|
اجيبوني بصراحة وبدون مقدمات وحركات انا حابب افوت مباشرة من الباب وما بدى فوت من الشباك هلا انا قرأت ردود لكم عضو تحديدا من اهل الضفة مستاءون ومتزمرون ورافضون لفكرة الكوشوك وانا بالمناسبة ما بأيدها وما بعارضها السؤال الذي اود طرحه شعب يعاني الامرين يعاني الجوع والقتل يواجه الظلم والاستبداد يوجه التفرقة والعنصرية حيث يعامل اهل الضفة وموظفي الضفة على افضل نحو وافضل صورة بينما نجد عكس المعاملة لاهل غزة شعب قطعو رواتب ابنائه وشدود الحصار عليه وجعلو الكثير من البيوت بلا كسرة طعام او لقمة عيش هل يعقل ان يبقى صامت متفرج على ما يحاك ضده من مؤامرات وقطع للارزاق هل مطلوب منه ان يتوسل ويركع لامريكا واسرائيل الناس الى عارضت وحكت هالشى بضر القضية وما بيجى بمصحلتنا نستنى تموت الناس ونستكثر عليها حتى تعبر عن رفضها واستيائها باي طريقة تراها مناسبة اخر شى انا ضد حكومة غزة واخالفها الراى في الكثير من الامور ومن عائلة فتحاوية مرموقة ولكني ارفض الظلم وارفض كل من يناصره |
لى عودة قصي |
ما أخذ بالقوة لا يسترد الا بالقوة شعار الشاب الفلسطيني وشعار كل حر ثائر يسلمو قصي |
اقتباس:
لا تطولي ^^ |
وااااال يعني انتا مقتنع انو هادا حل محكوومه غزه الها 12 سنه بتاخد ضرائب م لها داعي وبتمص بدم هلشعب وبتعمل قوانين ع مزاجها وبتظلم ووقت م تزهق بتعمللها حرب وبياكلها الشعب وفش كهربا وميه وبطاله وقمع وم سمعنا صووت حدا ولما عملو مسيره سلميه عشان انهاء الانقسام الشعب انضرب وانقلت قيمتو نص الشعب واغلبو بخاف بس م بستحي ولعنا كوشوك جد بلله نحلت المشكله ؟ بلاش انحلت اتقدمنا خطوه ؟ بلاش اتقدمنا عملنا اي شي يخدم اي شي محتاجينوو احنا مشكلتنا انو شعب عاطفي والعاطفه غباء |
عآدي انآ من القدس ورآفضة هالفكرة هههه ^^ مش معترضة ع قصة يطلعوا يحتجوا او يتظاهروا م الكل بيطلع بيحتج وبيطلع مظآهرآت بس الاششي رح يضرهم الدخآن الي بطلع ورح يزيد عدد الشهدآ وغزة مش نآقصةة بكل حرب كم شهيد بروح بس مع هيك بححس شبآب غزة جآهزة دايمآ للشهآدة الله يحميهم كلهم ي رب |
انا مع اي فكرةة للمقاومةة ولرفع الظلم عن غزة خاصصة وفلسسطين بششكل عام لكن بما انك ركزت ع ناس من الضضفة وناسس من غزةة سسؤالي لالك قصصي مين السسبب بازمة غزةة ؟ ومين يلي عم يظلمهاا ؟ ومين جوع الششعب ومين ومين ؟ ححكيلك الجواب هو الانقسام يلي بتحملو مسسؤؤليتوو فتح وحماس وما بسستثني اي مسسؤؤل يعني لو بدنا وضضع غزة يتحسسن لازم نبلشش من الداخل ونضضغط ع الجهتين للمصصالحة بالنسسبه لحرق الكوشوك طيب تمام حرقو 10000 اططار وصصارت السسما سسودة طبعا هالسسواد حيعم الكل ضضفه وغزةة والاراضي المحتله وبعدين ؟ برأيكك انحلت مششكله غزة ؟ ارتفع الحصصار ؟ طيب قبضو معاششات ؟ ولا ششي حيتغير غير تلوث الهوا يلي حنتنفسسو وسسقوط مزيد من الششهداء واسسستنكار العالم للاسستهتار بالبيئة وحتى المؤسسات الحقوقيه حيتفلسسفو وقتها ويصيرو بيفهموو اقنعني انو في فايدة وحدة حتسستفيدها غزةة |
اقتباس:
انا اقول وفكرتي واضحة ان من حق الشعوب المكبوتة والمكلومة والمظلومة ان تعبر عن رفضها واستنكارها بالطريقة التى تراها مناسبه اما بخصوص حكومة غزة لقد توقعت ان يخرج لى احد ويقول حديثك لذلك من البداية قلت وذكرت انني ضدها واعارضها والفكرة وحديثي الذي ذكرته لا ينصفها ولا يظهر فيه اي تعاطف معها ثمة امر اخر وهو ان الجماهير الكبيرة التي خرجت تشكلت من جميع الفصائل ومختلف الانتماءات وان معظم الشهداء الذين سقطوا كانو من ابناء حركة فتح الامر الأخر طيب لو قعدوا ببيوتهم وسكتو عن حقوقهم ورفضو فكرة التعبير عن غضبهم ورفضهم لما يحدث من لهم من تجويع وقطع لرواتب العباد معقول بتنحل القضية والعالم بلتفت لالنا وبعرف مصابنا والمنا وبرجعلنا حقوقنا يخيي عالاقل الناس بتنفث بتطلع الي بقلبها بتلفت انتباه العالم لالها بترسل رسالة ان شعب غزة لن يبقى صامت ومتفرج والموت الذي يسعون له سيواجه هذا الشعب بصدورهم العارية الامر الاخير البيئة هلا تضررت وتلوثت من الكوشوك طب مالغازات المسيلة للدموع والقنابل التى القيت على غزة وما زلنا نعيش وقعها والمها كلها مضرة وطبقة الاوزون وامور كتيرة كلها مؤذية وقاتلة ومع ذلك مع سمعنا حد من جيرانا واهلنا توفى او اصابه اختناق من الكوشوك والدخان |
اعمل زي الجزائر حل مشاكلك الداخليه وحد صفوفك انتفض ع الي ظالمك داخلياً وعاملك رهينه بعدين حرر ارضك غير هيك م بتتحرر انتا بلمسيرات هادي بتعطي الحق للكيان انو يطخ عليك ويموت شعبك بهدف حمايه سياده اراضيهم كلنا ضد الكيان بس مش كلنا عاطفيين |
بالعكس مش عاطفى الشعب الشعب زهئ وبدو حل ووضع غزة من سيئ لاسؤاء انا بعارضك ياماجك بالعكس هاد اقل نوع من انواع المقاومة وهاد اقل حق من حقوق الشعب ومافى شي بيجى ع الساهل لما ترامب يعلنها يوم النكبة وينقل السفارة بنسير نئول وين العرب طيب مااحنا اولى الناس بالتظاهر احسن مايحذفونا ع سيناا هاد وجهه نظرى |
| الساعة الآن 03:18 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.