|
آه صحيح آه صحيح، إذا ناوي تروح على بنتك أو أختك، وتسلم عليهم من على الباب، أو تحط هديتك وتقعد دقيقة وحتى بدون ما تغلب حالك وتخلع جزمتك، وتقعد معاهم .. أنا بقلك بلاها الروحة كلها. وإذا بدك إياها تقعد تقلك: أي أدخل، وإنتا تقلها: معلش مستعجلين، وهي تقعد تترجى فيك وتقلك، أي يا زلمة أدخل، وإنتا تقلها أصلي لابس الكندرة وغلبة بدي أقعد ألبس، هيني هان، وتشرب العصير عالواقف أو تقعد وإنتا مستنفر، أنا بقلك عنها بلاها الروحة كلها. بلاش تحسسها إنك جاي عليها غصب عنك، لأنه هالشغلة جدًا بتجرح، بس يمكن ما بتبين .. لا والله بتبين منيح بس بدها ناس بتشوف بقلوبها. على فكرة هي بتكون واقفة على الباب بتستني دخلتك عليها، صدقني جيّتك وقعدتك معها بالدنيا كلها، لما اتكون بتستنا فيك ومحضرة المكسرات والكعك والحاجات الحلوة، يعني ما بدها منك حاجة، غير دخلتك عليها، بتحسها قد الدنيا كلها، حتى وجها بيفتِح وبتصير شبه حبة المعمول إللي حتلخمك فيها وههي بتزغط فيك زي البط .. معلش خدها وازغطها :) أي بيكفي لما تلزق فيك، وتقعد توشوشك وتعطيك الحلو والشوكلاته، قدام الكل، هيك بتكون ماسكة ايدك وبتحكي، هي فعليًا ما بتكون بتحكي حاجة، بس هي بتقول بعيونها لكل الموجودين: شايفين هاد أخوي، عزوتي، حبيبي، شايفين قديش بيحبني!! تحرموهنش من حاجات زغيرة ما بتكلف حاجة بس مردودها واحساسها وشعورها كثير كبيرة عندها ..والله أنتوا في نعمة ما بتعرفوا قيمتها في ناس كثير بتتمنى نتفة أخت ومش لاقية. |
"نتفه اخت" شو وضعها هالاخت متلا هههههه للاسف كتير بسمعها زيارات العيد صارت روتين وواجب لازم نخلصوو مع هيكك طله الاخ حلوة شو ما كانت حبيت الحكي قصي م ننحرم |
حبيبت تواجدك كمان يكتر عديتك يا رب كل عام وانتي بخير |
منيح انو انا ببلد تانية وبقعدو نص ساعة ههههه بكيف والله بس في ناس والله بزودوها وما بقعدو حتى خمس دقايق هاي مش صلة رحم هاي بتحسو اشي ولازم يعمله وغصب عنو كمان هدول مش اخوة عن حق والله |
فعلا هذا الواقع بتحس انو فرض و واجب بدهم يزولو عن ظهورهم يسسلمو قصي |
كل عيلة و الهآ عآدآت و ظروف اول نآس بجو علي ابوي و اخوتي مآ بقعدو اكتر من ربع سآعة السآعة 8 الصبح بكونو مروحين من عندي من 11 سنة متعودة عليهم هيك بس مهو ابوي اول يوم العيد بفوت 79 دآر و بعيدهم تآني يوم عَ القدس و تآلت يوم على بيت لحم و العيزرية و المنآطق القريبة لهيك وقتو محدود و مآ بقدر يقصر او يترك اي بنت بهاليوم لأن حضورو بسوآ الدنيآ سوآء عند بنآت الأخ او الأخت احيآناً ظروف النآس بتحكم و الله لو 5 دقآيق بقعد عندي بكفي اقول قدآم النآس و عيلتي ابوي و اخوتي اجو علي و بعدين انآ كل يوم عندهم و هم عندي ههههه مآ بشتآقلهم كل عآم و انت بخير قصي الله يسعدك |
اخي قصي حسب عدد الاقارب الي بزورهم في ناس عندهم كتير بنات لازم يمرو عليهم ومش شرط كل وحده نقعد ساعه عندها كمان مش نوقف عالباب ولمين عملو المعمول وجابو البطيخ والمكسرات صح عالاقل ربع ساعه يعني يسخن تحتك ههههههههه والشغله فعلا مش بس مصاري وعيديه مع انهم بستنوها من السنه للسنه عشان يغيرو الجوالات ههههههههه كل عام وانت بخير |
والله زيارة الاخ والاب والاهل بالدنيا كلها الشغلة مش بالمصارى وكل عائلة ولها طقوسها حبيت موضوعك يسلمو قصي |
خلص العيد والي اخد عدية اخد والي راحت عليه للعيد الجاي كل عام وانتم العيد |
يالله شو حلو هالحكي عنجد نيالها الي عندها خي متلك قُصي ⭐️⭐️⭐️���� |
| الساعة الآن 06:23 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.