المشاركة الأصلية كتبت بواسطة غنيّة زرقا

( وما في مسا للشباب ؟
هادا التحييز والتعصب بحد ذاته وهاي ميزة سلبية في حواء
انا بقول يسعد أوقات كل الشباب المكافحة والمثابرة والمرابطة على الثغر وحامية عرين الوطن
الشباب الي بتشتغل وبتكد وبتتعب وبتتعذب مشان يوفرو لقمة العيش ويعيشو اهلهم وزوجاتهم حياة كريمة
وبالنهاية بطلعة سوق لحواء بتروح الفلوس وبضيع شقى الشاب بدون رحمة او شفقة او هوان )

التحيز والتعصب ميزة سلبية بكلا الجنسين . لا تخص حواء فيها ازا ممكن . ويسعد أوقات كل شب بقدر المرأة ويعرف قيمتها . بيتعب كرمال يخدم بيته وأهله . ويكرمهم .
والله ازا في هيك نوعية من الصبايا فبتكون قليلة جدا ف مافيك تعمم عالكل .

امممم
بالفعل التحييز والتعصب ميزة مشتركة
لكن حواء أكثر تعصب وتشنج وتمسك بالراي ووأكثر عناد
وما يخطر على بالها ويجول في أذهانها يتعجب منه الشيطان لدرجة تجعله يٌحاكي نفسه ويقول رباه هناك من هو أبرع مني وأكثر قدرة على المكر والمراوغة والدهاء
وبالمناسبة هناك الكثير من الرجال الذين تتمنى ان يكونوا موجودين في عالمكم
لكن حواء دائماً مستعجلة وتقودها العاطفة لذلك نراها تختار دوماً ما لا ينتاسب مع أحلامها وطموحاتها
وبتوقع على رأسها في النهاية وبتيجي تصب جم غضبها على كل الرجال كعادتها




( هو بصراحة حواء قبلنا ما بتطلب من الدنيا شيء وما بكون حلمها الا راجل
وبعد ما يجي الراجل بتطلب كل شيء )

هههه المفروض مابتطلب شي ابدا .. ناسي ومتجاهل انها انسانة بتشتهي وبتتمنى ! ازا مادللت مرتك مين رح يدللها ! انسانة تركت بيت أهلها ووافقت تعيش معك كل العمر ما بحق لها تتطلب! لعاد لشو انت عم تشتغل ! خلص اترك وظيفتك وهي بتشتغل وبتلبي طلباتها .. وانت ضلك بالبيت ! مابتوقع رح تطلب شي ابدا .


تطلب وتتمنى وتدلع كمان
ما فيني ابخسها هيك اشياء
بس تلتزم بواجباتها وتقدر الرجل وتضحياته
ويكون عندها شوية رحمة ورأفة
حواء اليوم أكثر تكلف وأكثر تطلب وأكثر إلحاح
زمان كانت حواء تقطع اللحمة بالسكين وتنجرح ايدها تكمل شغلها وكأنه ما صار شيء
اليوم لو اصاب اظفرها خدش بسيط بتقولك شفت الموت بعينينا وبتحط الحق على زوجها
لانه مش موفرلها سكين منيحة متل الي بتيجي بالدعايات


( انا بالفعل راجعت حالي ووجدت الأتي

لا أحد يستطيع أن يٌنكر مكانة حواء وقيمة حواء لا يوجد لدي أدنى شك في ذلك
لكن هذا لا يمنع أنها سبب في الكثير من الكوارث والمشاكل التي تحدث في هذا الكون
بحكم أنها كائن ضعيف ومتردد ويعشق النكد ومتغير الحال كالطقس والمناخ
بل يا اختي لكِ ان تتصوري لو رجعتي للمقولات التاريخية وقرئتي كتب التاريخ
ستجدي المرأة في المقولات التاريخية تقف وراء كل حدث خطير..
بل قيل بانها وراء اندلاع الحروب فكيف لا تكون وراء اندلاع المشكلات الأسرية والعائلية )
حلوة اول جملة .. نجي للي بعدو . الكثير من الكوارث ! يالطيف والله مابتكون كارثة إلا بسبب رجل ما قدر قيمتها . وليش لنفتح صفحات التاريخ .. خلينا ف اليوم فالواقع المريع يلي بنعيشه . اعترف -.-


( عن اي تخطيط تتحدثين
الفتاة منذ الصغر أكثر أحلامها عروسة أو لعبة او بكلة
فهي بريئة بالفطرة وتعشق الأشياء البسيطة كالشوكلاتة والشيبسي

حواء يا أختي الكريمة أرائها يغلب عليها الطابع العاطفي ما يجعلها نوعاً من تجانب الصواب وهذا ينجم عنه سوء فهم قد يسهم في نشوء بعض المشاكل
بجانب أن تركيبتها الشخصية التي تتسم بالهشاشة والقابلية للاختراق تجعلها سريعة التأثر بمن حولها خاصة من بنات جنسها وغالباً ما يكون هذا التاثر سلبياً ويدخلها في مازق عديدة. )
هيك ربي خلقها . ظروفها متغيرة وطبيعي تتغير مع هالظروف ! .

( بالراحة يختي عليها وباقل من راحتها كمان
بس عند الجلي او الكنيس او ترتيب البيت ما تعمل حالها مرضانة وتقعد تقول يا رأسي يا رجلي يا ظهري
يمامي انا تعبانة يمامي انا ما فيني قوم من السرير وعند الأكل بتقول وين معلقتي الكبيرة )
كل النساء هيك ؟ لا تعمم ياعمي .. انت مبين شايف حالة وخلص مفكر كلهن هيك !
هههههه ي الله كيف بفكر هالإنسان .. خلاص المفروض مابتاكل ابدا ولا تشتكي .. بتشتغل عطول بدون اي راحه . ليش ل ترتاح اصلا .

( يبدو انك لم تقرأي لي كثيراً
إعترفت كثيراً في مواضيع مختلفة وعديدة عن عشقي لهذا الكائن الغامض والغريب
وعن امتناني للرب لخلق هذا الكائن الجميل في حياتنا
حواء أمي وأختي وصديقتي وحبيبتي وزوجتي فكيف لا أحبها ولا أعشقها ولا أكون متيم بها

بس شو نعمل فيها ما بتحب تسمع اي نقد ولا بتحب نبرز فيها اي عيب
بتحب الدلع والدلال والغزل والحب وما بستهويها اي نقد


وما في اي سبب ولا اي هجوم انا نقلت دراسة واضفت عليها بعض الجمل من باب الدعابة لا أكثر ولا اقل
وهيني بعتلك هون ليش ما اقدر اناقشك هون
انا بالمناسبة بحب أتناقش على الملأ وامام الجمهور حتى يستمتعوا بالحوار ويشاركونا كمان
وما عندي اي مشكلة لأتناقش هون
الجو على الرسائل الخاصة بكون بارد وهون مشرق ودافئ )

شفت بعض ردودك .. متناقضة للأسف ، مرة بترفعها لسابع سما ومرة بتنسف كل تاريخها وأنها فقط بتنام وبتحضر مسلسل وبتاكل وبترجع تنام . وتطلع للمول ونميمية ومابعرف شو !
فعلا بتحب الحكي الحلو .. بس مارح ينقص منك شي لو انتقدتها بأسلوب راقي !



مممم
هو ما في تناقض انا بشوف
ولكن كون حواء كائن رقيق تغلب على تصرفاته واقواله العاطفة
فهي تعشق الغزل والحب والدلع والدلال والمديج وكلام الحب
لهيك ما بتحب تسمع اي شيء تاني غير المديح والغزل ولا يستوهيها اي نقد

وانا بصراحة مستغرب من شيء
انك بتحكي انتقدها بأسلوب راقي ومصممة على اني هجومي وشرس
شو ارقى من اعترافي بأني عاشق لحواء ومتيم بها
وأنها برغم كل عيوبها تبقى شيء جميل في الحياة
وبعدين انا ما هجمت ولساتني ملتزم الهدوء وبتحدث بكل برود وما عندي اي اشكالية في اني احاورك واتناقش معك في اي شيء يخص كلا الجنسين
بس يبدو انك انفعلتي واصابك الموضوع بالصدمة
يا اختي الكريمة ان اتحدث عن عيوب او مساؤى لحواء لا يعني انني عدو لحواء وانني كاره لهذا الجنس الرقيق واللطيف
والغريب أنني في كل نقد لي لا يخلو حديثي من مدح لحواء والإعتراف لها أنني أحترمها وأٌقدرها وأحمل الكثير من الحب لها
وحقيقة هنا يتجلى الحب وتظهر قيمة الحب عند الرجال
اما انتي فحدث ولا حرج تصبين جم غضبك على الرجال وتبخسينهم مكانتهم وقيمتهم وتتهمينهم بالتقصير وتتحدثين عنهم بالسوء وأنهم السبب في كل شيء يحدث لحواء
ويبدو انك جئتي الينا من كوكب أخر لا يرى تضيحات أدم في الحياة وكل ما يراه هو ان حوءا مظلومة ومضهدة وحقوقها مسلوبة
بل هي مغلوب على امرها في الكثير من الأمور
فهي تجلي وتغسل وتنظف وترتب وتطهي الأكل وكأن واجباتها تقتصر على ذلك فحسب
وكانهها تقوم باشياء عظيمة وامور خارقة للعادة


هههه من باب الدعابة ! ومنزلو بالنقاشات الجادة !
لو بقسم تاني كان ما اهتميت بالرد .

وين المشكلة نزله هون
انا احب النقاش الممزوج بروح الدعابة والمرح حتى يكون هناك بيئة جيدة ومناخ جميل ومساحة رائعة للنقاش
و القسم لا يحدد الإهتمام وطبيعة الردود
بل ان المواضيع بقيمتها ومادتها والعمق الذي تحمله بين سطورها

المشاركة الأصلية كتبت بواسطة غنيّة زرقا

هي حرة كيف بدها تقضي وقتها ! طالما أنهت شغلها ! حتى بهاي مابدك ياه تنبسط !
وبتمنى تركز ع النقاط السلبية ب آدم ونعالجها ماشي .
اترك حواء بحالها . انا رح انتقدهم وبهدلهم
بس انت ضلك مركز ع آدم
عندهم سلبيات كتيرة ما عم تخلص
ف شو رايك تعمل قهوة وتروق
ونفتح اشي بسيط من سلبياتكم ونتناقش سوا !
بس بتعرف م بتوقع رح نطلع بشي حل
لأن هيك آدم مابحب يتنازل ويعترف انو غلطان .. هو دائما ع حق !
ف خلينا نركز ع آدم .
الله يرضى عليك ركز ع سلبياته .
حلو مشاكلكم بتنحل مشاكلنا .
بلشو بحالكم بالاول .


ول .

المشاركة الأصلية كتبت بواسطة البريئة !

كيفوو قصي ' المشكلة اني هالفترة بشارك من الجوال لأن امير و ابوه خربو البيت بغيابي و خربو قطع الإنترنت و كسرو جهاز الكمبيوتر
لاحظ امير و ابوه ' جنس ادم
ما علينا .. المهم


الله يعينك ام الأمير
طالما الأمر بخص الجوال
هيك حتنقطعي عن العالم الخارجي كتير ويصيبك الملل الشديد والإحباط
وكمان حتحرمينا من حضورك الراقي والجميل


صراحة انا فعلاً ضحكت لأنك حكمت على حوا و غلّبت حالك و نزلت هالموضوع الكبير بعد سماعك لأغاني اطفال !!

قصي انا تشتت و ما عرفت بأي نقطة اتناقش معك او افتح حوار
هو بغموض حوا
و لا انها سبب المشاكل بهالحياة
ولا انها عايشة الحياة بدون تخطيط او انها تحط اهداف لحياتها
و لا الفوضى و عدم الإلتزام بالمواعيد
و لا نزلة السوق و الوقت و الإشيا اللي بتشتريها
و لا على تجمعاتهم و الحكي على بعض او بمعنى اخر النميمة .؟

و لا عن براءة ادم و التزامو و انضباطو و حياتو المنظمة و المثالية .؟


اممممم
احكي عن اي شيء بدك اياه
اختاري ما شئتي وانا جاهز ارد عليكي باي شيء
انا ما بجيب شيء من الخيال انا بحكي عن واقع وعن حال الكثير من حواء ^ ^

مش ملاحظ انك عامل هجوم ضد حوا بهالموضوع تحت مسمى الفكاهة ههههه

لا هجوم ولا حرب بس غنية قلبت الموضوع لساحة حرب وطوشة وبدها تجيبلي الساتور والشاكاوش المرة الجاية
وبالعكس انا بحبها لحواء وكتير ^ ^
وانتي بتعرفي هالشيء
ولك حبيتي خليليلة شو بدك اكتر من هيك حب
ومعروف الخليليلن عنيدين كتير وصعبين شو بدك اكتر من هيك تضحية وحب ^ ^

طيب انت ملاحظ كمية الحب اللي بتحسو تجاه حوا .؟
لأن اللي بحب شي بضل يحكي عنو
او اللي بحب حد بحاول يستفزو حتى يخلق جو اكشن هههههه


كمية حب مش طبيعية
لدرجة الإستفزاز والنقد ^ ^


انا حبيت الموضوع جداً
و برضو ضحكني من قلبي
برغم اني حسيتو بخوف هههههه

اختار قصي اي نقطة نتناقش فيها
و لو بدك بنحكي فيهم كلهم
لأن فعلاً انا مطلعة على احوال كتير اشخاص او مريت بمواقف و صار عندي نظرة للحياة

على فكرة انا ما بنكر انو انا معك بنسبة 10% بسس

وانل حبيت ردك بالموضوع وحبيت رائيك وحبيت نقاشك
وسعيد جداً بحضورك
وجاهز ام الامير لمناقشة اي أمر

وقبل كم يوم حكيت عن المرأة المطلقة وكيف انها مضهدة ودافعت عنها وعنقت أدم وكنت شديد القسوة عليه
ليش البعض بشوف النقد وما بشوف التقدير والحب

المشاركة الأصلية كتبت بواسطة غنيّة زرقا

ههههه لا لعنه ولا شي !
بس مستغربة أن في ناس هيك بتفكر
هيك بتشوف البنت!
بحزن عليها والله لانو بكون تعيس بحياته كلها ازا شايفها هيك!
صعب تعيش حواء معو ازا ماخد هالنظرة عنها! رح تتعب معو
ياعمي لاتمدح لاتتغزل .. بس لاتنتقد هيك !
شو بدي بالحكي الحلو ازا انت مو شايف اني عم اعمل شي بحياتك !
إني اصحى واعملك أكل وبرتب البيت وبجلي وبنظف واغسل اواعيك .
مفكر هالشغلات سهله ؟ كل يوم نفس الروتين !
مابحق لالها تاخد راحه تطلع تشتري لالها شغله تشم هوا ياعمي !
حتى بأيام اجازتك هي بتشتغل .


مابتشوف انها بتستاهل !


بصراحة فاجئني ردك وأصابني بالذهول
الي بقرأ حكيك وكلامك بيحس اني عامل مصيبة او مرتكب جريمة بحنس حواء
لماذا لا يروق لكِ ان انتقد حواء وأتحدث عن مساؤها وابرز أهم عيوبها
هل حواء بعيدة عن النقد ؟
وهل حواء لا تستمتع الا بالغزل والحب ؟



نصيحه ازا ماغيرت نظرتك هاي . اوعك ترتبط -.-

على الرغم انني شخص يتقبل اي نصيحة ويأخذ اي حديث على محمل الجد والتفكير والتحليل والتدقيق والمراجعة
لكن في هذا الأمر لن يتغير شيء ونظرتي جميلة تجاه حواء
نظرة كلها حب وعطف ورقة ودلال وإحترام ولكن هذا لا يمنعني أن اقوم بنقدها ومصارحتها في بعض الأمور التي لا تستهويني فيها والتي تخص شخصها الكريم

المشاركة الأصلية كتبت بواسطة غنيّة زرقا

رح أنهي مشاركتي بهالرد .
حكيت أن المرأة اليوم أكثر تطلبا والحاح . ليش برأيك ! بيرجع للوقت يلي بنعيشو هلإ! متطلبات الحياة حاليآ مش متل ئبل .. كل يوم بتتغير وبسرعه رهيبة ! فطبيعي هي تتأثر !
وانا مابحط كل الحق ع الرجل .. ولا بهاجم ولا منفعله ولا شي بس استغربت من حكيك انها بلا تخطيط وهدف!
وانا معك ان في فئة من حواء حياتها نوم واكل بس الحمدلله قليلة جدا .. وهدول للأسف حياتهم جدا بائسة !
وسبحان الله ربنا خلقنا مختلفين .. صعب تلاقي تشابه بالاهتمامات .. كل بنت حسب مقدرتها بالعطاء.


امممم
بس انا ما حكيت انها هيك انا نقلت دراسة وطرحتها عليكم
ومش كل شيء بننقله تتبناه عقولنا وأفكارنا

جايز انا حكيت شوية شغلات لا تروق لحواء وكنت قاسي في بعض الأمور
بس هادا ناتج عن الغيرة والحب والحرص
فحال حواء اليوم يٌرثى له والكثير منهم وليش القليل يعيشن بلا هدف ولا تخطيط
بل ان أحلامهم باتت ترتبط بالحصول على رجل وكان الرجل هو الجنة وهو الحياة

يا أختي الكريمة انا أتفق معك هناك مكافحات وثابرات ومربيات وفاضلات ومعلمات بل هناك من تفوق على أدم في مجالات كثيرة
لا أبخس حواء حقها ولا أجردها من اي حقوق
انا اتحدث عن أمور اراها واشعر بها والتمسها في واقعنا العربي وعالمنا



ويبدو انك جئتي الينا من كوكب أخر لا يرى تضيحات أدم في الحياة وكل ما يراه هو ان حوءا مظلومة ومضهدة وحقوقها مسلوبة
بل هي مغلوب على امرها في الكثير من الأمور
فهي تجلي وتغسل وتنظف وترتب وتطهي الأكل وكأن واجباتها تقتصر على ذلك فحسب
وكانهها تقوم باشياء عظيمة وامور خارقة للعادة )

هلإ المرأة وقت تخلق بيئة نظيفة واكل مفيد وجو مريح بالبيت مابكون هالشي عظيم بنظرك!
بس احكيلي شو بدك اكتر كمان ؟
بس حابة اعرف شو لازم تعمل كمان
وانتبه انا بحكي عن ست البيت فقط!

عظيم يا أختي ولا يمكنني انكار ذلك
بس كمان مش هالشيء الكبير والي بخليني أقول واااو
امام حواء الكثير من التحديات والأمور العظيمة لتقوم بها
ولا يجب ان يقتصر دورها في الحياة على الطبيخ والأكل والشرب والتنظيف ومشاهدة المسلسلات وقضاء معظم اوقاتها على الإنترنت

لكي ان تتخيلي ان هناك إختراع قادم وبقوة الى عالمنا وهو الطنجرة الذكية التي تفصل لوحدها في حال ما استوت الطبخة
لان الكثير من حواء اليوم انشغلوا بهواتفهم وبات الفيس بوك وما ينتشر على الصفحات هاجسهم وصارت تخرب الطبخة وتنحرق بدون ما حد ينتبه عليها

وانا بعرف تضحيات الرجل وبقدر تعبه ليكرم أهلو !
.. وهاي هي الحياة دائما نسعى . ونتعب هيك مكتوب علينا ..

ولا يكلف الله نفسا إلا وسعها.

وبعتذر لو حكيي زعجك بشي ! مجرد وجهة نظر
انت عممت ولو استثنيت ماكان صار كل هالحكي!


وانا كمان بعتذر لو ضايقتك باي شيء
وما كان قصدي التعميم وحكيت انه الحكي موجه شريحة عريضة وكبيرة من حواء

ومو معناتو اني وقت فوت هون لا عملة ولا شغله .. مجرد تسلية لا اكتر .. راضية عن حالي كتير، بشتغل الحمدلله وبنفس الوقت بدرس . وأهم شغله اني مابعتمد ع آدم بحياتي! مكتفية بحالي وبس .


لو كنتي هكذا فانا سعيد حقاً أنني وحدت حواء على هذا الحال
وأتمنى أن أجد جميع حواء على هذا الحال
ذلك من دواعي سروري وإبتهاجي



المهم اني راضيه ومقتنعه الحمدلله ..
وللأسف ماشفت اي موضوع تاني لإلك عن آدم . ماصرلي فرصة !
ل اتعرف اكتر ع تفكيرك . ووجهة نظرك .

وشكرا ل تجاوبك مع مشاركاتي .

موفق وبعتزر جدا لو كان حكي فيه أساء لإلك.

كل الاحترام