|
اوعك..راق لي إوعك تسمحي لحد يشوف حالو عليكي أو يحسسك إنو بريستيجو اشي كتير واو وإنك صفر ع الشمال .. اوعك ترضي إنو الناس تعاملك بجفاف و تقبلي الأمر هاد ع حالك .. لا تسمحي لحد يتعامل معك بفوقية لانو ما حد احسن منك حتى لو ما كنتي متعلمة و شهادتك مو مبروزة كوني متأكدة انك عظيمة بأي درجة علمية كنتي.. كوني متأكدة إنو الثقافة و الفهم ما اقتصرت ع الجامعات والمدارس.. لا تسمحي لحد يتعامل معك حسب مستواه الإجتماعي حتى لو لبسك من البالة ولا من خواتك.. حتى لو ما معك تكملي آخر الشهر ولا فارق اصلا أولو من آخرو.. حتى لو كنتي متصاحبة مع خط الفقر ومش قادر يتخلى عنك .. اوعك تستني من الناس يشوفوا إنجازاتك او يستشعروا تعبك بالدنيا👌 حتى لو ما كنتي مرت المهندس ولا الدكتور ولا مدير فرع ببنك.. حتى لو كان زوجك شخص بسيط لا تسمحي لحد يشوفك تحت.. لا تكوني مداس لحد ما تكوني ملطشة... اصحك تشوفي حالك اشي قليل انتي مو عايشة عشان حد انتي عايشة عشان حالك👍 المجدرة اخت المنسف ..ما تشوفي صحونهم اشي كتير .. المطعم مش بداية السعادة و تذكرة السفر مش معجزة الأحلام.. خدي الحياة ببساطة..عيشي الحياة لا تعيشي تفاصيل الناس.. ارضي و ارضي كتير باللي رب العالمين كتبو إلك.. حبي حالك و ترفعي... الترفع عن أسوأ المشاعر بحد ذاتو سموّ... كوني متأكدة إنو اللي بحبك ما بيضربك بضهرك.. بحبك كيف ما كنتي بمجمل صفاتك.. اللي بحبك ما بدو منك غير تكوني بخير... الناس اللي شايفتك نص نص لا تشوفيها.. عاملي الناس متل ما بتحبي يعاملوكي بس باللحظة اللي بتحسي فيها انهم متجاهلينك..تجاهلي سيد سيدهم .. كوني قوية عشانك إنتي وعشان ولادك.. ما رح حد يطبطب ع جروحك.. ما حد رح يعرف لأي درجة قلبك موجعك غير انتي.. "كن انت تزدد جمالا" لا تجامليهم ع حساب أعصابك.. لا تعطيهم وقت ع حساب فراغهم اللي ما تزكروكي فيه.. ما تحبيهم الا ع قد محبتهم الك والعلاقة اللي ما بترتاحي فيها أتركيها... بلا منها.. اللي باعك بيعيه واللي طلب بُعدِك زيديه والي خبى فلوسة ودار ورا رزقتك افقريه اللي شايفك مو من مستواه ...سبحان اللي سواه اتركيييييه لا تمرمطي حالك هون وهون.. اللي حكيتيلو سر و فتحتي طرف قلبك الو و شعرتي إنو السر هاد صار عبئ و البوح سهل عليه برضو انسيه.. بطلوا شوفوا الحياة بعين مادية بحتة ...لانو الرسول ما كان بيملك خزائن الدهب و لو شاء الله لجعله مالكا لها... ربنا ترك الرسول فقير المال..غني الأخلاق و مش شايفه حد غير الرسول اقتدي فيه👍 لهيك خفوا ع بعض و شوي شوي بالنعرة الزيادة وشوفة الحال.. ترى الكفن نفس القماش..فش كفن جيبير وكفن شاش .. رائعة اعجبتنى |
حبيت هلحكي رائعه بإنتقائك دمت بخير |
والله صدقتي بكل حرف يسمنو ع الموضوع الفخم والكلام الكبير |
"كن انت تزدد جمالا" حبييييييت والله المظااهر عم تخدع الكل وربنا اعلم بالنفوسس انتقاءء راقي غلاتي كل الحب |
اقتباس:
لك السعادة |
اقتباس:
على فكرة اسمها يسلمو مو يسمنو للتذكير فقط |
من روائع الكلام صدقيني حروف من دهب يا ريت بس الواحد يتمعن فيها ويطبقها احسنتي الاختيار ملاك |
اقتباس:
ما في حد بيعرف جواتك نورتي |
ملآك بدي انتي تفهمي هالموضوع و تقتنعي انك احسن وحدة بالعالم لأنك فعلاً هيك محدش احسن منك حبيت |
اقتباس:
بس ما بناخد فيه يسعدك مؤيد |
| الساعة الآن 02:34 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.