منتديات بنات فلسطين

منتديات بنات فلسطين (http://www.bntpal.com/vb/)
-   ثقف نفسك (http://www.bntpal.com/vb/f53/)
-   -   لعبة الحوت الأزرق . (http://www.bntpal.com/vb/t72036/)

البريئة ! 07-15-2018 05:08 PM

لعبة الحوت الأزرق .
 
من حوالى شهر تقريبا ابنى جه يحكيللى عن لعبة شالنج جديده إسمها الحوت الازرق وقعد يحكى ويحكى وهوه متأثر ومنفعل جدا وانا لأنى كنت مشغول ساعتها فبغباء شديد سمعته بعدم تركيز وماانتبهتش لكلامه وكل اللى فهمته انها لعبة صعبه وخلاص فمشيت وسبته وانتهى الموضوع .. لحد ما من كام يوم قريت خبر مرعب دخل فى عينى وقلبى وهوه ان ابن النائب حمدى الفخرانى انتحر بسبب لعبة اسمها الحوت الازرق ! جسمى اترعش ورجعت بالذاكره لكلام ابنى ,جريت اتصلت بيه اسأله عن اللعبه دى وهل لعبها فجاوبنى انه خايف يلعبها بس عنده فضول رهيب ليها وانه كان عايز يستشيرنى بس انا مااديتلوش فرصه فحمدت ربنا انها عدت على خير وبدأت اعمل سيرش عن الموضوع بتوسع فـ لقيت عجب العجاب من الرسائل اللى جاتلى على الانبوكس ومن حكاوى ناس بعضها مؤكد وبعضها سماعى فتعالوا اشرحلكم الموضوع بالتفصيل عشان الكل ياخد حذره لانه موضوع جد خطير ومش هزل ابدا ....
دى لعبه انتشرت فى العالم الفتره الاخيره بتتلعب بمنتهى السهوله على الفيسبوك وغالبا ضحاياها هما الاطفال والمراهقين الصغيرين وفكرتها ان سيادتك بتدخل تحدى مع الادمن اللى هوه شخص بيتكلم معاك فى الشات وبيديك تعليمات محدده بتكون عباره عن خمسين أمر تحدى فى مدة خمسين يوم بواقع تحدى واحد او أمر واحد كل يوم , فى البدايه بيسألك هل تقبل التحدى فلو جاوبت بنعم بيبدأ يفهمك انك لازم تطيع الاوامر وبيطلب صورتك وبيتأكد من شخصيتك وبيقولك قواعد التحدى وبيبدأ يبعتلك الاوامر فى تمام الساعه اربعه وتلت فجر كل يوم وبتكون اوامر سهله فى البدايه جر رجل وجس نبض يعنى وكمان فى الفتره دى بيبعتلك ملفات ضاره بمجرد ماتدوس عليها بيخترق كل اجهزتك سواء موبيل او كومبيوتر...بعد كام يوم بيبدأ يطلب منك اوامر اصعب زى انك تنقش بالموس على جسمك رمز الحوت او تنقش رمز f57 وطبعا كل مرحله بتعملها لازم تصورها وتبعتهاله عشان يتأكد ويخلييك تكمل.. بعد كده بيزود الجرعه شويه وبيبدأ في مرحلة الايذاء النفسى وفيها بيطلب منك تحديات مرهقه نفسيا زى انك تروح المدافن بلليل لوحدك او تطلع تقعد فوق سور السطح وتدلدل رجلك في الشارع وطبعا بتصور بالفيديو كل ده وبيتابعك عشان يتأكد .. بعد كده بيدخل على المراحل الخطيره اللى فيها بيجهز الضحيه للانتحار ودى مراحل تبويظ الاعصاب فبيطلب منك انك تشوف أفلام رعب كتير وتسمع موسيقى ميتل صاخبه جدا وتنعزل عن الناس تماما ماتكلمش حد لايام وماتكلش الا اكل محدد واذا حضرتك نفذت الأوامر دى فبكده بتكون جاهز جزئيا للمرحله الاخيره اللى بيعشمك بيها وهيه مقابله الحوت الأزرق وبيطلب منك في المراحل القبل الاخيره انك تأذى غيرك بشكل او بأخر زى ابوك واخواتك واصحابك وانك تاخد أنواع مخدرات بيحددهالك وادويه معينه بيقولك عليها فاذا نفذت ده بكده حضرتك بتكون جاهز تماما لمرحلة مقابله الحوت واذا تراجعت بيبدأ يهددك بقتلك وقتل عيلتك بالاسم بناءا على المعلومات اللى اخدها من تليفونك وجهازك لما اخترقه وطبعا حضرتك بتخاف وتكمل فبيدخل على المرحله الاخيره وفيها بيطلب منك الانتحار بشكل مباشر او غير مباشر يعنى مثلا ممكن يطلب منك ان تروح على قضبان القطر تنام ليله هناك او تقفز من ارتفاع اربع أدوار مثلا او تقطع شرايين ايدك او تمسك سلك كهربا عريان او تشرب سم او تبلع حبوب بكميات مميته وتحت تأثير الضغط العصبى الرهيب اللى انت فيه من شهرين والحاله النفسيه السيئه اللى وصلت ليها غالبا بتنفذ الامر ده بكل انقياد وتبعيه وبكده بتنتهى اللعبه وبتنتهى حياتك بمنتهى البساطه وسط غياب تام من الاهل اللى للأسف بيكونوا نايمين في العسل ومشغولين بالفلوس وناسيين ان فيه حاجات عمر ما الفلوس هتقدر تعوضها ...
الموضوع ده عامل قلق في العالم من فتره وللأسف بدأ ينتشر في مصر والبلاد العربيه واحنا ولا هنا فياريت تاخدوا بالكم من نفسكم ومن عيالكم ومن اخواتكم الصغيرين وتحاولوا تنشروا الخطر ده عشان الكل يفهم وياخد حذره ويحذر غيره ويارب سلم الجميع ...


منقول للإفآدةة .

ريتال 07-15-2018 05:27 PM

اه فعلا وهى ولعبة مريم
تاخذ كل تفكير وعقل الطفل
وتجبره ع القيام باشياء خارج العقل
اكيد لازم الانتباه
مو كل الالعاب منيحة
يسلمو كتير

غَسَقْ♡ 07-15-2018 05:37 PM

ي الله

نسمع ونسلم يارب


طيب كيف إدارة الفيس سامحة بهاللعبة و مين الشخص يلي طور التطبيق ؟


اتذكرت لعبة مريم متلها ..


الحمدالله بفهمش كتير ع اي تطبيق


الله يححمي كل الناس ��


عوافي ي عيني ع الطرح المرعب ههههه

غَسَقْ♡ 07-15-2018 05:37 PM

ي الله

نسمع ونسلم يارب


طيب كيف إدارة الفيس سامحة بهاللعبة و مين الشخص يلي طور التطبيق ؟


اتذكرت لعبة مريم متلها ..


الحمدالله بفهمش كتير ع اي تطبيق


الله يححمي كل الناس 💙


عوافي ي عيني ع الطرح المرعب ههههه

البريئة ! 07-15-2018 07:17 PM

اقتباس:

المشاركة الأصلية كتبت بواسطة ريتال (المشاركة 3990211935)
اه فعلا وهى ولعبة مريم
تاخذ كل تفكير وعقل الطفل
وتجبره ع القيام باشياء خارج العقل
اكيد لازم الانتباه
مو كل الالعاب منيحة
يسلمو كتير



للأسف تسببت بحالة انتحار بالخليل
قبل يومين


نورتي

البريئة ! 07-15-2018 07:20 PM

اقتباس:

المشاركة الأصلية كتبت بواسطة تسنيم (المشاركة 3990211944)
ي الله

نسمع ونسلم يارب


طيب كيف إدارة الفيس سامحة بهاللعبة و مين الشخص يلي طور التطبيق ؟


اتذكرت لعبة مريم متلها ..


الحمدالله بفهمش كتير ع اي تطبيق


الله يححمي كل الناس ��


عوافي ي عيني ع الطرح المرعب ههههه

شفت خبر مبارح
ان صاحبها مسجون لأن تعددت حالات الإنتحار بسببها
بين اعمار 13 / 16 سنة
و إن اللعبة الأصلية محذوفة
بس قبل يومين صار حالة انتحار لبنت بالخليل بسببها


هي بالبداية كانت ع جهاز الآيفون بس
لكن هالفترة تطبيق بنزل على اي جهاز


نورتي

حبيب العمر 07-15-2018 08:55 PM

اوسخ لعبه سمعت فيها
لدرجه اضطريت اروح لبيت جيران النا
ابنهم خايف من اللعبه
وضليت معه ساعه وانا بقنع فيه
انه هاي لعبه مش حقيقه
ومو لازم تخاف من حدا
وابوك وامك وكلنا معك
لحد ما راق واقتنع
واهلو جابولي هديه
هههههههههههه

اميرة 07-15-2018 09:25 PM

يعطيك العافية على الطرح

يسسسسلموو دياتكك

سَلامْ ♡. 07-15-2018 10:13 PM

قبل يومين عنا بنت بمخيم الشاطئ انتحرت بسبب هاللعبة

صراحة انا فكرت العبها ك نوع من الفضول وحملتها عندي وبلشت باول ليفل، واندمجت كتير معها، بعدين حدفتها ههه


عوافي


الساعة الآن 09:55 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.