ما_وراء_الهروب
الحلقة_4_5_الاخيرة
بقلم_رند_محمد


ماسدئت ايمتا راحو لحتى ارتاح من مناظرن ،
بهدلتني رينو لان التئمت وماعملت يلي بدا ياه ..
نمت ، وكان في تاني يوم سهرة تانية لعدد اكبر من الناس البشعين ..


اجت لعندي رينو عطتني مبلغ كبير من المصاري وقالتلي
هي حصتك مبارح السيد بلال دفع هالمبلغ كلو
لان عجبتيه واليوم بدي ياكي تكوني احسن مشان تاخدي اكتر ..
صفنت فيها وبالمصاري استغربت انو كيف في ناس بتدفع هيك مبالغ
كرمال سهرة عادية وبالمقابل في ناس عم تموت من الجوع والتشرد
ومافي حدا عم يسأل عليهن بربع المبلغ يلي اندفع كرمال ساعتين !!! ..


المسا اجت لعندي رينو وعطتني فستان نيلي " ازرق غامق " ..
كان طويل وكتير حلو التلي بدي ياكي تطلعي ملكة اليوم ..
لبست الفستان والمكياج حطيت روج احمر وفردت شعري
وفعلاً كان شكلي احلا من الاميرات ..


ندئ الباب اول مافتحت كان السيد بلال معو تلت شباب متلو
باينين اكابر ومن عائلات ..
دخلتون وقدمتلن العصير ،
بعد شوي رجع اجا السيد هاشم ورفيقو ..


حاولت اني ما التئم و اتأقلم مع طبيعة الشغل بس ماقدرت شي
بعيد عن يلي تربيت عليه ويلي وعيت عليه ..


قضو سهرة طويلة بعدين راحو ،
وقفو عند الباب وكانو عم يضحكو هنن ورينو
عطوها ظرفين كبار ومشيو ..
سكرت الباب ونادتلي وهي عم تضحك ،
التلي : رنيم اليوم طار عقلهن فيكي هالمبلغ اكبر من يلي قبلو
وبحياتك مابتحلمي فيه تفضلي هاد الك ..


صرت اطمع بالمصاري كل يوم عن التاني
واستمريت معا وكنت اتجاوب بأغلب الاوقات ،
المصاري صارت تلعب بين ايديي واشتريت كل شي بحتاجو ..


بيوم من الايام كان في سهرة كالعادة
لبست وزبطت حالي واستئبلت الضيوف بابتسامة ..
دخلو وهن صافنين فيني ،
كان معهن شب بشع طوويل زيادة وضخم و اصلع ..
بقولولو " ضخر "
كان اعد جنب السيد هاشم وعم يتوشوش هو ياه كل السهرة ..


رينو : تأخرو الباقيين يارنيم
رنيم : مين لسا بدو يجي
رينو : في رجال بيلعبو ورق اوهيك شي رح يجو
رنيم : مممم


بعد بدئايئ اندئ الباب فتحتو المدام رينو ودخلت الضيوف
لان انا كنت عم ضييف يلي اعدين ..
حطت طاولة كبيرة و اعدت عليها الضيوف ،
التفتت لأحكي مع رينو بس تفاجئت انو زياد جوز عمتي
كان هو واحد من الرجال يلي جايين يلعبو قمار ..


ارتعبت وصرت ارجف ماعد فيني حيل اوقف كل خوفي
كان انو رينو تنادي بإسمي ..
انسحبت ع الغرفة شوي شوي و اعدت جواتا
بعد شوي اجت لعندي رينو سألتني شبك انتي ؟
ماتعدي برا مع العالم


رنيم : رينو مشان الله هاد جوز عمتي يلي اعد برا
والله ازا شافني رح يفضحني


رينو : طيب رح اتصرف انا ..


طلعت لبرا وطلبت من الكل يروحو و التلن انو هي تعبانة كتير
ومو خرج تكمل السهرة اعتذرت من الكل ..
وفعلاً كلن طلعو ماضل حدا غير صخر ..


رينو : مع السلامة ياجماعة لاتواخذوني ..


سكرت الباب وفاتت ، قرب لعندا صخر وقلا
رينو سمعي السيد هاشم عجبتو البنت يلي اسما رنيم وبدو ياها ليلة ،
ودفع مبلغ مابتتخيليه ..
خلينا نعمل يلي بدو ياه ونكسب المصاري نحنا


رينو : معقول !!


صخر : اي معقول هو رح يجي بكرا المسا جهزي الوضع
ولاتقوليلا شي للبنت خليا فجأة ..


انا سمعت هالحكي وهالمؤامرة عليي صرت ابكي وماعد فيني اتحمل
ماكان طالع بإيدي اعمل شي غير اني اسكت ،
رينو اجت ع غرفتا لتنام و انا رحت ع غرفتي مشان نام بس
كنت كل الليل عم ابكي وفكر بيلي رح يصير ..


ئمت لبست تيابي وضبيت شنتاية صغيرة
اخدت وراقي وهويتي والمصاري
وهربت من البيت طلعت و انا عم ابكي و اركد بالشوارع ،
لحد ماوصلت لعند سمان بأول الشارع طلبت منو احكي تلفون ..


اتصلت ب أوس الشب يلي ساعدني من قبل كان الوقت متأخر
رد عليي اوس حمدت ربي وقت رد قلتلو انا رنيم تزكرتني ..
قلي : اي تزكرت اهلا وسهلا خير في شي


رنيم : مشان الله ساعدني انا واقعة بورطة كبيرة ومافي حدا يساعدني


اوس : خلص اهدي شوي وين انتي رح اجي لعندك


بعد شوي وصل اوس ،
طلعت معو بالسيارة وكان شكلي متدمر
صرت ابكي بصووت قوي واضرب ع خدودي ..
حكيتلو يلي صار والمواقف يلي اتعرضتلا ،
وحكيتلو شوبدو السيد هاشم وشو عم يخططو
و انو رينو عم تهددني بالفيديوهات و انو رح تفضحني عند كل الناس ..


اول ماسمع باسم السيد هاشم سكت وصفن ،
قلي هاد تاجر عقارات صح ؟


التلو : اي بتعرفو


اوس : ماعم سدئ لا ياربي لااااا
حط ايديه ع راسو وصار يبكي ..


رنيم : شبك مشان الله ، انا ازعجتك او دايئتك


اوس : هاشم بكون ابي ..


رنيم : شوووو


اوس : ابي تاجر عقارات وبيستثمر ابنية و اراضي والبناية


يلي كنتي اعدة فيها ابي كان مستثمرة لاشتغل فيها انا وصمم شكلا ..
لكك مارح يبطل يلحئ نسوان ماشي


شغل السيارة ومشي و انا عم اسالو لوين لك لوين ..
وصلنا ع بيت شكلو من برا متل قصر كلو حجر و اضواء وبحديقة البيت
كان في مسبح وشجر وتصميم بجنن ..
دخلنا ع البيت وكان اوس ماسكني وشاددني من ايدي ،
اعدني بالصالون وطلع ع الطابق يلي فوق ..


سمعت صوتو عم يقلو لأبوه قوم في شي ضروري صاير ،
كان نازل عن الدرج وشادد ابوه و امو من ايدن ..
وشغل الضو هون هاشم انصعق ..


اتطلع فيه اوس وقلو : جبتلك البنت يلي كنت بدك ياها ليلة ؟؟
شو رأيك فيها ،
جبتا مشان خليك تتجوزا وتقضي معا باقي عمرك ليش ليلة وحدة ..


ام اوس : شو هالجنان لك شو عم تخبص مين هي ؟


اوس : هي البنت بنت عالم وناس والفلتانة يلي بروح لعندا جوزك
جبرتا تعد عندا وهددتا قام جوزك المخلص الك طلبا ليلة لان خرطت مشطو ..


شو ابي ماتحكي ليش ساكت ، دافع عن حالك .. فيك تنكر هالشي ..


ام اوس : صحيح هالحكي هاشم


هاشم : اي صحيح


اوس : ليك يا اما بتروح معي لعند يلي اسما رينو
وبتخليا تحزف فيديوهات رنيم يا اما سدئني
رح اعطي كمبيالات الصفقات كلا لشريكك
يلي عم ينافسك وخليك تخسر كلشي ..


لبس هاشم وطلع هو و اوس بسرعة ..
ام اوس اعدت ع الدرج وصارت تبكي ،
قربت لعندا وحطيت ايدي ع راسا
التلا تعي خالة ..
انتترت فيني وعصبت عليي ،
بس انهرت اداما وصرت ابكي لحتى سكتت ..
حكيتلا قصتي و انا عم ابكي و انو مادخلني بكل يلي عم يصير ..
ضمتني وشفقت عليي وصارت تبكي ..


بعد شوي رجعو اوس و هاشم ،
فات اوس وهو مبسوط عطاني شريطين فيديو ولاب توب وكاميرا
وقلي استلمي شو بدك تعملي فيهن ..
تطلعت فيه وشكرتو وانا عم اضحك ..
طلعنا ع الحديقة وحرقنا كل شي ..
وقلي انو ابوه دفع لرينو مبلغ كبير كرمال تعطيهن
كل اشرطة الفيديو واللاب توب والكاميرا يلي صورت فيها


-----------------
زياد : ولك شفتاااا لبنت اخوكي شفتا بعيوني عم تشتغل ببيت وساخة


اعتدال : صون لسانك احسنلك


زياد : مارح صونو بدي افضحا متل مافضحتك وقت هربت ..


" اندئ الباب " .. لافتح شوف مين احسن من شوفتك
اعتدال -- فتحت الباب وتفاجئت لما شفت رنيم ومعا شب ..
كنت بدي عصب عليها واقتلا بس صرت ابكي قربت ضمتني
و التلي معي الشرطة فيني فوت ..


عمتي : ليش معك الشرطة ..
رنيم : رح تعرفي ..


اول مافتت ع البيت زياد تلبك كتير ووقف ع حيلو
اتطلعت فيه و قلتلو كيفك ياوسخ ..


اتطلعت بالشرطي يلي كان واقف جنبي و قلتلو هاد هو الندل ..


عمتي : شوفي فهموني رنيم


رنيم : هاد الخسيس اعتدا عليي وقت كنتي بالمشفى مع مالك
وبسببو هربت من البيت


عمتي : الله يلعنك نشالله بتموت ياوسخ ياحقير


رنيم : ( ناديت لبنت عمتي الصغيرة والتلا حبيبتي احكيلو لعمو
وقت مالك كان بالمشفى بابا شو عمل وشو قلك ،
لانو عمو الشرطي رح يجبلك سكرة )


اتطلعت فيني البنت وهي خايفة وابتسمتلي بعدين
التلو اي ياعمو بابا قلي روحي ع الدكان جيبيلي دخان
ووقت رحت نسيت اخد مصاري مشان اشتري
رجعت عالبيت لقيت رنيم عم تبكي وبابا عم يصرخ عليها ..
طلعت من البيت و انا خايفة ..


عمتي : ولك ليش ماحكيتي هالحكي قبل ليششش


ريم : خفت لانو


الشرطي : تعا يا ابني خدوه ..


قربو تنين من الشرطة اخدوه وطلعو بسيارة وقرب لعندي الضابط وقلي
شكراً لتعاونك معنا لان مسكتينا هيك مجرم ..


بعدين راحو ، بقيت اعدة انا و اوس مع عمتي وهي عم تبكي
وتقتل بحالا بعد شوي التفتت لعندي وسألتني مين هالشب كمان ..


رنيم : اوس خطيبي


عمتي : خطيبك ؟!


رنيم : مو بس اجيت لاحبس زياد
انا اجيت لاعزمك ع عرسي بعد اسبوع ..


--------------
بعد يلي صار اوس تفهمني
وعرف انو مالي ذنب بأي شي صار ومادخلني ،
ماعد حكا مع ابوه استأجر بيت وتزوجنا وسكننا فيه
كانت تجي امو لعنا عالبيت لنشوفا اما ابوه فكان اتصالو مقطوع مع اوس
لبعد اربع سنين لما الله طعمنا غيث ابني الصغير ..
عمي اجا لعنا واعتذر وصار يبكي وطلب انسامحو
وحلفلي انو مارح يفكر فيني غير متل بنت من بناتو ..
وطبعاً الله بيغفر وبسامح مين نحنا حتى مانسامح ..
تصافت قلوبنا وتصالحنا وعمي تاب وبطل يعرف رينو
وبطل يفكر بنسوان واتغيير
-----------
رينو : مين عالباب


الشرطة : فتحي الشرطة


رينو : خير شوفي


الشرطة : اجتنا اخبارية انو هاد بيت دعارة بدنا نفتش البيت ..
لما دخلو فتشو كان في سهرة عندا بالبيت
قبضت الشرطة ع كل الموجودين
وانحبست رينو وصخر والبيت تسكر ..


#انتهت

اهلا وسهلا فيكم
نورتو
لو شفت اشي حلو
رح انزله