منتديات بنات فلسطين

منتديات بنات فلسطين (http://www.bntpal.com/vb/)
-   النكت والطرائف (http://www.bntpal.com/vb/f22/)
-   -   كيف العدس ابو العبد (http://www.bntpal.com/vb/t70602/)

حبيب العمر 04-18-2018 08:05 PM

كيف العدس ابو العبد
 
هاظ يا حفيظ السلامة برجع ابوالعبد ع الدار
وخاف عقله من الشغل والمشاكل
وتراكم الديون والشيكات والكمبيالات
اللي كاتبها والقضايا المتلتلة الي فوق راسه
بفوت ع الدار بتستقبله ام العبد بالبجاما الي ريحتها بصل
وشعرها منكوش مثل حزمة الجرجير المفروطه
وصوتها واصل لاخر الحاره على ابنها الي معوفها حالها.
بغيير اواعيه وبروح بقعد على عرشه بغرفة القعدة قدام التلفزيون
عشان يشوف شو صاير بالدنيا بقترب منه بصينية الاكل
وبتكون مسخنة العدسات وحاطة
زيتون وفجل وبصل ومخلل شحدة من جارتها ام وصفي
لسا بده ببلش يسلخ ويتسمم
وبتبلش شهرزاد حكاية الف قصة وقصة
مش ابنك جاب صفر من 5 في الامتحان ،
اه صحيح بكره فيه اجتماع امهات بالمدرسة اروح !؟ ولا كيف !؟
المي اجت اليوم وتعبى نص الخزان !!
شفت صاحب الدكانه اخته تجوزت وجوزها طلع بخلفش !!
العدس زاكي !؟
والله اخو جارتنا عمل حادث تصادم !!
بس ما مات الله ستر !!
بحكو بكره رح تشتي الدنيا دفي حالك !!
زاكي العدس !؟
شفت في عصابة بخطفوا الاولاد وبسرقوا اعضائهم !!
حط ابني مع الباص ائمن !! ترا عاملين عروض ب المول !!
العدس زاكي !؟
طبعا شهريار ولا معطيها اي اهتمام بوكل وهو ساكت
كانه على وضعية الصامت بتعصب شهرزاد
وبتبلش تبرطم والحكي المعتاد واللي شهريار حافظيته
اه اه مهو انا بحكي مع حالي !!
حمارة اناا اصلا اللي بألفلك قصص !!
كلبة عندك جايبني بس للشغل امسح واجلي واطبخ !!
خسارة فيك الفجل !! خليني احكي مع حالي !!
شو يقولو عني الناس هبلة صح !؟
انتا هيك بدك يحكو عني !!
عشان تخلص مني !!
وتروح تشوف حالك مع وحدة ثانية !!
احكي ما بدك اياني !! احكي !!
ليش اتجوزتني !؟
ليش !! ما انا كنت ملكة بدار ابوي !!
اعطيني المتأخر وطلقني !!
طلقني يعمي ليش حاويني !؟ طلقني !!
برضه بتكون تحكي مع حالها
لانو شهريار بكون نعس ونام بنص الحكي .
بتنافخ شوي وبتروح بتقيم الاكل وبترن ع ام وصفي
وبتبلش لقلقة وحكي معها وما بخلو حدا من شرهم .

سارة المصرية 04-18-2018 08:09 PM

ههههههه كله بسبب العدس
ميرسي مؤيد

عيناك قدري 04-18-2018 08:11 PM

هههه
منيح م لبس صحن العدس بوشها
حلوة الطرفه
م ننحرم

سَلامْ ♡. 04-18-2018 08:14 PM

هههههههه لو بدو يرد لما لحق عليها

يسعد قلبك مؤيد

البريئة ! 04-18-2018 09:08 PM

هي لليوم عندو و لآ اخدت المأخر و طلقهآ ههههههههه



يسعدك ربي

نور العيون 04-18-2018 09:08 PM

على فكرة روحه طويلة
لو واحد تانية كان سحب لسانها وهيا بتحكي:138:

مشكوور مؤيد

ملك روحي 04-18-2018 10:18 PM

عنجدد طلاقهاااا صصار ضرورة قصصوى

ي ريتوو طلقهاا لاششمت فيها :138:


بس ما فهمت يعني لو طابخة منسف متلاا ما حتنق ولا كيف ههههههه


يسسلموو للنهفةة مؤيد


تحيااتي

ريتال 04-18-2018 10:46 PM

هههههههه يسلمو ابوكريم

الملاك البريئ 04-19-2018 07:01 AM

لو ضل بالشغل ارحمله من النق والطق والقصص اللي سمعها
سممتله بدنو

حبيب العمر 04-19-2018 11:33 AM

لا هاي الديباجه كل يوم
متعود ابو البعد
بعدها بتحمم وبنام
وتاني يوم الصبح بتحكيله
يسعد صباحك تاج راسي ابن عمي
هههههههههههههههههه


نورتو يسعدكم جميع


الساعة الآن 01:02 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.