منتديات بنات فلسطين - قصه وروايه ما وراء الهروب

الجزء_2
ما وراء الهروب

انا كنت متسطحة بغرفتي وعمتي اعدة بأرض الديار ،
بعد شوي بيتسكر باب البيت ..
عمتي : شرفت عنتر اجيت واخيراً
زياد : خيير شو المحاضرة اليوم
عمتي : والله ياعيني الزلمة يلي بدو مصاري منك
اجا هددنا وشكلو مو ناوي خير نشالله انبسطت
زياد : ووو .. ووشو قلتولو
عمتي : شو قلتلو !! قلتلو الملك بمملكتو ومو فاضيلك
طبعاً مارديت عليه حكا هالحكي و انا ما سترجيت رد
بعدين راح بعد مالم علينا العالم ،
خاف الله يارجال شو هالشي يلي عم تعملو وتدمر حالك
زياد : خرسي حاج تكبري كلام

هجم عليها وصار يضربا من خوفي طلعت و انا عم اركد
من غرفتي ومسيت حط على راسي كان شعري مفرود
وانا شعري طويل كتير وسميك و اسود
ركدت لبين ايديه وصرت ادفشو و اعيط عليه
لحد ما اتطلع بشعري نظرة غريبة وابتسم وقلي شو هالشعر
التلو : خراس بلا حيا تفو عليك
اخدت عمتي و اعدنا بغرفتي وصرنا نبكي سوا لحد ماحاولت اهديها لعمتي
شوي وبعدين غفلت ونامت و انا كمان نمت ..

تاني يوم الصبح بلشنا شغل البيت من بكير
مابعرف ليش عمتي بتتلائم معي فجأة ،
فيئتني وهي معصبة وعم تدعي عليي مع اني ماغلطت معها بولاشي
ولا حاكيتا كلمة غلط
فئت بسرعة ، التلي يلله بلشي شغلك اوام
و انا رح اعمل الفطور

انا تعودت عليها و على معاملتا يعني ماعد فرئت معي
صرت بلا احساس تمسحت !!

انا كنت عم امسح الغرف وعمتي عم تحضر الفطور ،
مالك وريم عم يلعبو بالحارة ..

كنت كل ما احكي حرف مع عمتي تطنشني وماترد عليي مابعرف ليش ..
قلتلا شبك احكيلي بس ماردت صارت تبعد وشها عني وتتجاهلني ..
تركتا ورحت ع غرفتي صرت ابكي لأن عم انظلم بدون سبب

بعد شوي سمعنا صوت خبطة كتير قوية ،
وصوت صريخ نسوان وولاد ..
طلعت من غرفتي متل المجنونة
وعمتي ركدت تفتح الباب لتشوف شو صار
فجأة بيجي واحد عم يركد اتجاه عمتي وبقلا
يا ام مالك الحقي ابنك طرئتو سيارة ..

انا وعمتي كان فينا عقل وطاار صرنا نصرخ بالمقلوب
طلعنا ركد ع الشارع ونحنا مو لابسين ع راسنا
عمتي حملتو وكان دمو مغرقو تعبو تيابا و صارت تبكي وتصرخ
التمو الجيران بسرعة ونقلو مالك ع المشفى
راحت معهن عمتي و انا بقيت بالبيت مع ريم
كنت اعدة على نار ودموعي مانشفت
لاني بعامل ريم ومالك متل اخواتي و اكتر

بعد ساعتين اجا زياد ع البيت
بصراحة وقت شفتو خفت من نظراتو لغريبة وحركاتو ..
زياد : وينا عمتك وليه
رنيم : بالمشفى مالك طرئتو سيارة و اسعفتو

زياد : شووو وليش ماخبرتوني
رنيم : عمتي كانت عم تتصل فيك بس موبايلك مغلق
زياد : اي صح ، بأي مشفى هن هلأ وكيف وضعو

رنيم : بمشفى الشفاء ، التلي عمتي انو بخير حالياً

زياد : مممم اتطلع فيني وهو عم يحك دئنو ،
بعد شوي طلعت ريم من الغرفة وقت شافا تلبك
وقلا بابا روحي جيبيلي باكيت دخان من الدكانة ..

انا هون خفت وماكان بدي ياها تروح بس ابوها اجبرا ،
هي راحت من هون انا رحت ع غرفتي واجيت بدي اقفل لباب لضل لحالي
بس ركد ورايي بسرعة ودفشو وفات لعندي وسكروو
رنيم : شووو عم تعمل طلاع لبرا
زياد : ولك ماسدئت ايمتا اجت هيك لحظة
رنيم : ياحقير انئلع لبرا
زياد : ورجيني شعراتك الحلوين
رنيم : طلاااع ولك بعد ...
بع ...........

بعد ما اعتدا عليي تركني وطلع من البيت
و انا بئيت عم ابكي و اصرخ
من يلي صار فيني مع هيك حشرة وسخ ..
طبيت ع تختي ودموعي مغرقتني البيت فاضي وبرد
مافي حدا حواليي كل الدنيا قهر بقهر ،
حاولت نادي يا أمي !!.. يا أبي .. !!
بس ماطلعت الكلمة معي هنن يلي وصلوني لهون هنن يلي موتوني ..

بوقتا حسيت اني انتهيت ،
وئفت و انا مافيني حيل لبست وضبيت شنتة صغيرة
وتركت البيت وطلعت صرت اركد بالشوارع وانا عم ابكي ومنهارة تماماً
مابعرف لوين بدي روح ،
بس طلعت وضليت اركد لحد ما وصلت لمكان فيه ابنية أديمة
وكلا بيوت منطقة مليانة سكان ..
والدنيا برد وهوا عم يعصف عصف
وفي بناية لسا مو مكتمل عمارا ،
دخلت عليها كان في كرتون كتير ..
لفيت الكرتون عليي و انا اعدة ومسنودة ع العضاضة
وغمضت عيوني .. لحد ماغفيت

صحيت الصبح ع صوت شب عم يقلي :
أنسة شو عم تعملي هون
رنيم : مين انت
الشب : انتي مين وليش نايمة هون
رنيم : هيك بعد عني رح روح
الشب : احكيلي بركي فيني ساعدك خير شو صاير معك
رنيم : ---

ضليت ساكتة لميت غراضي ومشيت بدون ما احكي معو كلمة ،
وكل نهاري كنت عم افتل من مكان لمكان عم استنا يمضا الوقت
لأرجع بالليل ع نفس العمارة يلي شفتا كنت جوعانة كتير وتعبانة ..

دخلت لمطعم كانو كاتبين ع لائحة برا يلزمنا عاملة ..
فتت بسرعة وحكيت مع صاحب المطعم و رضي يخليني اشتغل عندو
بس راتب قليل كتير بس مبدئياً كان منيح ليكفيني اكلي ..
بديت الشغل وكان كلو تمام ، ضليت عم اشتغل مدة اسبوع
كل يوم نام بنفس العمارة والصبح اطلع ع المطعم ..
وماعد عرفت شي عن عمتي وزوجا وولادا
ماعد اتواصلت مع حدا لاني قرفت هالعيلة وهالناس ..

بعد فترة كنت بمطبخ المطعم عم اجلي الصحون لحالي
كان صاحب المطعم نازل يتفئد الطبخ وغراض المطبخ ..
التفت عليي واتطلع فيني بنظرات بشعة ،
غمزلو للشيف وخلاه يطلع لفوق وقرب لعندي صار يتحرش فيني
هون صرخت وضربتو بالمعلقة وطلعت و انا عم اركد ..

رحت بسرعة ع هديك العمارة تخبيت بين الكراتين يلي كانت تدفيني وتضمني
وصرت ابكي ضليت شي ساعتين و انا عم ابكي ..
بعد دقايق سمعت صوت دعسات ع الدرج
طلع هداك الشب نفسو يلي اجا لعندي من فترة وحكي معي ..
انا قرفت الرجال وقرفت كلشي بيتعلق فيهن ..
عصبية ابي ، يلي عملو زياد ، صاحب المطعم
كلن طبعو براسي صورة للهمجية وبشاعة الرجال
خلوني حس انو كلهن متل بعض ..

قرب الشب لناحية صوتي و اعد جنبي قلي معلش حاكيكي ..
التلو : لا اذا بتريد تركني هون ليطلع الضو والصبح بروح

الشب : لا خليكي لايمت مابدك ،
بس احكيلي شبك والله كنت جاية شوف اذا في شغيلة بالعمارة
وسمعت صوتك بتبكي قلت بشوف شبك ،
انا بعرف انك كل يوم عم تبقي هون احكيلي شو صاير معك

رفعت راسي وصرت ابكي بقوة ،
حكيتلو كلشي صار معي هون هو زعل وحكالي
----------------

يتبع ..

ما_وراء_الهروب

#الجزء_3

الشب كان اسمو أوس ،
وقت سمع قصتي وشاف زعلي ووجعي وقف معي وساعدني ،
فتحلي غرفة ناطور العمارة وخلاني نام فيها
وجبلي حرام و اكل بعدين راح ..

اتسطحت و انا مرتاحة وحاسة بأمان مو متل كل يوم
بنام و انا خايفة من شي حدا يتعرضلي ،
غفيت وتاني يوم الصبح فئت بكير لبست وزبطت حالي
وطلعت دوور ع شغل بس مالقيت فتلت الدنيا وماكنت لائي ،
كلن كانو طالبين خبرة وشهادات و انا مو دارسة شي
--------------
( ببيت عمتي )
عمتي : وين راحت البنت ويييين

الجارة ام عادل : طولي بالك يا اعتدال ان شاء الله منلاقيها
لاتحطي ببالك انها مخطوفة بجوز راحت لعند شي حدا

عمتي : ولك لعند مين بدا ترورح مابتعرف حدا صرلا اسبوع برات البيت
فتل راسي عليها ومالقيتا حتى الجيران كلن دورو ومافي امل

ام عادل : روئي شوي روئي

-----------
ستنيت اوس ليجي ع العمارة بس ماكان يجي ،
مضا نهار كامل وما اجا ..
تاني يوم كمان ما اجا مابعرف ليش ،
اخدت الرقم يلي عطاني ياه
و اتصلت رن التلفون كتير بس ماحدا رد عليي ..
كنت محتاجة مصاري وبدي اتدين منو لاقدر افرج حالي شوي ،
ستنيت للمسا وماكان يجي .
بعد شوي بيندئ الباب ..

رنيم : مين ؟

رجال : انا الناطور يابنتي

رنيم : اي حجي مابقدر افتحلك الباب للصبح

الناطور : بنتي بدي حاكيكي بموضوع اذا بتريدي
طلعي لعندي عم استناكي تحت

" فتحت الباب وطلعت لعندو " ..

الناطور : البناية خلص تصميما الهندسي وحالياً لازم يستلمها صاحبة
ليبلش يكسيها يعني لازم تطلعي من هون لان شغلنا خلص

رنيم : شو عم تحكي ،
وين بدي عيش انا ياربي ،
لك شو بدي اعمل

الناطور : والله لو بقدر لسكنك مع مرتي وولادي
بس نحنا 8 وساكنين بغرفة ، الك الله يابنتي مابينساكي ..
بكرا الصبح لازم اخد المفتاح منك ..

رنيم : طيب

فتت اعدت ع تختي وصرت ابكي ،
كيف بدي عيش ولعند عمتي مستحيل ارجع
بعد اللي صار يارب وقف معي ..

طلع الصبح ضبيت غراضي وطلعت
صرت امشي بالشوارع و اعد بالحدائق ..
حطيت فرشة تحت شجرة بحديقة عامة واعدت ،
كانت الدنيا ليل وبرد كتير تغطيت بحرام وانا عم ارجف ،
اجت وحدة ع الحديقة كانت لابسة لبس كتير حلو
وتقيل ومكياجا بجنن وشعراتا كتير حلوة ..
حاطة بين اصابعها سيكارة اعدت ع الكرسي يلي جنبي ..

صرت اتطلع فيها و انا عم قارت حالي فيها وبجمالا ..
بعد شوي هي صارت تطلع فيني كتير ،
قربت لعندي وسألتني عن اسمي ..

-- : شو اسمك انتي ياحلوة

رنيم : انا رنيم

-- : تشرفت فيكي انا اسمي رينو ،
انتي ليش هون ماعندك بيت او اهل

رنيم : ( هزيت براسي بمعنى لاء ) ..

رينو : طيب رح ساعدك قومي معي هلأ رح اخدك عبيتي
تغيري تيابك وتلبسي وتتحممي ومنحكي

رنيم : كيف بروح معك و انا مابعرفك ؟

رينو : احسن ماتضلي اعدة بالشوارع ،
ازا بدك خليكي بلا ماساعدك

رنيم : لا رح روح معك ..

ئمت وكنت بدي ضب غراضي ئامت التلي
هاتي اوعيكي وغراضك لمهمة بس
وتركي الباقي ، استغربت فيها ..
حملت شنتايتي ومشيت معا لحد ماوصلنا ع سيارتا
كانت سيارة فخمة لونا سودة وبتجنن

اخدتني ع بيتا يلي كان بمنطقة حلوة وبيت كبير
متل بيوت الافلام مافيه حدا غير هي ..
التلي فوتي بسرعة ع الحمام تحممي وتعي رح حطلك اكل ..
ستغربت انو لسا في هيك ناس بتساعد بعضا ..

دخلت ع الحمام شلحت تيابي وتحممت و انا مبسوطة ومرتاحة
بعدين طلعت اكلت ونمت ..
فيئتني تاني يوم الصبح وكانت عاملة قهوة ، اعدنا وحكينا ..
التلي : رنيم بتحبي تعيشي بهيك بيت وهيك حياة دائما

رنيم : ياريت ، الله يهنيكي يامدام اديش حلو بيتك

رينو : بتتمني يصير عندك متلو ؟

رنيم : اي بتمنى بس كيف و انا مامعي مصاري

رينو : شو رأيك تشتغلي معي

رنيم : شوبدك تشغليني و انا ماعندي خبرة غير بشغل البيت ولامعي شهادة

رينو : بشغلي بحتاج جمالك وشعرك وجسمك وبس باقي الشغلات مو مهمة

رنيم : عفواً مافهمت اصدك

رينو : رح فهمك طبيعة الشغل
في رجال اغنياء كتير وبحبو يغيرو جو عن حياتون الكئيبة
بيجو لهون وبيتسلو ونحنا علينا نبسطون

رنيم : بدك ياني اشتغل هيك شغلة وسخة

رينو : عدي وروقي لاتغلطي

رنيم : بدي اغلط عنئذنك رح اترك البيت

رينو : لا حبيبتي مافيكي تتركي البيت

رنيم : المصاري يلي تحننتي عليي فيهم خديهن هلأ

رينو : طيب قومي معي ..
اخدتني ع الصالون وشغلت شريط فيديو ،
ماعم سدئ !!
مصورتني فيديو و انا عم اتحمم وكل جسمي ..
صرت ابكي و اصرخ ..
لك كيف بتعملي هييييككك كيف الله يلعنك

رينو : روئي وفهمي ،
هي الفيديوهات بخمس دئايئ بفضحك فيهن ..
يا اما بترضي بالشغل يابتنفضحي اختاري

رنيم : شلون بدي اشتغل فهميني قبلانة بس لاتفضحيني

رينو : هلأ انتي عيني ،
شغلنا كلو حيكون انك تدلعي وترقصي وتتمايعي ع الرجال
وتكوني اكابر معهن ليعطوكي اكتر وهي كل شغلتنا ..
--------------
بلشت و انا مغصوبة وكان بهاليوم في سهرة
لكتير رجال مدراء اعمال وناس مهمة ..
لبست فستان زهري قصير وتمكيجت وفردت شعراتي
هي اول مرة بعرف حالي حلوة لهالدرجة ..
اعدت بالمطبخ وزبطت سفرة للسهرة كنت عم ابكي
و انا اشتغل بس كل شوي رينو تزكرني اني مجبورة ..

بعد شوي بيندئ الباب صرختلي رينو صوت
وهي عم تقلي رنيم فتحي ..
حسيت قلبي بلش يدئ من خوفي ،
رحت ع الباب وفتحت و انا مترددة ..

كان في شخص طويل وعريض لابس طقم اسود
وبإيدو سيكار وريحة عطرو بتوصل لآخر الدنيا ،
تطلع فيني من فوق لتحت و قلي يالطيييف لك شو هاد ..

قلتلو تفضل ..
فتت اعدتو ع الكرسي وجبتلو عصير ..
و اجت رينو اعدت معو وصارو ويتسايرو رينو نقلبت 180 درجة
وقت اجا تحولت لطفلة كلا دلع و انوثة ومياعة ..

بعد شوي رجع اندئ الباب وئمت لافتح كان في رجال نفس مواصفات الاولاني ،
دخل ع البيت وكأنو البيت بيتو كان عم يتفحص بعيونو كل زاوية ..
بعدين فات اعد ع الكنبا جبتلو عصير ..
ورجعت وقفت ع جنب ، قربت لعندي رينو ونكشتني من ايدي وهي عم تقلي ..
شبك ليش البة وشك تلحلحي شوي واضحكي يلله لشوف ..

رينو : بعرفكن رنيم صبية جديدة بتزبطلنا الاجواء هون
رنيم بعرفك ع السيد هاشم والسيد بلال ،
سيد هاشم اكبر تاجر عقاري بالبلد ،
والسيد بلال صاحب اهم شركات تصدير الالبسة

الرجال الاول كان اسمو السيد هاشم : اتطلع فيني وابتسم ..

رينو : يلله رنيم رح ترقصلكن وتعمللكن جو قومي رنيم يلله ..

شغلت المسجلة وحاولت ارقص و انا مابعرف كل نظراتن كانت عليي
وع فستاني يلي عم يرتفع كل واحد كان اوقح من التاني ..

------------
يتبع ..