|
الجنة تحت اقدام الامهات بيتها مكركب شوي . بس حلوه كتير... صح بيتها مكركب بس وﻻدها لعبوا كتير اليوم و انبسطوا كتير .... صح أكلوا هي وزوجها أكل بايت .... بس عملت بعدها أكل صحي ومفيد للأوﻻد سلة الغسيل مليانه بالغسيﻻت ... بس الأوﻻد تحمموا ولبسوا مﻼبس نظيفه . وريحتها كمان حلوة ... في جليات بالمجلى من امبارح ..... بس حكت قصص مفيده لأوﻻدها ﻹنها مابتخليهم يتفرجوا ع التليفزيون كتير وبتخاف عليهم منه ... ﻻن عرفت انه كترتو بتساوي توحد وتخلف عقلي . ومو كل البرامج يليق بهم متابعتها... مالحقت ترتب السرير. بس ما تركت ابنها يبكي وحضنته بود و حنان كتير وماردت على حدا لما قالولها اتركيه يبكي . شوي وبيسكت لحاله ... مالحقت تكنس و تلمع كل البيت ... بس الأوﻻد تعلموا اليوم شغﻼت كتيره ومفيدة في مجاﻻت الحياة... صحيح انها ما طوت كل الغسيﻼت... بس عملت دوش. وقعدت تقرأ آيات من كتاب الله ثم تشرب نيسكافيه . حتى تقدر تكمل وتواصل لو زوجك قالك ... شو عم بتعملي طول اليوم ... قوليله... (بعمل إنسان) ... ببني بني آدم ... ببني آدم سوي ... ما عندو عقد وﻻ مشاكل وﻻ تفاهات... عم أحاول استبدل ما هو أدنى بالذي هو خير ... إن شاء الله... ❤👫 🍓 👪 🍓 👫❤ شغل البيت ممكن يتأخر شوي ... والجليات ما حتبكي بالمجلى ... والخزانه ما عندها مشاعر واحاسيس وﻻ رح تتضايق لو المﻼبس ما انطوت. بس الوﻻد عندهم مشاعر واحاسيس عندهم كيان ﻻزم نساعدهم يبنوه بدل ما نبقي أمهات أي كﻼم وبالاسم بس بتطلع جيل تاني من التوافه واﻹمعات لا تبحثوا عن الكمال والمثالية باعمال المنزل اللي ممكن اي حدا يساعدكم فيها . أو ممكن تعمليها على مهلك. تذكري انو اهم وظيفة الك هي. (أم) وليست خادمة تنظف وتكنس وترتب. ربي اجعلني وذريتي من أهل الرضا فما بعد الرضا الإلهي إﻻ ...الجنه... #منقول |
كلام صحيح جدا المشكله انه الرجال ما بفهم هالكلام ولا بعطي اعذار ولا بقدر اديش اليوم تعبت وهلكت وانهد حيلها فعلا الام مدرسه ولازم نعذرها ونساعدها لتبني جيل جميل بجمال روحها وقلبها وحنانها شكرا ملاك |
كلااااام جميل يسلموو |
ولل فى اجمل واطهر وانقى من الام للاسف الرجال مابيفهموا هالشى لوكانت مرضانه ومو ئادرة تئوم لازم تحضروا للاكل والشرب وتحمم وتنظف وغيرو وغيرو وياريتو بيئدر هالشي بيجى بالاخر بيشكى من تئصيرها الله يرحم جميع امهات المسلمين احلى شي الام ياريت امى نفسها موجود بالبيت بالدنيا كلها |
اقتباس:
وهالشي فعلا غلط لانه مسؤوليتها بتكون اكبر ع ولادها اشكرك مؤيد |
اقتباس:
نورتي |
اقتباس:
لانه بصراحة ما في بعد الام بالبيت |
كلااام جميل ربنا يحفظ جميع الامهات يارب عواااااافى |
الام سبحان الله نحن وبنات كنا مش مقدرين قيمة الام كثير لما صرنا ام قدرنا الام وتعبها ومسؤليتها الله يحفظ لي امي ويخليلي ياها ويخليلكم امهاتكم ودي |
كل الشكر لمشاركتكم تحياتي |
فعلاً نحنآ بنبني انسآن بنأسس اجيآل وظيفة الأمومة من أصعب الوظآئف شكراً لكِ |
اكيدكل التعب ده كل إم بتتعب فيه وبتعمله بكل حب لانه لأغلى الناس ع قلبها كلام جميل وصحيح ميرسي الملاك |
اشكركم عالحضور تحياتي |
| الساعة الآن 10:21 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.