|
حتندم لو ما فتت ^^ بينما انا جالس لوحدى في عملى حيث الوحدة تلازمنى والملل يتسرب الي ويسكننى اراقب عقارب الساعة واعد الوقت واحسب الدقائق والساعات كي يمرو وينقضى معهم الوقت واعود من عملي الى البيت ومع شعوري بالجوع الشديد بدأت افكر بطعام اتناوله كي يسد امعائي الخاوية تذكرت وقتها طلب @البريئة عندما طلبت مني ان اقوم باعداد اي طبخة وشرحها اليكم فبعد صراع طويل وحيرة شديدة في اختيار الاكلة وشرحها لكم بالتفصيل اعملكم بطاطا بعدس ولا شوربة بالرز والحليب:138: توصلت بالاخير لاكلة احبها واتقنها كثيرا واحببت ان اقدم لكم طريقة عملها انها / الكبدة نيجي للمكونات اول شى شحتت مقلاة جارتنا ام السعيد وحكتلي شو بدك تعمل بالمقلاة ي قصي شرحتلها بالتفصيل القصة وطلبت منى سندويشة بعد ما اخلص الأكلة قمت انا اشطر منها طلبت مع المقلاة تلات قرون فلفل واربع بصلات يعني هيا اشطر من مين حتطلع وبعتت جبت من جارنا ابو السعيد نص كيلو كبدة منظفة وجاهزة اهم شى وخرطت البصل زي ما بخرط كتير من الخاطبين على بعض وقطعت الفلفل قطع صغيرة ولا فى احلى من هيك قطع تقولو الشيف حسن والله العظيم وحطيت الفلفللات والبصلات بالمقلاة على نار هادية وهادا اهم شي مشان ما ينحرقوا ويخرب كل شى وهاد سر بكشفه للبنات المقبلين عالزواج ^^ وقعدت اقلب فيهم شوي شوي لما حسيتهم استوا وقعدو بالمقلى منيح وبطلو نافشين حالهم متل بعض الناس وجبت الكبدة وقعدتها عالبصل والفلفل وبردو عنار هاديه لتستوى شوي شوي بعدين حطيت كمشة توابل بهار تايلندي مع بهار جاج مع بهار كباب مع بهار شاورما مع فلفل اسود مع شطة وقعدت احرك بالكبدة والبصل والفلفل ودغدغدتها للكبدة بالتوابل لما قلتلى حرام عليك وبالأخر طلعت معي بهادا الشكل الي بشهي وبالهنا والشفا وي ريت ما حد ينقل الوصفة لانها حصرية للبريئة وبس [IMG]http://www.bntpal.com/up/uploads/bnt...3802667541.jpg[/IMG] |
على فكرة العنوان شجعني افوت بس طلع شو ؟؟؟؟ ولا اروع اول مرة تساوي كبدة يا قصي وبتشرح الوصفة كماان:138: على العموم مشكوور وتعبت والله يعطيك العافيه بس شكلها مزبوطة وبتتاكل عواافي |
لازم تسجلها باسمك براءه اختراع هههههه وتعطي ام السعيد حصتها بصراحه الكبده وانا مش صحاب لو لحمه كان اكلت معك صحتين على قلبك |
اقتباس:
ولا بتجاملي في عالعموم مشكورة للمرور |
اقتباس:
لا تكون زعلت:25: بمزح اناا |
بالله عليكك بعتت لام السسعيد سسندويشة :138: ششو هالوصصفة الخرافيةة ههههههه ريتوو الف صصحةة ي رب منيح ما عملت مقلوبه :77: |
ههههه ئال يعنى انجارليش مئطعها كبيرة صغيرة ازكى وبعدين مابينحطلها توابل تايلدنى ولازم تحطلها تومة ئبل لتستوى بشوى وزيت الزيتون شو وضعو ع فكرة بعملها بتشيهى بس يالله عزابي وببتعود هههههه صحتين ع العموم |
اقتباس:
الله يسعدك مؤيد بترفع المعنويات دايما وانا بقول هيك بردو بس مالكم كانها مش عجباكم الطريقة ولا الطوى مش ولا بد والله طلعت بتشهي جدا |
اقتباس:
بالعكس انبسطت انها عجبتك هههه اعمليها نور ما حتندمي ولو طردك زوجك ما خصني ^^ |
اقتباس:
الله بيسطك يارب مين حكاالك اني انا الي بعملها :138: ولا عمري عملتهاا زوجي الى بيتفنن فيهااا ريتها الف صحه يارب |
| الساعة الآن 08:43 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.