| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
قصة العريس اللقطة .!!
قصة العريس اللقطة .!! اليوم اجاني عريس… على رأي امي عريس ( لقطة) … بس انا فتاة وفية… الاخلاص بيتدفق بدمي تدفق… بتنفس الوفاء مع الo2 و بطلع
| | LinkBack | أدوات الموضوع | انواع عرض الموضوع |
|
#1
03-03-2018
| |||||||||
| |||||||||
قصة العريس اللقطة .!! قصة العريس اللقطة .!! اليوم اجاني عريس… على رأي امي عريس ( لقطة) … بس انا فتاة وفية… الاخلاص بيتدفق بدمي تدفق… بتنفس الوفاء مع الo2 و بطلع الخيانة مع الco2… مستحيل اتخلى عن حبيبي محسن… الشب ترك مدرستو و طلع يشتغل ميكانيكي وحط القرش فوق القرش و عمل شعرو سبايكي مشان يتجوزني بس امي اصرت… و حلفت على الوالد يمين طلاق الا افوت و اسلم عالجماعة… خبرت محسن بهل خبر المؤلم ببالغ الآسى و الحزن … وقعدت ابكي قدام المراية متل المسلسلات التركية… و قررت افوت اطفش العريس و ارجع لحبيبي و نبض فؤادي… محسحس الغالي والله اجو الجماعة… و انا شلت صينية القهوة و فتت .. و ياريتني ما فتت… و لك هاد مش عريس… هاد حرام يقعد بيناتنا… هاد قطعة اثرية… هاد حبة شوكلاتة…. بس شفتو شقلبت شقلبة و القهوة وقعت بحضن حماتي!! … قصدي امو و امي صارت تضحك و تقرصني من خاصرتي و تقلهم ( خجلاااانة خجلااانة حبيبتي بنتي) كنت فاتحة تمي و عم بحلق فيه متل الي معها مرض نفسي لما قلها ( ما شاء الله على هالترباية يا خالتي… حصل خير) ولك انو خير؟ ولك انت وينك من زمان؟ وينك لما انا كنت بصف عاشر و تعرفت على حبيبي محسحس…!! ليش تأخرت؟ … لماذا يا هذا سحبتني امي و قعدتني جنبها و انا لسه بحالة عصيبة من السطلان و الصدمة...و عم ازحل عن الكرسي و الوالدة تسحبني و تقعدني منيح… انا خلال هاد الوقت كنت فكر بطريقة ازحلق فيها محسحس و اتفرغ لحياتي الزوجية الجديدة…. و صرت اراقب العريس الي بعدني مو مستوعبه انو هاد الي!! طلعو الجماعة و امي تسب عالساعة الي خلفتني فيها… و انا فتت عالحمام و تخبيت ورا الغسالة و رنيت لمحسن :- حبيبي محسن… انا طلعت مقملة… و معي جرب و انت عارف انو الجرب بيعدي… وطلع معي التهاب بالامعاء الدقيقة انا كنت اسعد انسانة معك بهل خمس ست سبع سنين الي مرو دير بالك على حالك… و بس تخطب خلي امك تفلي خطيبتك و تتاكد انها مش مقملة… انت بتستاهل وحده بتوج وج ومغسولة بتايد لانو مع تايد للغسيل مفيش مستحيل… يا حبيبي الوداع أيها الشاب النبيل…. إلى اللقاء… سكرت الخط….و طلعت من الحمام و انا عاملة فيها جو البنت الخجولة و المهذبة… و دحشت حالي بحضن امي و همستلها بنعومة ( موافئة) اتطلعت فيني نظرة من فوق لتحت… و قالتلي نعم؟ … رجعت همستلها برقة و عذوبة ( موافئة… على الئريس -العريس-) # يوافق عليكي عزرائيل و يسحبك من خلقتي… الله لا يبشرها بالخير الداية الي بشرتني بجيتك… كان يوم اسوووود… اسووود ااااخ يا قلبي… المخلوقة و هي طالعة اعطتني رقم دكتور نفسي و قالتلي لازم تعالجي بنتك و ما تتركيها هيك حرام بعدها صبيه… الله يفضحك فضحتينا قومي من خلقتي نقيلي العدس و اطبخي مجدرة… قووومييييي… مهو انا بعد ما سمعت هالحكي ما عاد عرفت وين طريق المطبخ!! فتت على غرفتي و انا صافنة بالحيط… و قررت اتصرف و اصلح الموقف عالسريع، اقل ما فيها اطلع بأقل الخسائر رنيت على حبيبي القديم بس اعطاني ( إن الرقم الذي تطلبة مغلق… يرجى المحاولة في وقت لاحق!! The number you call is closed please try later) انا اول شي فكرت حبيبي رمى حالو تحت شي سيارة… او نط من فوق الجسر المعلق… او يمكن قطع شراينو و انتحر بسببي بس طلع العريس مشغول… غير خطو و لغى كل حساباتو و خطب ابتهال بنت ام ابتهال ان شاء الله هالعمارة فوقهم بتنهال… ول!!! هاد كلو بس لاني مقملة؟! …. يا خسارة القمصان الي كنت اسرقهم من خزانة ابي و اكويهم و اعطيه ياهم هدية..  عادي… اصلا يا مآمنة بالرجال يا مآمنة بالمي بالغربال… و الي ببيت اهلو على مهلو… و خلي العسل بجرارو حتى تغلى اسعارو… والخنفسة شافت بنتها عالحيط قالتلها تقبريني متل اللولية بالخيط… الاخير ما دخلو بس تحمست المه الي اسبوع بنقي عدس و بطبخ مجدرة من الصدمة… صحيح انتو بتاكلوها برز و لا ببرغل؟ … انا اهم شي عندي جنبها المخلل  المصدر: منتديات بنات فلسطين - من قسم: النكت والطرائف rwm hguvds hggr'm >!!  |
| الكلمات الدلالية (Tags) |
| .!!, اللقطة, العريس, قصة |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مش ضايل غير العريس // طلبك قصي | lonely heart | حـواء وأنـاقتها | 24 | 09-18-2017 12:57 PM |
| لو عايزه تهربي العريس تعالي وانا بفهمك | حبيب العمر | النكت والطرائف | 14 | 08-27-2017 07:04 PM |
| اللقطة المناسبة ترهق المصورين | بنات فلسطين | ะ» رُكُن آلصۈرٍ ..! | 2 | 09-03-2015 11:16 PM |
| إيران..العريس 14 عاما والعروس 10 (صور) | خالد | الأפֿـُبآر والـأפـدَآث | 3 | 08-29-2015 07:07 PM |
| المتهم بقتل 25 جندي مصري على طريق العريش- رفح يعترف بجريمته ويمثلها | امير القلوب | الأפֿـُبآر والـأפـدَآث | 5 | 09-02-2013 12:14 AM |
الساعة الآن 10:46 PM
