منتديات بنات فلسطين - الف سلامة عليكي توليب ^ ^

يا جماعة توليب تعرضت اليوم لموقف محرج , هالموقف بحياتها ما راح تنساه وهتضل تتذكروا وتحكيه لأولادها ولأحفادها بس الله يعطيها
هالموقف بيظهر فيه قمة الحقارة , وقلة الأخلاق , وهيا ما كانت راح تحكيلكم هالموقف بس عنجد طفح الكيل معي ووصلت للحد يلي الإنسان ما بقدر يتحمله ..
اليوم كانت توليب في مستشفى الشفاء الطبي , كانت رايحة تزور صاحبتها يلي مريضة في السكري , وكانت عاملة مفاجئة لصاحبتها وماخدة معها باقة ورد , وما كانت مفكرة غير كل خير وغير انها تسعد صحبتها وتخفف عنها وعن وجعها لو بشيء بسيط ..
دخلت ع قسم المرضى بالسكري , وفجاة هجموا عليها الأمن ووالواطين ما راعو حرمة ولا قدرو انها انثى رقيقة قامو رفعو السلاح في وجهها
والغريب انو الاطباء كمان هجمت عليها وصارت تزعق وتنده بصوت عالي اطلعي لبرة بسرعة ,
هالمسكينة توليب إستغربت ورفضت تطلع وعندت وبتعرفو عنادها وقت ما تعند وتنحت ووقفت بكامل جبروتها لحتى تعرف شو في وشو عملت شيء غلط ,
ومع إستمرارها بالرفض , اتصلوا المستشفى بالشرطة , وتولين واقفة لحالها مصدومة شو فيه
وبتحكيلهم اشرحولي شو فيه وما حدا بجاوب الكل بيطلع عليها بإستغراب , وبلشت توتر توليب وصار عقلها يودي ويجيب صارت تقول في بالها معقول أنه باقة الورد فيها متفجرات
بس هيا رمتها وكانت خفيفة وما فيها شيء وفجأة بتوصل الشرطة وبيطعلو عليها بإستغراب , وحكوا لبعض اتصلوا عالإطفائية بسرعة بسرعة ,
هالمسكينة بوقتها إرتعبت وتملكها الخوف وحكتلهم ليش شو فيه ؟ شو عاملة انا يا مجرمين ؟
والله ما معي شيء بس كنت بدي أزور صاحبتي حنان المريضة بالسكري
ما حدا جاوبها لحد ما وصلت الإطفائية رجعو لورا وقدم الشرطي خطوة وحكى : أنتي يا بنت رح تطلعي من القسم ولا نفتح عليك الميه
حكتلو : ليش تفتحو المي ؟
حكولها : بدون نقاش لآخر مرة رح تطلعي ولا نفتح عليكي المي ؟
حكتلهم توليب : طيب رح أطلع رح اطلع بس لا تفتحوها علي بس أعطوني سبب مقنع !
حكولها : أنتي مجنونة كيف بتدخلي عالقسم هاد !
حكتلهم : لا مش مجنونة لأنه ما غلطت وأحكولي شو السبب لأني مش متحركة من مكاني بدون سبب مقنع !!
كان جواب الشرطي مع وصول التلفزيون والصحافة وكل شيء مسجل بالدليل وبالحرف الواحد حكالها الشرطي : يا مجنونة أنتي سكر كيف بتدخلي ع قسم مرضى السكري
أنتي بتعرفي إنك بتسببي خطر ع حياتهم وجبنا الإطفائية لحتى ندير مي عليك وتذوبي إذا بترفضي تطلعي !
توليب زعلت يا جماعة وحملت حالها وطلعت وحكت ما راح أرجع ولا أزور أي مريض بالسكري بحياتي
عنجد شيء انا تدايقت على هواها وعلى حصل معاها وعالرعبة وجو الخوف الي صابها
أنو شو ذنبها إذا الله خلقها هيك ؟ :1:
ليش يجرحوها ويفضحوها ؟ :138::138: