منتديات بنات فلسطين - باستا بالروبيان

أسعد الله مساكم بكل خير وسعادة وراحة بال ان شاء الله ،،،
بعد غياب طويل اطل عليكم بموضوع خفيف ع القلب وع المعدة ،،،

http://up.graaam.com/uploads/imag-6/...015a6fcbaa.gif

انا من عشاق الباستا بأنواعها
اليوم بنسوي باستا الروبيان وأتمنى تكون طريقة سهلة
يستفيد منها الجميع،،،
وحياكم الله معانا

http://up.graaam.com/uploads/imag-6/...a4c765da3a.gif

نبدا بالمقادير :

http://up.graaam.com/uploads/imag-6/...6a6fd2ed6b.jpg

مثل ما شايفين عندي:

روبيان متبل حسب ما تحبون أنا حطيت عليه ملح (sea salt) خلطة الثوم والزنجبيل
وحطيت عليه تمر هندي شوية وممكن تحطون شوية كمون وكزبرة نا عمة او الكاري وللي يحب الفلفل ممكن يحط شوية .
وعندي مكرونة مسلوقة أي نوع مكرونة تفضلونه .
وشوية بصل مع شوية بصل أخضر وطماطم اقطعه ناعم مثل ما انتو شايفين مع بقدونس وكزبرة خضرا.
وملفوف وجزر طبعا ممكن تضيفون أي نوع خضار تحبونه ونص ليمونه تعصرونها على الروبيان

http://up.graaam.com/uploads/imag-6/...ff1df2d181.jpg

هنيه البهارات اللي استخدمتها والكمية حسب اللي تفضلونه
انا حطيت شوية من الكزبرة والكمون والحلبة الناعمة وشوية من جوزة الطيب
وشوية شمر وشوية كاري
وطبعا مثل ما تشوفون مرمية وزعتر بري خشن
ومكعب ماجي بالأعشاب .

http://up.graaam.com/uploads/imag-6/...eae5d98dfe.jpg

هنية ملح البحر اللي خبرتكم عنه مع معجون طماطم وحبتين جبن مثلثات أي نوع تفضلونه
بالاضافة الى كريمة الطبخ وكل هاي المقادير نحط منها حسب الرغبة وكل حد ممكن يزود
من الشي اللي يحبه زيادة .

ألحين الطريقة:

http://up.graaam.com/uploads/imag-6/...0678b570d5.jpg

مثل ما شايفين حطيت الماعون ع الغاز واخليه يسخن شوي على نار عاليه
وعقب أحط عليه شوية كمون خشن مع فلفل حار مجفف للي يحب الفلفل ونحمصها لحد ما تطلع
ريحتها الحلوه .
عقب احط شوية زبدة مع زيت زيتون أخليه شويه بعدين احط البصل والبصل الاخضر واقليه لحد

ما يذبل وعقب أعق الروبيان عليه وأقليه .

http://up.graaam.com/uploads/imag-6/...f6f94ef692.jpg

أستمر أقلي الروبيان مع التقليب كل شوي على نار متوسطه مثل ما شايفين.

http://up.graaam.com/uploads/imag-6/...f670643faa.jpg

لما أحس ان الماي اللي طلع من الروبيان نشف أحط الملفوف والجزر
واستمر في تحريك الخليط .

http://up.graaam.com/uploads/imag-6/...af9fcaf002.jpg

لما تذبل الخضار اللي حطيتها أحط الطماطم مع البقدونس والكزبرة الخضراء وأحط البهارات اللي
جدامكم بالصورة حسب الكمية اللي تحبونها مع مكعب واحد ماجي بالأعشاب.
استمر في التقليب الى ان يتجانس الخليط.

http://up.graaam.com/uploads/imag-6/...89ff37684b.jpg

بعد ما أحس ان الخليط صار كله متجانس مع بعضه احط حبتين جبن او حبه حسب الرغبة
وأحط شوية كريمة طبخ يعني ممكن مقدار فنجان وملح مثل ما انتوا شايفين .
واستمر في تحريك الخليط.

http://up.graaam.com/uploads/imag-6/...0d4861e673.jpg

عقب احط قفشة معجون طماطم واغطي عليه وأخف ع النار شوية مع الاستمرار في التقليب .

http://up.graaam.com/uploads/imag-6/...e2b38d655b.jpg

لما احس ان الخليط كله صار خلطة وحدة وقوامة كثيف شوية احط المكرونة فوقه وأقلب الخليط.
أغطي عليه شوية لحد ما تتسبك المكونات كلها مع بعض.

http://up.graaam.com/uploads/imag-6/...cdc371dffe.jpg

واخيرا هني وعافية عليكم واتمنى تكون الطريقة سهلة التطبيق للجميع .