المفضل؟ اه كنت احب الكابتن رابح وبيل وسبستيان وليدي والسيدة ملعقة وماروكو كنت اكيف عليها 12-كيف كانت علاقتك باخوانك واخواتك؟ كتير ممتازة خاصة مع الكبير اللي اجى بعدي كنا ناقر ونقير هههههه نضل نضرب ببعض 13-ماهو اصعب موقف حدث لك في طفولتك ولم تستطع نسيانه؟ ماتت عمتي وانا بالروضة وبنتها كانت معي وشفتها وهم بودعوها 14-هل هناك انسان معين غرت منه في طفولتك..ولماذا؟ ما كنت اغار بس كنت اتمنى يكون وضعي المادي متلهم من كم بنت من بنات الصف 15-صف لنا موقفك اول يوم دخولك للمدرسة؟ اول يوم رحت ع مدرسة وقضيت فيها يوم وبعدها طلعوني منها لانو كنت احتياط عشان يقبلو فيي مدرسة تانية ونقلوني لعندها تاني يوم 16-شيء كنت تتمناه بطفولتك ولم تحصل عليه؟ يكون غرفة للولاد وغرفة للبنات وما حصلت عليه الا لما تزوجت 17-حلم الطفولة ما هو؟ وهل حققته؟ اكون ممرضة وطبعا ما تحقق 18-ما هي الكلمات التي كنت ترددها في طفولتك؟ مش متزكرة صراحة بس كنت احكي ماما كتير اكتر من بابا 19-هل كنت مطيع لوالديك؟ اه كنت انا الكبيرة وانا اروح اشتري اغراض البيت واكبلهم الزبالة كنت كتير نشيطة مش متل اولاد هلأ شكرا الك رشا عالاستضافة رجعتيني لاحلى واصعب ايام عشتها بحياتي |
اقتباس:
وان شاء الله بكرة احلى شكر كمان موصول الك الملاك لقبولك الدعوة الله يبعتلك ايام حلوة |
| الساعة الآن 10:01 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.