منتديات بنات فلسطين - اكسر مرايتك واعترف وكون انت 👍

يسعد اوقاتكم ❤

لنفترض انو كلنا بهالدنيا صح ومافي حدا فينا غلط
طيب مين سبب كلشي عم يصير فينا هلأ من كتير اشياء ؟! 💔

-اذا كل شب عم ينشر عن الوفا و إنو هوي الحب يلي عندو حقيقي
طيب هديك البنت يلي عم تبكي هنيك مين جرحا ؟!

إذا كل بنت عم تكتب إنو تعرضت لخيانة و على طول الحق ع الشب
طيب هداك الشب ليش بخاف يحب ؟!

كلنا للأسف منهرب من الصراحة و منحط حواجز ل نتخبى وراهن
طيب تعو نعترف ونبطل نخاف ؟! تعو نعترف وبالعكس نكون اقوياء !! 💛

- المكالمة يلي نحن وعم نحكيا مبارح و قلنا لهداك الشخص شوي و منحاكيك
هي كانت مجرد هروب لأنو ملينا حكي .. و اشتقنا ل نفتح نت

- لما دقينا ل صديق صار زمان مو حاكيين معو و بلشنا بالكلام الحلو و الترحيب
ما كان القصد انو مشتاقين .. كنا محتاجين شي .. وهالشخص بيعطينا ياه

- النت ما فصل وما كان عم يعلق نحنا وعم نحكي بهديك المحادثة ابدا
بس الروتين هوي هوي .. وماعد جاي ع بالنا نكفي نقاش و كلام

- بعمرن الاسماء ما راحو من موبايلاتنا ابدا بالغلط ولا عملنا سوفت وير
بس بكل صراحة نحن محينا ارقام الأشخاص .. يلي ما بدنا نشوف حالاتون

- و التعليقات يلي كتبناها مبارح على بوستات اشخاص منحبن كتير
كتبناها رفع عتب فقط لا غير .. مو طالعين من قلبنا يعني !!

- وجعنا كتير اشخاص .. بكينا كتير اشخاص .. و خناا كتير اشخاص
والاشخاص يلي حكينالكن عنن انو خانونا .. نحنا يلي خناهن كمان

وهداك الشخص يلي بمحادثة انكسر فيا كلشي و تغير فيا كلشي
لما قلنالو منكرهك .. ابدا ما كنا منكرهو .. ولا بحياتنا رح نكرهو
منحبو وحياة الله منحبو ❤

بعمرو الكلام و الخوف مارح ياخدنا ع مطرح
و بعمرو الكذب و التصنع مارح يعمل مننا انسان

اكسر مرايتك .. و اعترف .. و كون انت !!