|
قالت ستي .. قالت ستي😌☺👇👇👇 وقت الكباب سكروا الباب ووقت المجدرة نادوا للمعترة😂😂😂 اي نعم قالت ستي ابن آدم نصو خلقة ونصو خرقة ويلي ما بتزينو عروقو ما بيتزينو خروقو🤨😳 اي نعم قالت ستي البخيل متل الكديش بيحمل دهب وبياكل حشيش اي نعم😂😂😂 قالت ستي... خدي الفارس ولا تاخدي الدارس😂😂😂 اي نعم قالت ستي.. خايف هزك يا غربالي يوقع منك كل عزيز وغالي😂😂 اي نعم قالت ستي ... العشرة يلي هانت ياريتها ما كانت..! اي نعم قالت ستي.. اللي بيعاتب الرخيص بيرخص😏 قالت ستي الأصيل أصيل ولو حظو على قدو وإبن النعمة مبين ولو الزمن هدو اي نعم👌😉 قالت ستي مو كل ورد خلق للشم ولا كل البشر بتنفدى بالدم اي نعم😉 قالت ستي قالتلا ياجارة سكبيلي .. ردتلا بكفوفي ولا بصحونك الي ع رفوفي😏😂😂😂😂 قالت ستي لا تضرب وتغمق الجرح مابعد العداوة إلا الصلح🙋🏻♀ اي نعم😁 قالت ستي ناموا عندي ليلة فكروا حالهم من العيلة😂😂😂😂 اي نعم قالت ستي بنت الأصل بتخلي كوخها قصر❤ اي نعم قالت ستي خليكي عند أهلك عزيزة وشبعي دلال صح كتار الشوراب بس قليلين الرجال😎 اي نعم قالت ستي قبل ماتركبي لأذانك حلق روحي ركبي لتمك غلق اي نعم 😂😂😂😂😂 قالت ستي ... ماصفي حدا صالح كل الناس مصالح😒😕 اي نعم قالت ستي... الله يكفينا شر من رحب فينا وهلا ومن ورانا حكى علينا وما خلا😡😏 اي نعم قالت ستي الغربة متل الحمام العمومي ... الي برا حيموت ليدخل، والي جوا موطايق الريحة 😂👍 اي والله قالت ستي شيل الريحانه وشمها وخود البنت على ريحة أمها😍 اي نعم قالت ستي... يلي ألو غايب بضل قلبو دايب😞 اي نعم قالت ستي ... لا تاكل هم حدا لأن وقت همك الكل عامل ريجيم اي نعم😏🤨 قالت ستي... الست مالها غير صحتها لارجال بيشفع ولا أولاد بتنفع اي نعم☺ شو رايكم بكلام ستي🤨🧐 حبيت |
امثلة وحكم ومعارف رائعة وكلمات حقيقة بكل كلمة روعة ستك خبرة بالحياة وبتفهم الدنيا وربنا يهدي الجميع يسلمو ملاك على الروعة |
ههههااا تؤبشني ستك وحكياتا❤ بس هادي م فهمتها وضحيلي ياها قالت ستي ابن آدم نصو خلقة ونصو خرقة ويلي ما بتزينو عروقو ما بيتزينو خروقو |
هههههههههههه بجد كلام متل المسطره صحيح ميه الميه هو في بعد الستات :138: |
اقتباس:
الخرقه يعني الشريطه القصد منها الاواعي الي لابسها الي ما بتزينه اخلاقه ما بتزينه ملابسه ولا بتعمل منه رجال |
اقتباس:
مرسي ع التوضيح |
اصلا هنن يلي فهمات الحياة صح ههههههههه عوافي |
هههههه اي نعم هي الكلآم المزبوط عوافي ملوكة |
مشكورة اختي الكريمة على الحكم الرائعة .. . لك اطيب الامنيات |
شكرا |
| الساعة الآن 01:54 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.