منتديات بنات فلسطين - آخرتو ينتحر هههههه

👩🏻 : وين رايح؟؟
👨🏻 : رايح احضر المباراة بالقهوة ..
👩🏻 : ليش ما بتحضرها بالبيت؟؟
👨🏻 : بدي احضرها مع الشباب
👩🏻 : يعني ما بيصير تحضرها معي؟؟
👨🏻 : ولا يهمك خلص بحضرها معك ..
👩🏻 : اللاعبين ليش بيتقاتلوا كثير؟؟
👨🏻 : بيتقاتلوا على قرارات الحكم ..
👩🏻 : والمذيع كيف حافظ اسماء اللاعبين كلن؟؟
👨🏻 : هيدا شغلو لازم يحفظهم ..
👩🏻 : طيب ليش معصب؟؟
👨🏻 : لا مش معصب عادي ..
👩🏻 : على فكرة التيشيرت الحمراء مش لابقة مع لون الشورت
👨🏻 : فعلا ..
👩🏻 : المذيع قديش بياخذ عالمباراة؟
👨🏻 : عشرة الاف دولار وبعدين اسمه معلق مش مذيع ..
👩🏻 : والمذيع لِ عالمحطات العربية قديه بيعطوه؟
👨🏻 : بيعطوه عشا ودخان ..
👩🏻 : غووول ..
👨🏻 : لا اوفسايد ..
👩🏻 : شو يعني أوفسايد؟
👨🏻 : لالا عم بمزح معك غوول ..
👩🏻 : ما دام هدف ليش ما غيروا النتيجة عالشاشة ..
👨🏻 : خطأ من المحطة ..
👩🏻 : طيب ما قلتلي شو يعني اوفسايد ما فهمت؟
👨🏻 : اوف سايد اسم مدرب الفريق
👩🏻 : وينو مدرب الفريق؟
👨🏻 : قاعد برا
👩🏻 : وليش ما بيلعب معهم؟
👨🏻 : لإنو المدرب ما بيلعب هو بيبدل اللاعبين وبيراقب لعبهم
👩🏻 : طيب فيه تبديل للحكم؟
👨🏻 : كيف كيف؟
👩🏻 : لان فيه حكم عم يركض على الخط وحامل علم من بداية المباراة ..
👨🏻 : هيدا حكم الراية كرمال الأوف سايد ..
👩🏻 : الاوف سايد المدرب قصدك؟؟
👨🏻 : اي المدرب .. حطو المدرب ليشوف اللاعبين عن قريب ..
👩🏻 : طيب اخر سؤال .. اي واحد فيهم مارادونا؟؟
👨🏻 : ولا واحد ..
👩🏻 : وينو هو حالياً؟؟
👨🏻 : إنتحر ..
👩🏻 : يا ساتر .. ليش؟؟
👨🏻 : كان قاعد عم يحضر المباراة مع مرته.....