ما حدا يلوم المجتمع، لأن ببساطة احنا المجتمع ~~
 

من يوم ما أمها قالتلها "قومي اعملي العشا لاخوكي"، "رتبي غرفتو"، و "اكويلو اواعيه" ..
من يوم ما قالولها بعد ال ٢٠ سنة بصير إسمك عانس، وهي عارفة إنو مجتمع عنصري ببيتها قبل الشارع!
لكل إم وأب، عرفوا بنتكم حقوقها قبل ما تطالبوها بواجباتها، ما تربوها على إنها عورة وإنو شرف العيلة مرتبط فيها لمجرّد إنها أنثى!
علموها تعتمد على حالها، تتعلّم، تشتغل، وتصرف على حالها ..
علموها إنو مصيرها بإيدها مش "مصيرها لعند زوجها" ..
ما تعلموها تخاف من الناس وحكي الناس، علموها تخاف من ربّ الناس و إستشعار مراقبتو بدل مراقبتكم إلها ..
ربّوا ابنكم إنو الصبي متل البنت، يرتب غراضو، يشيل صحنو، وما يتاخر بالسهرة برات بيته
علموا يخاف على أختو وإنو حبو إلها فطرة مش لمجرّد إنو هو "الأقوى" أو إنو هادا "المفروض" ..
علموا إنو أخ وزوج حنون، متفاهم، محترم ورحيم يعني بنت واثقة، قوية، بتحب حالها و متصالحة مع نفسها ..
إنتو يلي رح تربوا رجال بيعرف قيمة المرأة وبيعرف كيف يقدّرها ..
بإيدكم رح تربوا الزوج والأخ والأب العادل، العطوف، المتسامح .. وبإيدكم تطلعوا العنصري و المتحرّش والمغتصب والمتحيّز والظالم ..
ما حدا يلوم المجتمع، لأن ببساطة احنا المجتمع ..

كلام صحيح واكيد لنتفق عليه

محتاج وقت كبير خاصة بمجتمعنا
ميرسي ملك