منتديات بنات فلسطين

"الجفاف العاطفي"
مصطلح بستخدموه الناس للتعبير عن شخص ميت عالحب والعلاقات
ومستعد يزبط عنزه او سخله ما بتفرق معه !
طبعاً هو مصطلح غير صحيح لهذا الوصف , لأنه الجفاف العاطفي
عباره عن ركود في المشاعر , واختفائها من مكنونات الأنسان
يعني ببطل يحس بحدا , كل الناس بالنسبه اله واحد , شعورو الهم واحد .
*************
مرات هالأنسان بتسلل لداخله شعور بالمحبه اتجاه شخص ما
لكن سرعان ما يتبخر هذا الأحساس بعد فترة قصيرة جداً .
بس الناس ماخذه انه الجفاف العاطفي انه ما عنده حد يحبه !
بنغير المسمى ل "فاقد حنان الأم" هيك ازبط للوصف ..
*************
اسباب هذه الظاهره :
1_ بكون الشخص فعلياً متمني ينحب زي باقي الناس القريبه منه
بس اسلوبه غبي ! يعني هو بده اي حدا , ما بتفرق المهم يحب

2_ حياة هالأنسان مملة جداً , روتين قاتل , اكتئاب , وحده , عزله
كلها اسباب تؤدي الى الشعور بفراغ وفجوه عاطفيه كبيره بحياته .

3_ وجهة مش مساعده , وضعه تعبان , هاي حقيقه ما حد بقدر ينكرها ابداً !
انا شخصياً بعرف ناس وصلو بالعمر اشده , ما ارتبطو للآن
خصوصاً البنات ! يعني نادراً ما البنت المش حلوه ترتبط الا ارتباط مأساوي .

4_ الحرمان , بكون عايش حياته محروم من الكلمه الحلوه , حياته العائليه صعبه
حياته العمليه صعبه .
هذول الناس بكونو اشد الأشخاص المحتاجيين للعاطفه .
*************
بس في اسباب غبيه شوي :
زي انه شب متعود يبدل بنات هيك حيونه , ما بشبع !
وبنت فاتحه جمعيه , ما بعبي عينها الى 10 مع بعض ! عينها فارغه !
*************
في حل للمشكله هاي !؟
اه فيه :

* خلي عندك هدف انه تحب الشخص الصح , الشخص يلي بناسبك !
حب على قدك , لا تطلع للي اعلى منك بكل اشي ! احلم بشريك عقد صفاتك

* بالنسبه للعزله , الحل بإيدك ! عيش حياتك ولا تستنى الناس تعيشك اياها
لأنه يلي ما بشتغل عشان يعيش بقضيها شحاده يا صديقي
وانت بتشحد حب مش أكثر ..

* الأشخاص يلي اشكالهم مش حلوه , عادي ! جداً عادي الله هيك خلقك
ارضى بنصيبك , ربنا بعطي وبوخذ , هو اخذ جمال مننك وعوضك بشغلات ثانيه
ولا تفكر يلي اشكالهم حلوه مرتايحين بالعلاقات العاطفيه . همه اكثر ناس متغلبيين
بالعلاقات العاطفيه ..
باقي الحلول رح نعرفها منكم ...
برأيكم شو حل هالمشكله ؟.؟؟
سموها زي ما بدكم ..
فراغ عاطفي , جفاف عاطفي , تصحر عاطفي , فاقد حنان الأم ..

منقول
دُمتم بود ♥