منتديات بنات فلسطين - البريئية &ايلاينر

مرحبا أصدقائي وأحبابي وأخواني واخوتي

في الحقيقة لفت انتباهي موضوع للأخت البريئة اسمه شيف على الهوا

والغريب بالأمر اختيارها لضيفتها الأولى حيث قامت باختيار الرائعة والراقية / ايلاينر

ولقد اصابت باختيارها هذا صدمة الجميع واصابت الكثير بالاحباط الشديد

اذ ان ايلاينر من المعروف عنها انه لا يوجد لديها اي علاقة لا من قريب ولا من بعيد بالمطبخ
واقصى قدراتها هو ان تقوم بعمل قلاية بندورة ويمكن تنسى الفلفل ينحرق معها وتقولنا هاي لمسات وفنون ما حقولك اياها
يعني تستضيفي ايلاينر ببرنامج بتعلق بالاكسسوارات والموضة معقولة
برنامج اختار عروستك وشو مكان شكلها حنهشتكها ونرستكها ونجملها ونشقلبها ومن تحت ايدين أيلاينر تطلع حاجة تانية بردو كمان معقولة
اقولك والله لو برنامج ما وراء البحار لاقول معقول ومقبولة وكمان ماشي
اقولك لو برنامج صدى الملاعب كمان حقول ممكن يطلع منها وتمشى حالها وكمان ماشي
بس المطبخ مر وحدة وربي كبيرة هاي وعقلي ما راضي يستسيغها

الغريب بالامر ان الكل يعلم ان اي برنامج اذا اراد مقدمه نجاحه عليه باستضافة شخصيات لها علاقة بما سيقدمه البرنامج
بحيث يكون للضيف علاقة بالطبيخ والأكل وشوربة العدس والفتة والبطاطا باليمون
يعني لو استضفتي الملاك البريء كان قلنا معقولة
عيناك قدري كان قلنا ماشي
ريتال كمان كان قلنا بنتابع وماشي
نور العيون كمان ماشي
اي حد تاني معقولة وماشي
بس ايلاينر الي مرة بتسأل كيف اخرط البطاطا واقليها بالزيت

انا بم ابدأ بالموضوع بعد

الأيلاينر صدق حاله واخدته العزة والفرحة انه يكون اول ضيف في برنامج للكبيرة والراقية / البريئة
وطبعا البريئة مين يقولها ما حقدر اطلع معاكي عاملة متل منى الشاذلي الكل بقولها امرك يا سيدي
ونسيت انها ما بتفهم بالطبيخ والاكل والمعكرونة وولا شوربة بالرز وحليب ولا البطاطا بعدس ومن هنا بدأ التخبيص

استغلت فرصة عدم تواجد اهلها

وطلعت الفرخة من التلاجة
وبدأت بتتبيلها وبطليها وتزبطيهها وتزينها مهيا بتمكيج عروسة
نسيت انها فرخة وقعدت تدهن وتلطيط فيها وتطرش توابل وما خلت مكان الا زتت فيه من خلطة التوابل السحرية الي عملتها عالملنيكس
عملت خلطة توابل وما خلت نوع توابل يعتب عليها وجابت الجيران من اخر الحارة من ريحتة الجاجة
وبالنهاية حطتها بالفرن

وطلعلتلنا بجاجة
بدنا كلنا نقول صلاة النبي عليها
وما نحسدها ولا نقولها على الوصغة كيف طلعت معاها
لانها باختصار اسرار المهنة وحصري لايلاينر ولمنتدانا
وهيا نفسها مش عارفة كيف طلعت معاها

http://2like.fun/wp-content/uploads/..._0WEAEjU7W.jpg

المهم الموضوع كمان ما بدأ

على من تقع المسؤلية على البريئة ام أيلاينر

البريئة الي اختارت شيف مش مناسب للمطبخ
ولا ايلاينر الي دفعها الحماس وحب الظهور في برنامج للمقدمة المشهورة / البريئة

والمشكلة الأكبر هلأ أيلاينر هاربة عند بيت ستها
مطلوبة حية لانهاحرقت الطوى والطنجرة السليتين تبعون امها الي اشترتهم من كم يوم وما لحقت تفرح عليهم :138:

:138::138::138::138: