منتديات بنات فلسطين

منتديات بنات فلسطين (http://www.bntpal.com/vb/)
-   الـטּـِقآشآتُ الجَّآدة والـפـوَآر..! (http://www.bntpal.com/vb/f4/)
-   -   هلأ جد جد ليش ؟! (http://www.bntpal.com/vb/t69151/)

أيلول ، 02-13-2018 05:43 PM

هلأ جد جد ليش ؟!
 
هلأ بجد شي فبالي حابه أعرفه !!

شو بمانع لما نحس بمشاعر تجاه حد اننا نحكيله ؟؟ وين العيب !!


يعني تشوف حد مشخص يسعدك الله شو هالتشخيص .. حد بتحبه والله للامانة معزتك بقلبي كبيرة ♡


عادي يعني والله انا اي حد بفوت قلبي أيا كان بقول بحسش انو في مانع
بس أشتااق بسأل وين المشكلة ؟؟ بلا تكبر بلا برستيج بلا بطيخ


بالنسبالي بحبش اندم عادي بعترف اول بأول وبالعكس بنبسط .. بالاخر ان الشخص مات راح انا موتت بندمش اني حكيتش بالعكس


مسلا اخدت مع دكتور مادة قدس وقضية وانا فاشلة بالحفظ والتاريخ كله بطيقوش بس الدكتور اسلوبه فخم بعد المحاضرة روحتله بقوله والله انك فخم بكره التاريخ بس ي عمي اسلوبك فخم انبسط جدا


بنت بعرفهاش لزيزة وانا ماشية قرصتها من خدها وحكتلها مزكاااكي يحماكي الله هههه فرطت ضحك


صحبيتي يلي بحبها كل ما اشوف بوست حلو بنزله الها .. بس اعمل لالي شي بساويلها برن عليها وعادي


وحتى لو شب وكان اشي بقوله ربنا يسعدك شخصية ي معلم فيهاش اشي والله هههه




وليش بقولوا لاااااااااااا شو هالهبل !! او كابري بسالوش تسأليش .. او تعترفش بمشاعرك بستعبدوك


اهلييين هما ان عرفوا اني بموت فيهم بدهم يستعبدوا ؟؟ بنقصهم قص مفيش اشكال



المهم انتو من أي صنف وشو رأيكو جدجد قولوا عاااادي

قصي 02-13-2018 05:52 PM

والله بالنسبة لالى عادى
وما بشوفها عبب
بس فى ناس بتحسها بتقلل من شأنها

ووهلاا انا حكون اول واحد شجاع واقولك
انتى موهوبة وخطك رائع للغابة

والى عودة مرة اخرى بس افضى شوى ^^

البريئة ! 02-13-2018 06:05 PM

هههههههه يعني بتخيل نفسي ' اشوف شب حلو بالشارع

اقلوو ما شاء الله عليك شخصية ي معلم ههههههههههه


بالنسبة الي في حدود بيني و بين اي حد غريب ما بعرفوو
لو قريب عادي بحليكو او بحكيلها ' بحكي عن كلا الجنسين


هلأ حد الو معزة خاصة او نوع تاني
مسستحيل ازا اشتقت مثلا ابعتلو او ابعتلها
لأنو الندم على السكوت اهون بكتير من الندم على الحكي
يعني رفيقتي و قضيت معها ايام و ليالي ضحك عالفيس و برم و حكي عالناس


فجأة تختار ناس و تبعد عني
انا بشتاقلهاو بجد ' بس كبريائي ما بسمح ابعتلها


مش عارفة ازا وصل رأيي

ريتال 02-13-2018 06:10 PM

انا مابحكى حتى لو عجبنى ستايلو او شكلو
اما بالنسبة للبنت بحكى
بالنسبة الى للشب عيب باى حئ احكيلو مثلا منور او هيك شى


يسلمو ياعسل

عٌبِقِ أّلَيِّأَّّسمَيِّنِ 02-13-2018 06:25 PM

هههههههههه مجنونه

رايي متطابق مع ام امير


عوافي عسسولتنا

سَلامْ ♡. 02-13-2018 06:38 PM

انا بحب اذا عجبني حدا اقلو ما بخجل بس يعني كنت احكي للبنات وما كنت اتجرأ احكي هيك لشب بس من بعد الجامعة يعني والاختلاط وانو تعودت ف عادي بحكي وبطل يهمني بنت او شب

حتى انا بنبسط اذا حدا علق اشي حلو ع لبسي ع شكلي او حتى ع طريقة حكيي ف اكيد الناس لما احكيلها هيك بتنبسط ومش كل الناس عندها طبع الثقل وانو مدام بحبني اثقل عليه واستعبده
في ناس تفكيرهم ارقى من هيك بكتير


حبييت اسلوبك بكتابة هالاشي :58:


شكراً

أيلول ، 02-13-2018 06:43 PM

عفوا للغريب شب بالشارع بحكيش .. بس قريب بأحكي ..

يعني منطق الاشي !! مش منطق اوقف شب بالشارع واعاكس هههههههههه




مش لهالدرجة يا جماعة !! .. بس يعني حد بتحاكي في تواصل جامعة عيلة فش مانع يا عيني هههه




عموما نورتوا كلكم بحترم آراءكم وشكرا كتير قصي يسعدك الله ♡

قيصر فلسطين 02-13-2018 06:46 PM

الصراحه بحكي مع جنسي عادي بس مع حواء لا ممكن تفهمني غلط وتشوف حالها وتخليني اندم اني رفعت من معنوياتها


خلص رح اجرب هون بالمنتدي واشوف

أيلول ، 02-13-2018 06:52 PM

حاول مش غلط حقك كمواطن

هههههههههه




منور خيي

حبيب العمر 02-13-2018 07:13 PM

شوفي خالتو
تصرفك هادا بدل اديش انتي
بسيطه ومتواضعه وطيبه
وهالشي ابدا مش غلط
طالما ضمن المقربين منك
وما بنزل من كرامتك ابدا
الشي العفوي والي طالع من الئلب
الكل ممكن يتقبله
طبعا هالشي صعب الكل يطبقه متلك
هي شخصيات متنوعه
مثلا يمكن يطلع الشي منك حلو
من غيرك يطلع لأ
فهمتي علي هي موهبه وقبول
انا مثلا رغم اني مقدر وموافق عالشي الي بتعملي
انا ما بعمله ولا بقدر اعمله
مجرد اقتناع مش اكتر
حبيت النقاش والموضوع والهدف



الساعة الآن 02:53 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.