| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
 |
| | LinkBack | أدوات الموضوع | انواع عرض الموضوع |
05-16-2018
| #12 | |
  
 |  | |
 |
|
05-16-2018
| #13 | |
 
| اصلا كنت مجهزة الاجابات من لما طرحتي الاسئلة ههههههه تحسبا لاي طارئ 1\ كم كان عمرك عند صيام اول رمضان ؟ من صف اول وانا بصوم 2\ موقف طريف تتذكره من طفولة رمضان ؟ مش موقف طريف بس كنت اروح اشتري الحاجات والطئات من مصروفي واخليهم جمبي لحتى اخلص فطور واكلهم على طول كأنو كان الافطار بستناه لحتى اكل حاجاتي 3\اكلة مفضلة تحب تكون على السفرة كل يوم ؟ لازم سلطة الطحينية والشوربة وسلطة الملفوف الاحمر كل يوم 4\عادات يخليك رمضان تتركها ، وعادات يخليك رمضان تكسبها ؟ العصبية بتمنى اتركها بعد رمضان اكسب عادة القراءة المكثفة للقران 5\هل تزداد طاعتك برمضان ، ام تبقى كما هي قبله ؟ الحمد لله انا بعمل كل سنة برنامج خصوصي لكل يوم شو اعمل قران وتسبيح وصلوات وهيك بتزيد طبعا 6\ صلاة التراويح هل انت من المحافظين عليها ؟ مرات بالبيت لانه الجامع بعيد عنا وازا كنت بالخليل بروح مع اهلي لانه الجامع قريب عليهم 7\اذكر روتين يومك برمضان كيف يبدأ كيف ينتهي ؟ بنفيق بعد ال11الصبح لانه بنكون سهرانين للفجر بعمل شغل البيت وبقعد للقران لفترة العصر تقريبا وببلش طبيخ بعد العصر بنفطر وبنخلص اكل وبنرتب وبجلي وازا في تراويح بجهز حالي وبروح وازا ما في بعمل القطايف والقهوة او اي شي حلو وبنضل للسحور بنتسحر وبننام 8\لو حكينا*المنتدى*جاي يفطر عندك اليوم ، شو راح يكون الفطور ؟ منسف 9\ضع عبارة دينية لنا ، نصيحة ، دعاء ، أية ؟ رحم الله روحاً : كان وجُودها في الدنيا جميلاً .!✿ هاي لروح بابا بهديها 10\اجمل طقوس رمضان بالنسبة لك ؟ اكل القطايف والزينة وصلاة التراويح 11\هل انت مع فكرة المسحراتي ، ولما ؟ مع لانه حلوة وبتعمل جو للسحور 12/ اختار 5اعضاء لعزيمتهم على وجبه الافطار عندك ؟ بعزم جارتي وعيناك قدري وملك روحي وايلول وميما وكمان نور العيون 13/ عضو تختاره ليجاوب ع الاسئله مع تااغ * @حبيب العمر اتفضل | |
| |
|
05-16-2018
| #16 | |
| 1\ كم كان عمرك عند صيام اول رمضان ؟ تالت ابتدائي 2\ موقف طريف تتذكره من طفولة رمضان ؟ كنت لما اعطش اشرب ميه قبل المغرب ب 5 دقائق ههههههههههه واضل صايم 3\اكلة مفضلة تحب تكون على السفرة كل يوم ؟ شوربه وفتوش ومخلل فلافل وحمص 4\عادات يخليك رمضان تتركها ، وعادات يخليك رمضان تكسبها ؟ الروتين اليومي رمضان اجباري بخليك تتركه وفي صلاة الفجر لازم اصليها بالمسجد جماعه 5\هل تزداد طاعتك برمضان ، ام تبقى كما هي قبله ؟ الحمد لله بتزيد 6\ صلاة التراويح هل انت من المحافظين عليها ؟ لا يمكن يروح علي ليله بفضل الله وفي المسجد جماعه 7\اذكر روتين يومك برمضان كيف يبدأ كيف ينتهي ؟ بسهر لقبل الفجر بساعه بصلي كم ركعه بقرا جزء قران بتسحر وبتحضر لصلاة الفجر برجع بنام للضهر بروح الشغل برجع العصر للسوق بشتري اغراض بنام شي ساعه لقبل المغرب بفطر بصلي وبنتظر العشا والتراويح وهي كل يوم وفي زيارات عائليه كل كم يوم 8\لو حكينا المنتدى جاي يفطر عندك اليوم ، شو راح يكون الفطور ؟ بعملكم مندي على لحمة خاروف 9\ضع عبارة دينية لنا ، نصيحة ، دعاء ، أية ؟ عَنْ أَبِي هُرَيْرَةَ ، أَنَّ النَّبِيَّ صَلَّى اللَّهُ عَلَيْهِ وَسَلَّمَ , قَالَ : " رُبَّ صَائِمٍ لَيْسَ لَهُ حَظٌّ مِنْ صَوْمِهِ إِلَّا الْجُوعُ وَالْعَطَشُ ، وَرُبَّ قَائِمٍ لَيْسَ لَهُ حَظٌّ مِنْ قِيَامِهِ إِلَّا السَّهَرُ وَالنَّصَبُ " . يَعْنِي إِذَا لَمْ يَكُنِ الصَّوْمُ وَالصَّلَاةُ لِوَجْهِ اللَّهِ تَعَالَى فَلَا ثَوَابَ لَهُ 10\اجمل طقوس رمضان بالنسبة لك ؟ فقد وزياره الارحام 11\هل انت مع فكرة المسحراتي ، ولما ؟ لا اليوم في منبهات بجميع الاشكال 12/ اختار 5اعضاء لعزيمتهم على وجبه الافطار عندك ؟ الكل معزوم هههههههههه 13/ عضو تختاره ليجاوب ع الاسئله مع تااغ | |
| |
|
05-16-2018
| #17 | |
 كآئن فطري مُستفز
|
@حبيب العمر ي الله محسنك لسا بقول ببالي نفسي اجاوب ع الاسئلة ههههه اجاباتك كتير حلوة ، بحب اقرأ اجاباتك بأي موضوع .. بس ع فكرة انا كمان كنت اعمل زيك واشرب مية هههههه شوي وهجاوب ♥ | |
| |
|
05-16-2018
| #18 | ||
| اقتباس:
لاني كمان بحب اجوبتك | ||
| |
|
05-17-2018
| #20 | |
| كآئن فطري مُستفز
| 1\ كم كان عمرك عند صيام اول رمضان ؟ ثالث بس كنت أشرب سرقة هههه رابع يعني .. 2\ موقف طريف تتذكره من طفولة رمضان ؟ مبارح روحت من المدرسة وكنت صاينة وانا بثالث وروحت ع المطبخ شربت قنية المي كلها وسبتها فاتحة هههههههه واجت امي سألتني قعدت اعيط واقلها مش انا ههه 3\اكلة مفضلة تحب تكون على السفرة كل يوم ؟ جبنة ههههه لا بمزح اي شي فيه جاج هههههه 4\عادات يخليك رمضان تتركها ، وعادات يخليك رمضان تكسبها ؟ أتركها ما في أكتسبها تلاوة القرآن اكتر شي مختلف برمضان .. 5\هل تزداد طاعتك برمضان ، ام تبقى كما هي قبله ؟ بتزيد كتييييير 6\ صلاة التراويح هل انت من المحافظين عليها ؟ مش دايما 7\اذكر روتين يومك برمضان كيف يبدأ كيف ينتهي ؟ والله اليوم كنت عاملة جدول ادرس بس مشعارفة بلمرة عصافيرربطني بترقص مش بتغتي وبس هههههه مع اني مبارح اكلت كلشي بالتلاجة عهههههه رح اصير ادرس بعد الفطرة للسحور واقرأ قران الصبح 8\لو حكينا المنتدى جاي يفطر عندك اليوم ، شو راح يكون الفطور ؟ كبسسسة اكيد بعشقها ♥ 9\ضع عبارة دينية لنا ، نصيحة ، دعاء ، أية ؟ "الللهم أحفظ أهل المنتدى و أجمعنا معهم بالخير و لا تحنلهم ما الا طاقة لهم به و ارحمهم أينما كانوا ♥" وبحب آية " وما كان ربك نسيا " 10\اجمل طقوس رمضان بالنسبة لك ؟ يييي كلشي كلشي ولما نقعد كلنا ع الفطرة نضخك و ندعي ولما بسهر للسحور ولما لنضل نزعق نصحي اخوتي للسحور ههههه وهالسنة مختلف عشان امتحاناتي فيه 11\هل انت مع فكرة المسحراتي ، ولما ؟ اه معها جدا ، بحب الحركات هادي هههه 12/ اختار 5اعضاء لعزيمتهم على وجبه الافطار عندك ؟ قلال خمسة بدي ياكم كلكم ♥ 13/ عضو تختاره ليجاوب ع الاسئله مع تااغ الماجيك اعمليله انتي تاغ مش عارفة اعمل شكرا ي قلبي الموضوع الحلو متلك | |
| |
|
| الكلمات الدلالية (Tags) |
| المنتدي, اعضضاء, بعيون, رمضضضان, ~~ |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ليششششش رمضضضان بنابلسس غيررر ~~ | ملك روحي | ะ» فِلِسطِيـטּ وآلقَضِيـةٌ |▪●™ | 6 | 05-08-2018 12:56 PM |
| منششن ل 3 اعضضاء وخدهم معككك ؟! ~~ | ملك روحي | فـسحـة الـروح " يوَ๑ـَيآتْ الأξـضآء " | 62 | 02-19-2018 11:06 PM |
الساعة الآن 07:15 AM
