|
اهالينا زمان اهالينا زمان اكيد مكنش قصدهم يلخبطونا او يحيرونا لما قالوا لنا البُعد عن الناس غنيمة والباب اللى يجيلك منه الريح سده واستريح ورجعوا قالوا معرفة الناس كنوز والجنة من غير ناس ما تنداس الاحتكاك بالناس بيعلمك ويزيدك خبرة ويكسبك تجارب واصلاً مش هنقدر نعيش فى الدنيا لحالنا وفى نفس الوقت القُرب من الناس خصوصاً الايام دى بقى شىء وحش كذب وتضليل وطعنات وحسد وكشف للاسرار عن طريق فضفضة همومك والزيارات العائلية حتى لو تخيرنا الصالحين فنضمن منين انهم يفضلوا صالحين او انهم يفضلوا معانا كام صديق معاكم لسة من سنين وامتى تتوقع تغيره عنك ورحيله احنا محتاجين ناس تشاركنا افراحنا وتمشى فى جنازتنا وتترحم علينا بس كمان محتاجين نعيش فى سلام لاحد يعكر مزاجنا ولا حد يرفع ضغطنا نفتح الباب ولا نقفله |
بنظري البعد عن الناس افضل من قربهم انا صعب جداً اوثق بحد ’ عندي فوبياآ من قرب الناس بعرف مش كلهم سيئين بس انا بخاف منهم شكراً لك |
الناس البعاد عنك بالعيشة ممكن تثق فيهم اكتر من حد قريب والاختلاط حلو بس كتره ممكن يسبب مشاكل وشبك بيناتهم لانه الناس بحد زاتها متقلبة بالعلاقات فلهيك الواحد يبعد عنهم قدر المستطاع بس ما ينفى حاله برضو |
انا افضل ان لازم نعرف ونتعلم وده مش بيحصل غيرلماتتعامل مع الغير اهم شئ انك تحافظ ع مبادئك مهما كانت شخصية اللي تتعامل معهامختلفه عنك. راق لي ماقدمت رشدى |
صعب جدا تبعد عن العالم وعن الاقارب خاصه لكن الواحد ما يتعمق كتير ويعمل حد ما يخلي حدا يتعداه ويفرض احترامه عالاخرين هيك بعيش مبسوط لكن الاهل خاصه لازم نتقبل منهم كل شي لانه بدونهم ما في اصلا حياه شكرا الك رشدي |
اقتباس:
والفوبيا مش بتصيبنا من فراغ ولا بنتولد بيها من كتر الصدمات اللى بنعيشها او بنشوفها بنوصل للقناعات دى مع انى بعمل زيك بس الصح اننا بلاش نحوله لمرض فوبياوى لا نفتح الباب ولا نقفله نسيب طاقة صغيرة نفتحها بحرص شديد وندعى ربنا يحفظنا من شرور الناس نورتى ام الامير |
اقتباس:
البدايات مع اغلب الناس بتكون جميلة وبتشدنا حتى البُعاد عنا فى المعيشة وسبحان مغير الاحوال ومقلب القلوب انا معاكى ان الاختلاط حلو وكتير بننسى معاه مشاكلنا واحزانا وكتير بنستفيد ونفرح بس لازم نحرص ونعرف احنا واقفين فين نورتى ملاكنا البريئ |
اقتباس:
انا وانتى وكلنا بنقابل كل يوم ناس بطريقنا بنعلم ونتعلم والنظريات لوحدها متنفعش لازم التطبيق العملى ومشاركة الناس بس هل نسمح لهم باكتر من كده نفتح قلوبنا وعقولنا وبيوتنا لهم نورتى يامصرية |
اقتباس:
صح كلامك ابو كريم يسلم لسانك جزئية بس الاقارب وشفت ناس كتبتها هنا كمان فى اكتر من مشاركة بيقولوا الاقارب عقارب طبعاً مش كلهم لكن عشان صلة الرحم زى ما قولت انت لازم نتغاضى ونعدى نورت ياغالى |
اقتباس:
بس في فرق بين الاقارب والاهل انا قصدت الاهل بالام والاب والاخ والاخت والزوجه الاقارب ولاد العم والعمام والخوال وهيك يعني هدول نحذر منهم لانه ما بتيجيك المصايب والحسد والغيره والنميمه الا منهم |
| الساعة الآن 08:00 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.