منتديات بنات فلسطين

منتديات بنات فلسطين (http://www.bntpal.com/vb/)
-   همس القوافي , النثر و الخواطر (http://www.bntpal.com/vb/f12/)
-   -   إرسم (http://www.bntpal.com/vb/t68840/)

سارة المصرية 01-10-2018 01:56 PM

إرسم
 
هات قلمك و كراسة رسمك
وارسم وردة تكون دبلانة
وارسم ضحكة تكون بهتانة
وفي نص الضحكة اكتب اسمك
اكتب نفسيتي تعبانة
متبنج جدا مش حاسس
ولا عارف اخرتي بأمانة
ارسم قلب بيحضن قلب
وارسم ايد بتفارق ايد
ارسم بيت عايزين نوصله لكنه بعيد
ارسم اول حب تقابله
ارسم صورة في عز المطرة
فيها اتنين بالصدفة اتقابلو
ارسم جرح قديم متخيط
وارسم طفل جميل بيعيط
وارسم وش ملامحه عجوزة لكنه شباب
وارسم باب مقفول علي الاخر
وارسم قلب وشال اوجاع من صنف الفاخر
وارسم شله وناس وصحاب مبقوش حلوين
وارسم دمعة ورافضة تجف بقالها سنين
وارسم عمر لازال بيضيع علي شيء مجهول
وارسم حلم بقاله كتير علي قطر وصول
ارسم وكسه وحسرة كبيرة
ارسم لمه
ارسم عيلة
وارسم فرحة جميلة بتهرب خلف السور
ارسم بيت كان زحمة لكنه صبح مهجور
وارسم قارب بقا بيميل من كتر الشيلة
وارسم حمل تقيل بيشيلو ذراع مكسور
ارسم ضحكة خبيثة وزور
وارسم ضلمة في عز النور
وارسم بلدي وارضي البور
ارسم حلم
ارسم فكرة
وارسم جيل مستني الهجرة
ارسم بكرة بكل مشاكله
ارسم قلب وعقل في روحك علي طول مع بعض بيتشاكلو
ارسم وشك
واضحك وانت بترسم شكله
وارسم كل كلام اتقالك لكن خانك
وارسم نفسك وانت بتجري في قلب مكانك
ارسم واكتب اي كلام
والعن جامد في الايام
طلع غلك في الكراسة
فرغ كبتك في الكشكول
واكتب في الاخر بالاحمر
انا بضحك لكن مكسور✋

نور العيون 01-10-2018 04:07 PM

كل هادا بدو فنان محترف

مشكورة
تحياااتى

سارة المصرية 01-10-2018 04:18 PM

ميرسي لحضورك الرائع لمسة

ميمآآ 01-11-2018 08:34 AM

جميلة جدا
عوافي للانتقاء

سارة المصرية 01-11-2018 01:46 PM

ميرسي لحضورك ميما

حبيب العمر 01-11-2018 04:42 PM

متصفح قييم
و رآقني جمال
ذوقك وعطائك
لك تقديري و شكري

سارة المصرية 01-11-2018 05:07 PM

ميرسي ليك مؤيد

البريئة ! 01-12-2018 08:59 PM

كلمآت لآمست القلب

شكراً لذآئقتك الجميلة

سَلامْ ♡. 02-17-2018 05:15 PM

كلمات جميلة

شكراً سارة

عٌبِقِ أّلَيِّأَّّسمَيِّنِ 02-24-2018 12:56 AM

كلمات رائعه جدا



اششككركك غلاتي


الساعة الآن 01:34 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.