منتديات بنات فلسطين - أحلف أنى أحبك ولكن بيننا حاجز وخوف وبرد

https://akphoto1.ask.fm/fa1/9a738/21...al/1175724.jpg

مثل جمره بكفى ناراها وقاد
مثل جرح لبس فينى ثياب جداد
مثل حس المطر [ حبك ] . .
يجى فجأه بلا ميعاد . . !
يجينى فى سكون الليل
يجينى مثل نجم سهيل
عيونه تحضن عيونى ,
وقلبه صاير لي مهاد . . !
نعم مره
نعم ثنتين
نعم ألفين
نعم مليون
أحبك !!
أنا أحبك لو يصير الكون حسود
وعاذل و مجنون !
أحبك ليش
لا تسألي
أحبك لأنك الأجمل
بعينى يا بعد عينى . .
نعم والله اني حبك . .
وأحلف أنى أحبك
ولكن بيننا حاجز وخوف وبرد
وعالم همها دايم تدوس الورد !
نعم ابغاك تكوني العشق بأوراقي . .
وأبيك الحرف . .
وأبيك تكوني لي أمدادي . .
أبيك الناس
وأبيك احساس
وأبيك تكوني لي معنى
وأبي أحياه واقعنا . .
يا مشغلتني وأنا توني أعرفك توي . .
أنا ودي تشيلي من عالمي هاللون !
تكوني أقرب من
عروقي الى عروقي
وتصبحي ضحكه بشروقي
وكل الي تبينه بي ( سوي ) !!
أنا روحك . .
أنا بوحك . .
أنا الي في هواك أهييم
وابني عالي صروحك . . !
أنا منك
وأنا صدقك . .
وأنا ضنك
وأنا المكتوب في دنياك
وغيري ما درى عنك . . !
أنا [ بسمه ] . . علت سنك !
أنا تاج الوفا المحسوس
وطوق العاشق الملبوس
وزهره مشرده في الريح . .
تبي اتلمك !!
تبي الدنيا تكون عيون وانتي النون . .
وتضمك يا قطره ماي
أنا لي رأي في حبك !!
. .يقول إنك لقلبي نزول
روت كل العطش فيني
ونبت بأرضي ثمر حبك
شجرتين
وشجر ليمون . . !
. . وصار الجمر في كفي مواسم زهرها يكفي
ربيع وصيف . .
وريشه وسيف . .
وصار حبك بعد شفي
وكتب ساكنه رفيّ . . !
نعم أهوآآآك . .
نعم أهوآآآك . .
نعم أهوآآآك !
وأظن الحب ما يكفي !!
لأنه عاجز ومسكيين
لأنه مقصله سكين
لواحد ما عرف هالحب الا الحين . .
لواحد ما جرى دمه في قلبه لين هو شافك . .
وصرتي النبض بعروقه
وصرتي الأرض
وصرتي الجو في عيونه
وصرتي الضي يا سدره وفي
نعم مره . .
نعم ثنتين . .
نعم ألفين . .
نعم مليون أحبك !!!
أنا أحبك وأكسر الحاجز
وأدوس الخوف وأدفي بردي العاجز
وأهديلك رغم أنف الزمن قلبي
و أحبك زود !