منتديات بنات فلسطين - عم فكر اتزوج

منتديات بنات فلسطين (http://www.bntpal.com/vb/)

- زوايا عامة (http://www.bntpal.com/vb/f3/)

- - عم فكر اتزوج (http://www.bntpal.com/vb/t68959/)

عم فكر اتزوج

.. عم فكر اتزوج ..

1-صار عمري 30 سنة عم فكر اتزوج
- اي كتيير منيح عندي الك عروس غير شكل بنت بقمة الاحترام واهلها نااس طيبين كتيير وبيجننو وعمرها 28
-لا مابدي انا بدي وحدة عمرها 20 ربيها على ايدي ☺

2- عم فكر اتزوج بتعرف اني مطلق وعندي ولدين وبدي ميين يهتم فيي وفيهن حواليك عروس ؟؟
- والله في فلانة وظروفها متل ظروفك !!
- لا شو الله جابرني ابتلي فيها وبابنهاا !!!

3-عم فكر اتزوج صار عمري 25 سنة
-ميين العروس البنت يلي كنت تحكيها من سنة ؟؟
- لا شو مجنون انت انا بدي وحدة ماحدا ماشي معها من قبل!!

4- عم فكر اتزوج انت بتعرف اني فسخت خطبتين
- كتيير منيح في فلانة بنت كتيير منيحة بس فاسخة خطبة من قبل!
- لا مادامها منيحة ليش تركوها.. بلاااها ✋

الرسول ( ص ) تزوج الارملة والبكر والمطلقة ومن تكبره بالسن .. ليعلمنا ان لديهن حقوق ولسن مخلوقات درجة تاانية..

#عم_فكر_اتزوج 💍
ليش انت بتعرف تفكر اصلاً ؟!!

#مجتمع...عقيم التفكير 👎

يجعله عمره ما تزوج
هو بدو ياها عالتكه
وهو اصلا بكون داير على حل شعره
ومقطع السمكه وديلها
وال بتشرط كمان
ههههه
يخرب بيت الهبل
يسلمو ملاك

هدول يلي بضلو يتئنزعو بتوقع ع روسهم وبوخذ وحدة غير كل يلي راسمها بباله

المهم الاخلاق والدين

وجمال الانسان ليس مظهره ب ما بداخله

كم من المظاهر والجمال ولكن لا يوجد عقل

وكم من جمال عادي ورائه شخص عظيم

هاد نوعيه من الشباب بالعامية بيتبطروا

اصلا مابيكونوا واثقين من حالهم
وبيكونوا عاملين كل الى نفسهم فيه
وبيجوا يتشاطروا
يجعلك ملاتجوزت
المحترمة محترمة
يسلمو

اقتباس:

المشاركة الأصلية كتبت بواسطة حبيب العمر (المشاركة 3989971683)

هههههههههه
يقطع شرك ضحكتني

اقتباس:

المشاركة الأصلية كتبت بواسطة صرخة روح (المشاركة 3989971689)

المشكلة ما بشوفو حالهم ولا ظروفهم
وما بحسو بوجع غيرهم

اقتباس:

المشاركة الأصلية كتبت بواسطة ريتال (المشاركة 3989972416)

معك حق

نورتي

عم فكر تتزوج بلاها زواج افضل يخرب بيتك
ميرسي ملاك

العفو حبيبتي
نورتي

مجتمع متخلف صرآحة

كل وآحد بفكر بحآلوو للأسف

حبيت الموضوع

شكراً