فضضفضضة قبل النووووم ~~

#1 02-28-2018

النووووم , فضضفضضة , ~~ , قبل

فضضفضضة قبل النووووم ~~

فضفضة في منتصف الليل
ممكن تتزوجي واحد مصاريه كتيره ، واكيد اخترتيه لهالسبب لأنك محرومه ..
بس مع الأيام رح تلاقيه مفلّس من جوا
مش رح يعرف يحبك ويعزك بمصاريه ، ولا رح يصونك .

- و انت ممكن تاخدلك عقلاتك بنت " فايعة " ،
لبسها الواحد بيستحي يلبسه جوا البيت من كتر ما هو أوڤر !
وهاي أكيد بنظرك مش معقده ، مُنفتحه وعلى كيف كيفك
فارضه مياعتها ع الرايح والجاي و بتاخد وبتعطي مع الجميع من منطلق انهم اصدقاء وزملاء ..
وانت مكيف عليها وطالعلك قرون من الدياثه يلي إنت فيها ..
كل همها المشاوير و وين بدها تطلع اليوم مشان التشك إن يلي ماكل راسها يكون مالي صفحتها ع الفيسبوك ..
وبالأخير بعد زواجك بتكتشف إنه الشكل ولا مرة كان مقياس لتكون حياتك الزوجيه ناجحه ، وهالبنت يلي فضلتها على البنت العاديه كانت مفتاح لأبواب تعاستك ، ورح تزهقها وتقرف منها مع الوقت لما تخوض بشخصيتها و تكتشف سطحيتها وحبها للمظاهر مثلك تماماً ، لهيك اخدت نصيبك على مقاسك .

بطلوها عادة المظاهر ، وبطلوا المبالغه بالتصنع وبالتعجيب على اشكالكم بالفيلر والبوتكس والاكستنشن لتعجبوا غيركم ، خليكي على طبيعتك ويلي شاريكي بيشوفك ست البنات ، وكيف ما كنتي رح تعجبيه ..
وإنت بطّل اكتب ع حالك شيكات وفكك من القروض يلي رح تقيدك طول عمرك مشان تركب سيارة ب 100 الف لتلفت نظر ست الحسن ، وتعجق قدام الناس ع خازوق مبشم ..
الشبع في العين مش في المظاهر ..
والغنى غنى النفس ..
طول ما انت عبد للمظاهر والتصنع ، عمرك ما رح تكون عزيز بعيون حدا .
المصدر: منتديات بنات فلسطين - من قسم: زوايا عامة

tqqtqqm rfg hgk,,,,l ZZ

فضضفضضة قبل النووووم ~~

فضفضة في منتصف الليل ممكن تتزوجي واحد مصاريه كتيره ، واكيد اخترتيه لهالسبب لأنك محرومه .. بس مع الأيام رح تلاقيه مفلّس من جوا مش رح يعرف يحبك ويعزك بمصاريه