عم فكر اتزوج

#1 01-29-2018

.. عم فكر اتزوج ..

1-صار عمري 30 سنة عم فكر اتزوج
- اي كتيير منيح عندي الك عروس غير شكل بنت بقمة الاحترام واهلها نااس طيبين كتيير وبيجننو وعمرها 28
-لا مابدي انا بدي وحدة عمرها 20 ربيها على ايدي ☺

2- عم فكر اتزوج بتعرف اني مطلق وعندي ولدين وبدي ميين يهتم فيي وفيهن حواليك عروس ؟؟
- والله في فلانة وظروفها متل ظروفك !!
- لا شو الله جابرني ابتلي فيها وبابنهاا !!!

3-عم فكر اتزوج صار عمري 25 سنة
-ميين العروس البنت يلي كنت تحكيها من سنة ؟؟
- لا شو مجنون انت انا بدي وحدة ماحدا ماشي معها من قبل!!

4- عم فكر اتزوج انت بتعرف اني فسخت خطبتين
- كتيير منيح في فلانة بنت كتيير منيحة بس فاسخة خطبة من قبل!
- لا مادامها منيحة ليش تركوها.. بلاااها ✋

الرسول ( ص ) تزوج الارملة والبكر والمطلقة ومن تكبره بالسن .. ليعلمنا ان لديهن حقوق ولسن مخلوقات درجة تاانية..

#عم_فكر_اتزوج 💍
ليش انت بتعرف تفكر اصلاً ؟!!

#مجتمع...عقيم التفكير 👎

المصدر: منتديات بنات فلسطين - من قسم: زوايا عامة

ul t;v hj.,[ uہ

01-30-2018

يجعله عمره ما تزوج
هو بدو ياها عالتكه
وهو اصلا بكون داير على حل شعره
ومقطع السمكه وديلها
وال بتشرط كمان
ههههه
يخرب بيت الهبل
يسلمو ملاك

01-30-2018

هدول يلي بضلو يتئنزعو بتوقع ع روسهم وبوخذ وحدة غير كل يلي راسمها بباله

المهم الاخلاق والدين

وجمال الانسان ليس مظهره ب ما بداخله

كم من المظاهر والجمال ولكن لا يوجد عقل

وكم من جمال عادي ورائه شخص عظيم

01-30-2018

هاد نوعيه من الشباب بالعامية بيتبطروا

اصلا مابيكونوا واثقين من حالهم
وبيكونوا عاملين كل الى نفسهم فيه
وبيجوا يتشاطروا
يجعلك ملاتجوزت
المحترمة محترمة
يسلمو

02-10-2018

اقتباس:

المشاركة الأصلية كتبت بواسطة حبيب العمر

يجعله عمره ما تزوج
هو بدو ياها عالتكه
وهو اصلا بكون داير على حل شعره
ومقطع السمكه وديلها
وال بتشرط كمان
ههههه
يخرب بيت الهبل
يسلمو ملاك

هههههههههه
يقطع شرك ضحكتني

02-10-2018

اقتباس:

المشاركة الأصلية كتبت بواسطة صرخة روح

هدول يلي بضلو يتئنزعو بتوقع ع روسهم وبوخذ وحدة غير كل يلي راسمها بباله

المهم الاخلاق والدين

وجمال الانسان ليس مظهره ب ما بداخله

كم من المظاهر والجمال ولكن لا يوجد عقل

وكم من جمال عادي ورائه شخص عظيم

المشكلة ما بشوفو حالهم ولا ظروفهم
وما بحسو بوجع غيرهم

02-10-2018

اقتباس:

المشاركة الأصلية كتبت بواسطة ريتال

هاد نوعيه من الشباب بالعامية بيتبطروا

اصلا مابيكونوا واثقين من حالهم
وبيكونوا عاملين كل الى نفسهم فيه
وبيجوا يتشاطروا
يجعلك ملاتجوزت
المحترمة محترمة
يسلمو

معك حق

نورتي