|
الصديقة الحقيقية هي احسن دوا بعز وجعك وضعفك. يا بنت روحي عند دكتور نفسي بترتاحي! وعلى نصيحة صاحبتي قررت اروح ... اول ما دخلت علي استقبلني استقبال حلو ، عاملني كأني ضيفة عنده وما سألني من شو بتعاني ! كنت بستنى في يبلش حكي، بس كان يستنى الحكي مني، حكيتله انا من فترة مارة بمرحلة كآبة وهالشي خلاني أفكر بالأنتحار ... هز براسه وقلي شو اكلتي اليوم ؟ قلتله مقلوبة ... وسكت ... صار يسألني اسئلة؟ حسيت انه بحاول يخليني افضفض! واحكي اللي جواتي بدون ما يضغطني ... وانا بنص الحديث صرت اعيط ، قلي كملي ؟ كملت، خلصت جلستي وطلعت ، ولمدة شهر كامل كنت اروح ؟ كنت احكي رح اتحسن اكيد وبس حالتي النفسية هي هي كنت احس بشي ناقصني وبعد ما خلصت الفترة ! كان من المفروض احس بتحسن ، بس انا ما تحسنت لإنه هالشي كنت اعمله كل يوم مع صاحبتي سارة! كانت كل يوم تقعد تسمعلي، ولما أعيط تصير تعيط معي، ولما أضحك تضحك معي، بس خسرتها حسيت اني خسرت كل شي.... رنيت عليها ... الو اهلا كيففك قلتلها بنفع احكيلك اني مش منيحة! حكتلي بدون ما تحكي حسيت من صوتك وين انتي ؟ قلتلها بحديقتنا ... بعد نص ساعة لقيتها عندي، سلمت علي شو ابو الشباب مالك؟ قلتلها تعبانة.... قالتلي من شو ؟ قعدت افضفضلها واعيط، وهي تعيط معي، بدل ما تخفف عني، احكيلها مصيبة تحكيلي عشرة قبالها،بعدها دخلنا مليون موضوع بموصوع، وصوت ضحكنا وصل لاخر الشارع بآخر الحكي حسيت راحة نفسية مش طبيعية! قلتلها بتعرفي؟ قالتلي شو من يوم ما زعلنا من بعض ما حسيت بهالشي، كان الكل يحكيلي شو يعني صاحبة وراحت ! احكيلهم بس هي كانت الآمان والراحة، رحت عند دكتور نفسي شاطر وما قدر يعالجني مثل هالقعدة معك! حضنتني وصارت تعيط ... وقتها عرفت انه انا مش بحاجة لدكتور نفسي، انا بحاجة لصديقة تفهم وجعي، لبنت مثلي مثلها ما بحتاج كثير افسرلها لانها بتعرف كل شي بحياتي! الصديقة الحقيقة هي احسن دوا بعز وجعك وضعفك ونياله االي عنده هيك صديقة منقول.. |
اه والله .. زكرتيني بصحبآتي وسحر والاء بكآبتي كنت اقعد مع سحر ونطلع ع آخر طابق بأعلى مبنى بالجامعة واحكي واعيط وتعيط معي ونتزكر حجات ونعيط ونضحك بزآت الوقت وألاء البنت يلي وقت معي اكتر من حآلي بتعرف يلي ما بعرفه غيري ويلي احنا سند لبعض ويلي بدمر دنيا كرمالها ويلي قد ما غبنآ روحنا وحدة يا الله لو بدي احكي عن هالبنتين بخلصش ربنآ يسعد قلوبهم ♥ ويسعد قلبك الموضوع مؤثر والصحبة جنة يسعد قلبك ع روعة جلبك ي قمر ♥ |
فش احلى من الصداقه الصدوقه حبيت طرحك كتير يسلمهون دياتك |
اكيد محظوظ اللي يكون عنده صديق قريب من قلبه الصداقه مش كلمه.الصداقه مواقف وظروف هي اللي بتحسسك وبتعرفك يعني ايه صديق مقرب كلامك اثر في ايلول ميرسي ليكي |
عنجد نياله اللي عندو صديقة تفهمو وتسمعله لانه نادرا ما تلاقي حد بهالصفات تكون مرتاح وانت عم تحكي معو حبيت القصة كتير يسلمو ايلول |
حبيت طرحك كتير عوافى |
اقتباس:
يخليلكم ياهم حبيبتي ❤ نورتيني |
اقتباس:
يسلمك ربنا نورتي |
اقتباس:
شكراً عمرورك حبيبتي نورتي |
اقتباس:
يسلمك ربنا نورتي |
| الساعة الآن 09:44 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.