|
رجاءاً بدون شماتة فيني ^ ^ وأنا صغير كان عندي هواية أي باب دار مفتوح أدخل راسي جواته وأشوف الدار وأشرد ، كانت مش هواية وبس لأنها اتحولت لادمان :o مرة من ذات المرات في بلوك 4 ، كنت مروح من عند حمدي الجاجة وشاري حبة أسكيمو فراولة ، ومكيف طول الطريق ، لقيت ربحي القزعة ابن جيرانا هاد كان برضوا يروح معي بس هو كان عليه يرن الجرس في لحظة ما أنا أطُل جوا باب دور الناس سلمنا ع بعض وقلي يلا تروح نترزق كنا نعتبرها رزقة قلتله يلا روح ندور ع باب دار مفتوح ، لقينا أخيراً باب ، صرنا نمشي خطوة خطوة وع السكت ، هلقيت أنا لسا بحط راسي في باب الدار إلا الحقير ربحي كبسني شلووط من قوته ، صرت في نص الصالون تخيلوا المشهد أنا هلقيت جيت أقوم لقيت الزلمة ومرته وولاده يمكن حوالي 15 ولد و 10 بنات مش ذاكر بالظبط من كتر الكفوف اللي أكلتها ، الزلمة قال لابنه الكبير امسكلي اياه مسكني من رجلي وعلقني في ماسورة الزينقو جنب ضمة التومة المعلقة وجاب بربيش مية أبو راشد وشغل الحنفية وصار يحشي المية في تمي وفي مناخيري ، وهو بعذبني صار يقلي ايش اسمك ؟ ابن مين انت ؟ وين ساكن ؟ مين بدعمك ؟ مين واقف وراك ؟ بعدين نزلني ونادى ع كل ولاده حكالهم كل واحد يضربه كفين وجهي صار زي الخبز العراقي من الكفوف الله لا يوريكم . نادى ع مرته قلها شو أعملك فيه ؟؟ حكتله خليه يجليلي الجلي وينضف الغاز ، ويشطف المطبخ ويصفطلي الغسيل ، الله يقرفها مطبخها كان مرمم لا سلكة جلي منيحة ولا ليف ولا حتى معجون "اسبشل" ، كل ما أجلي صحن أدعي ع الواطي ربحي ، بعد ما خلصت كل حاجة ، الزلمة مسك وجهي ورفعني شوية عن الأرض ، قلي لو شفتك في الحارة ، بدي أخرطك للبط 🦃 ورماني برا باب الدار حسيت حالي طالع من السجن في صفقة وفاء الأحرار ارجعت ع حارتنا بعرج ووجهي مورم ، لقيت ربحي بلعب قلول ، كل الولاد أجوا بحكولي ايش صار ؟ قلتلهم والله كيّفت راحت عليك ي ربحي ، طعموني تومة قصدي بط يما مزكاه ، وشربوني عصير أبو راشد ايش أبو راشد هاد ؟ لا هاد عصير نوعية جديدة بس غالي ربحي بقلي مال وجهك أحمر أحمر ، أقنعته أنوا بنات الزلمة حبوني وقعدوا يبوسوني ، والروج أجا ع وجهي منهم ربحي اتشوق وندم أنه مجاش معي ، قلتله بكرة بدي أروح بس بديش آخدك ، صار يقلي أمانة خدني ، عاد عملت حالي ماخده بالعافية ، وخليته يقرب ع باب الدار لطشته شلووط خليته يختصر مرحلة التعليق جنب التومة إلى المطبخ عدل ، وشردت بعد آذان العشا اسمعتهم بقولوا في ولد ضايع ، اسمه ربحي ، قصير ، ولابس بلوزة حمرة وبنطلون أخضر اللي بلاقيه يجيبه ع الجامع |
هههههههههههههههههههههههههههه متت ضحك الوصف لكل شي رهيب كتر منهم هالقصص |
اقتباس:
انتي شمتانة بعرفك قلبك اسود بتموتي وانتي شيفاني بهيك حالة الله لا يعيدها من بعدها حرمت احط رأسي وجارتنا لما بتطلع عالبلكون بمسك الجريدة وبعمل حالي بقرأ فيها |
هههههههههه كنت رح سكر اشحن الجوال ما لقيت الا الاشارة الي ادخل هون بتستاهل انت وربحي خرجكم الله لا يقيمكم شمتانة شمتانة وربي وقليل عليكم كمان طلعت مشكلجي ولك ونحنا م بنعرف هههه داخلةمن اللاب اكمل الحفلة معك ههههه |
اقتباس:
ولك وانا صغير هادا ههه بس والله ايام ما بتنسى كانوا الكل يخاف مني وزعيم العصابة كنت ويا وويل ويله الي ما بطعميني من الي بياكله |
هههههههههههههههههه شو كنت مشاغب لهدرجه ههع حلال عليك انت وربحي فرطت من الضحك هههههههه |
حطها بابداعات الاعضاء ههههه ازا انت هو نفسو |
اقتباس:
ههههههه دوم الضحكة يا رب بس ليه حلال عندي كنت صغير وقتها وما بفهم كتير :90: وربي يسعدك |
اقتباس:
مكفي فضايح |
@حبيب العمر انقله ع حصريات المنتدى ههههه |
قصي هاي صارت معك جد بربك ! |
هههههههههههههه خرجك انت وياه لازم تكشفو حال العالم يا ويلي عليك وعلى صاحبك هالمره قرصه دان https://www.supermama.me/sites/defau...?itok=kKYxXNO5 تستاهل التنتيف كمان هههههههههههه https://pbs.twimg.com/media/CLapuLBUwAA8xDV.jpg |
اقتباس:
يعني بدي امزح كيف لو اقولك القصة التانية راح يغمى عليكي معناته |
اقتباس:
بدل ما تهديني وتقولي عادي بسير هيك شيء ولا تزعل صديقي ولا يكونلك فكر وهادا ربحي صاحبك نفسي امسكلك اياه واعلقلك اياه عالحيط وانزل فيه ضرب وكفوف لغاية ما اخليه يحكي بتوب |
ليش صاحبي هو ؟ انا ما بصاحب هيك اشكال انا صحابي ما بعملو هيك اصلا . . . . . . . . . . . . . . . . . . . . . . . . . . . . . . . . . . . . . . . . . . صحابي بعملو اسخم متل هيك http://opusteno.rs/slike/2016/02/sme...-u-toaletu.jpg هههههههههه |
هههههههههههههههههه ولك شو هادا نزعت بدني يا راجل ماسك بكيت شيبس وبدي أكل لساتني |
ههههههه كنت ارن جرس الباب او ادق الباب واشرد بس ما كنتش ادخل في البيت كنا اتخبى في الحوش تبع الناس ويشوفونا ويحكونا راح احكي لاهلكو تعيش تاكل غيرها |
اقتباس:
واكيد امو عملت هيك:30::30::30: وانت بتتفرج عليهم خخخخخخخ |
ههههههه ضحكتني اكتر اشي لفت انتباهي انك جليت ونظفت المطبخ، قلت قصي من الاول بعرف يشتغل فالبيت هههه صاحبك واضح كان زنخ بس حلوي انك ذوقته ياها وحده بوحده يعني، بس حقك هههه. كلنا بس كنا صغار اكيد كنا نعمل العمايل. حبيت طريقة حكيك وحبيت التلقائيه فحكيك، الله يديم هالروح اللي عندك ياها ويديم البسمه ع قلبك. مساك ورد. |
ههههههههههه بجد هالقصة حقيقية ! يَ ويلي عليك و الله تعذبت ههههههه المهم لقيو لربحي .؟ |
هههههههههههههههه متلنا مرة ونحنا صغار كنا نرن الجرس تاع الجيران ونهرب مرة من كتر ما عملناها الزلمة قعد يستنا فينا برة واول ما رنينا الجرس مسكنا واخد منا غراضنا الي كنا مشترينهن وحبسنا عندو تاجو اهالينا اخدونا 😂😂 |
اقتباس:
دوم هالضحكة الحلوة سمر انبسطت انك جيتي هونا ربي يسعدك خيتي |
اقتباس:
هههههههههههههههه اتعذبت انا وبس قولي اندبحت قولي متتتت قولي اكلت كفوف بتوزع على بلدان فلسطين كلها وربي الله يوفقه ويسعده فكرته بالقصة قلي ما تفكرني هههه |
اقتباس:
ههههههه لا يا شيخة هاي حركة بسيطة بتشبهي حركتك بحركتنا بقولك احنا تورمنا وصارت خدودنا حمرا وما تم عضو راكب صح هههه عالعموم نورتي ودوم الضحكة يا رب |
هههههه فرطت ضحكك هاد الي كنت اعمله وانا صغيرة ولاشيء بالنسبة للي عملته منيح انكك طلعت منيح نوعا ما :20: المهم لما شافوكك اهلكك شو حكتلهم :72: |
اللهم لآ شمآته ولآ يعيده معك مع انك اضحكتني تحياتي |
اقتباس:
دوم الضحكة يا رب وربي يسعدك على طول |
اقتباس:
الله يسمع منك أنفاس ههههه ولا يعيدها بس وين تنعاد هديك واحنا صغار بتتخيلي وانا كبير اعمل متل هيك هو انا مستغني عن روحي ههههه |
اقتباس:
ياااااااااااااااااااااااااااااارب جدع |
ههههه بجد متت ضحك هههههاهم شى مطبخها بقرف ومافى معجنون اسبشل تعيش وتاكل غيرها هههه |
اقتباس:
هههههههههههههه دوم الضحكة يا رب وربي ما يعيدها كان يوم اسود وذكراه لليوم ما بتغيب عن بالي وكل ما بتذكر الموقف بفكر ارجع كمان مرة انتقم منهم المفتريين |
| الساعة الآن 03:09 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.