http://images.sonara.net/articles_im...2925631921.JPG




ام فوزي
التي ابكت الملايين وحيرت العلماء والمشايخ
وانتحر على اثرها كل من سمع قصتها
يا ساده يا كرام
كانت سهير ( ام فوزي ) وهي صغيره
تلعب مع ولاد الحاره
شافها ابن عم سلف جوز عمتها
حوده العتال ابن ام حاتم الهبله
حبها واعجب بشجاعتها
وهي تبطح الشباب واحد ورا التاني
قال هاي الي رح تحميني من غدر الزمان
طلبها من ابوها ابو زاهي وتم النصيب
حبلت وخلفت بنتها البكر جوهره
بعد حمل 15 شهر جابتها 12 كيلو
من كتر ما اكلت بزر بطيخ وشيبس
ويوم من الايام وهو راجع من الشغل خبطته
عربايه بجرها حمار وجابت اجله
ترملت المسكينه وهي صغيره
وفي عز شبابها وبكامل لياقتها البدنيه والعقليه
عشان هيك طلبوها كتير للزواج وهي ترفض
احتراما وتقديرا لابو فوزي المرحوم
ابو شكري جارهم ماتت مرته بنفس السنه
وخلف ولد اسمه شكري
قال ليش ما استر على جوهره بنت ام فوزي
واكسب فيها اجر بدل ما هي دايره بالحاره
وفعلا تم الزواج من ابو شكري لبنت ام فوزي جوهره
وبيوم العرس شكري شاف ام فوزي
وهي فارده شعراتها ونافخه شفايفها
وعامله شفط للدهون ولابسه برقع احمر
ضحكلها وضحكتله بالها انه نيته شريفه
طلع الولد طمعان وحاطط عينه على مصاريها
المهم بعد العرس بكم يوم حكى لابوه بدي اتجوز ام فوزي
حكاله ولك اكبر منك بكتير وانت لساتك صغنون
حكاله حبيتها يابا وما باخد غيرها
المهم راحو جاهه وطلبوها ووافقت
شب صغير يعني بتضبه بالخزانه وبتنام
وهي اكبر منه ب 15 سنه كمان
وتم النصيب بعد ما سامحته بالمهر
بعد اكم شهر حبلت ام فوزي
من شكري وخلفت ولد اسمه غندر
وحبلت بنتها جوهره من ابو شكري
وخلفت بنت اسمها بلحه
هون اجينا للجد
احتار ابو شكري في الولد ابن ابنه شو يحكيله
جدو ولا عمو ولا خالو ولا ابن بنت مرتي
واحتارت ام فوزي في البنت شو تحكيلها
بنت بنتي ولا خالتو ولا عمتو ولا تيته
ابو شكري من كتر التفكير انجلط ومات
وشكري لحقه بعد شهر حزنا عليه
وجوهره ماتت بعد شكري باسبوع
من كتر ما سكت ولطمت عليه
ضلت ام فوزي وغندر وبلحه
حطتهم بالنص وصارت تلطم عليهم
ولهلأ دايره من شيخ لشيخ
بدها تعرف الولد والبنت
شو بقربو لبعضن
وما زال البحث مستمرا حتى الان
وهاي قصه ام فوزي
حدا مش فاهم اشي
عشان افسر اكتر
ههههههههههههه

المشاركة الأصلية كتبت بواسطة lonely heart (المشاركة 3989924957) ليش هي كمان ما لحقتهم وانجلطت هههه انا كمان مش فاهمه شي هههه بعد يلي قرأته ما بدي اعرف قصتها

المشاركة الأصلية كتبت بواسطة رشدى (المشاركة 3989924960) تصدقى بالله لو معى حجر كنت بطحتك بيه ههههانا عينى وجعتنى من القراءة ومخى اتلحس وانا بحاول افهم

المشاركة الأصلية كتبت بواسطة مـحـمـد (المشاركة 3989924981) يعني ام فوزي طلعت وحدة هبلة وانا زي الاهبل الي ساعة بقرأ ومركز كمان هههههههههه مآشي يا كبير سلم على ام فوزي بس في شغلة وحدة انا مش فاهمها مين فوزي هههههه !

المشاركة الأصلية كتبت بواسطة اميرة (المشاركة 3989924982) ولا انا فاهمه حوالي شي ساعة بقرا فيها ما عرفت شو هى بالاخير قلت ما بدى افهم الا بالحق شو بقربوو لبعض قربت انجلط انا يسلموووو هههههه

المشاركة الأصلية كتبت بواسطة البريئة ! (المشاركة 3989925020) ههههههههههههه و اخيراً عرفنا قصتها هههههه بكتني هع عوافي

المشاركة الأصلية كتبت بواسطة غيمة حزيرآن (المشاركة 3989925033) هههههههههههههههههههههه ههههههههههههه حقها تنهبل من هالقرابة الشنيعة انا مركزة مركزة وبالآخر مسخرة ههههههههههههه تبا ي شيخ تعآ كل يوم -_- باي

المشاركة الأصلية كتبت بواسطة ميماآ (المشاركة 3989925044) هههههههه تبا مؤيد م علينا من هالنهفة بانتظارك بنهفات اخرى