منتديات بنات فلسطين

منتديات بنات فلسطين (http://www.bntpal.com/vb/)
-   النكت والطرائف (http://www.bntpal.com/vb/f22/)
-   -   يلعن هيك مزح☹ (http://www.bntpal.com/vb/t72443/)

سَلامْ ♡. 08-19-2018 09:06 PM

يلعن هيك مزح☹
 
رجعت عالبيت وحطيت الخط الجديد وفتحت واتس
طلع بوجهي رقم اخي .. قلت يلا خليني اتسلا فيه 😁
بعتلو : ريتو يؤبرني الاحمر 😍
قلي مين معي؟؟؟
قلتلو انا جارتك بالبناية التانية وشايفتك من شباك غرفتي 😍
(( هون اخي فورا انبز عالشباك وشنك راسو وكشف عن عضلاتو ونفخون😂 ))
بعتلو : اي ولي على ئلبي عضلاتك بشلووو وانتا كتير حلو وكيووووت 😍
بعدين قلتلو رح يخلص رصيدي بس عبي بحكي معك .. بااااااي حب 😍
(( هون اخي الخارووووف فورا نط ع السريع على اقرب مركز تحويل وحول لرقمي 1000ليرة 😁))
رحت بعدين على رقم الحجة
بعتلا : مرحبا يا خسة 😍
قالتلي مين معي ؟؟؟
بعتلا : انا بياع الخضرة بالسوق وك هيك بتشتري من جاري . وما بتمري لعندي .. لك يؤبرني هالطول متل حبة الفول ..يؤبروني سكبات رجليكي بيحفرو قلبي حفر .. متل ما بتحفر الحفارةبالكوساية .. وانا كتيييير معجب فيكي 😍😍
قالتلي : تفه واستحي على شيبتك .. قبل ما سلط جوزي عليك .. وحظرتني😁
نطيتلا فايبر بعتلا : والله لضل وراكي . لتحبيني .. وحظرتني 😁
(( هون الحجة عبق وجها وتعبت نفسيتا ومن يومها صار تحرق الطبخات .. عقلا يا حرام ببياع الخضرة وخايفة يعملا مشاكل ))
صار دور الوالد ... كان قاعد يتابع اخبار ..
بعتلو : السلام عليكم ورحمة الله وبركاته
قلي وعليكم كما ذكرتم ..
بعتلو : حجي انت من الاشخاص يلي بيملك الاخلاق العالية و الهيبة والوقار وعزة بالنفس
(( هون الحجي زبط اعدتو وطفا التلفزيون ولبس النضارات وشكلس وضعو😁))
قلي مين معي ؟؟
بعتلو : انا ارملة وام لطفلين في عمر الخامسة والسبعين.. اريد السترة من رجل مثلك وفي نفس عمرك .. احب فيك وقارك .. واحب فيك تلك اللهفة والعزيمة والقوة عندما تدخل فيها الي المخبز المجاور لمنزلي وتجلب لعائلتك الخبر الطازج ...
تمنيت ان يكون عندي مثلك رجل .. اكتافه عريضة .. ويقدم لي ولاولادي لقمة عيش 😢
(( من وقتا الوالد صار كل يوم يروح ع الفرن ويجبلنا خبز تازة .. الله وكيلكون كان الخبز يجفر ويصير يابس لحتى يتلحلح يروح يجبلنا قال شو ركابوا بيوجعوه 😁))
✋بعد ما خلصت محادثات
رجعت بعتت لاخي رسالة👨 وقلتلو فيها ..
(( حبيبي وقف ع الشباك عالساعة 6 رح افتح الشباك عرفك عن حالي 😍))..
وبعتت للحجة رسالة 👩
(( جهزي حالك اليوم الساعة ستة جاية لعند جوزك وقلو انو انا وياكي بنحب بعض .. مشان يطلقك .. واتجوزك انا ))
وبعتت للحجي كمان👴
(( السلام عليكم انا جاهزة للقاء بك عند الساعة السادسة مساءا" امام افران ابن العميد))
الكل متوتر واعصاب البيت تلفانة .. اخي مزروع عالشباك ... وماما همها بمصيبتا يلي رح تجي ... ولا الحجي العشقان محتار يقول للحجة ولا لاء
واخي الصغير عما يلعب بالعابو
منظرون بضحك كيف الهم قاتلون .. اجيتون انا بأبتسامة عريضة تملء وجهي وقلتلون بصوت عالي شبكون يا جماعة فردو وجهكون انا صاحب الرقم يلي اخرتو 1889😎
للثواني حسيت الصالون كأنه انقلب حلبة مصارعة .. وانطفت الاضواء .. وموسيقى التصويرية .. وك حتى وجوهون تغيرت متل المصارعين
ماما صارت تشبه ( اندرتيكر ) وبابا ( ستيف اوستن) واخي (جون سينا ) وانا بنص الحلبة والتلاتة حولي .. مالقيت غير ماما ذات الاوزان الثقيلة ركضت ونطت هديك النطة وجابتني لزق بالارض وعملتلي حركة الموت البطيئ.. واخي عملي حركة التثبيت القاتلة وبابا جاب الكرسي وبلش خبط لبط شلف حطو كل غلهم فيني 😭
وك حتى اخي الصغير وتسطح حدي ولعب دور الحكم وفات بالجو.. وصار يقلي استسلم قبل ما اضرب تلات ضربات بالارض 😢
انا مستسلم بس ما قادر احكي انفاسي الاخيرة تفارقني 😢
يلعن هيك مزح ..
اضحكوا بلا نكد 😂😂😉


منقوول💛🎼

مشاعر خجولة 08-19-2018 09:29 PM

هههههههههههههههه
يحرق حريششها شو محششة
بتستاهل هههههههههه
يسسلمووو سوس

قمر الماما 08-19-2018 09:43 PM

ههههههههههههههههههههه

عيناك قدري 08-19-2018 10:07 PM

ههههاا حلوة منك

ريتال 08-19-2018 10:44 PM

ههههه ولا فيوز عندهاههههههه
حبيتها يسلمو

ميمآآ 08-19-2018 11:40 PM

هههههههه مش مزحة

يسعدك سوستي

مُنهك 08-19-2018 11:49 PM

ههههههههههههههههه مش قادر .. شو هل المقلب هاد مش طبيعي رسمي .. فيلم ههه


يعطيكي العافيه

المايسترو نمر 08-20-2018 01:40 AM

هههههههههههههههه


قريتها قبل هيك ودايما بقراها هههههه
بحسها فلم هندي اكشن هههههه
فقدان خخ


يسلموووو

حبيب العمر 08-20-2018 01:53 AM

هي لساتها عايشه
ولا نروح نزورها عالعيد
يخرب بيتها شبكت الدنيا في بعض
ههههههههههه
يسلمو سمر

غَسَقْ♡ 08-20-2018 04:33 AM

هههههههههههههههه فرطتت.

يسعد قلبك


الساعة الآن 04:43 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.