منتديات بنات فلسطين

منتديات بنات فلسطين (http://www.bntpal.com/vb/)
-   زوايا عامة (http://www.bntpal.com/vb/f3/)
-   -   بصراحة يارمضان ... وبلا زعل (http://www.bntpal.com/vb/t71254/)

قصي 05-22-2018 10:27 PM

بصراحة يارمضان ... وبلا زعل
 
بصراحة يارمضان ... وبلا زعل

ماحسينا بصعوبة العطش
لأنه من 11سنة عطشانين
ماحسينا بالجوع
لأنه من 11سنة محرومين

لك ماحسينا بالصيام ... لأنه الصيام بعلم الصبر
ونحنا من 11 سنة صايمين عن الحياة الطبيعية
لك من 11 سنة ونحنا متل رمضان
عم نعلم العالم كله الصبر

حلاوة رمضان ب لمة العيلة
واللمة ضايعة والعيلة مشتتة

كلما منطبخ طبخة منقول
هي بحبها فلان .... الله يجمعنا فيه
وهي الأكلة كان يحبها علان ... الله يرحمو

وهداك بيتمنى يرجع ع بيتو
واحلام كثيرة .... واماني كبيرة ...

بس الكل بهالشهر عم يدعي دعوة وحدة بس
/ يارب فرجها على هالبلد /

لأنه إذا خلصت الحرب
الأهل بيجتمعو..
والنازحين بيرجعو ...
والمكتئبين بترجعلن البسمة

تخيلو ....
كل أمانينا بتتحقق باستجابة دعوة وحدة
تخيلو ....
نتنازل عن كل أحلامنا مشان حلم واحد
تخيلو ...
شعب بأكمله عنده حلم واحد ودعوة وحدة
مندعيها وقت الإفطار ... ووقت ختمة القرآن
ووقت الفجر .... لك بكل لحظة وبكل ثانية
#يارب تفرجا على فلسطين ونرجع ملينا عذاب وألم وغربة وسفر

الله كريم .... رمضان كريم .... وصبرنا بيستاهل

ملك روحي 05-22-2018 10:37 PM

اللهم أمين

فعلا والله حكيت يلي بالقلب


في غصة رغم انو مبسوطين بهالشهر الكريم


العيله فعلا مششتته كل واحد ببلدد


والحرب والدم والقتل والدماار بكل زاويه


رغم هيكك رمضان حلوو وايامو رحمة وتسامح ومودة


حبيت كتير قصي


وكلامك وصلني ^^

حبيب العمر 05-23-2018 12:54 AM

ولقد خلقنا الانسان في كبد
صدق الله العظيم
اعتقد ما في انسان مرتاح بهالدنيا
ممكن تكون السعاده درجات
لكن نصيبنا في الاخره ان شاء الله
يقول الله تعالى
ان تمسسكم حسنه تسؤهم
وان تصبكم سيئه يفرحو بها
وان تصبرو وتتقو لا يضركم كيدهم شيئا
ان الله بما يعملون محيط
الصبر اخي
الله يفرجها عالجميع


الساعة الآن 04:18 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.