منتديات بنات فلسطين - التمس لأخيك عذرا ..مما راق لي

منتديات بنات فلسطين (http://www.bntpal.com/vb/)

- زوايا عامة (http://www.bntpal.com/vb/f3/)

- - التمس لأخيك عذرا ..مما راق لي (http://www.bntpal.com/vb/t67681/)

التمس لأخيك عذرا ..مما راق لي

الشب اللي مولع السيجارة ورا يطفيها 😡

صاحب الباص قال هاي الجملة لشب من الركاب مولع السيجارة في آخر مقعد وساند راسه ع الشباك

رد عليه الشب بعصبيه بدي كمل سيجارتي ومش مطفيها ولو مش عاجبك نزلني هون
كلام الشب استفز السواق قام ضرب بريك مرة وحده وصف صفه معناها تفضل انزل

الشب وهو نازل استغرب السواق من ملامحه ولاحظ انه الشب كان يبكي ولسا ماخلص بكى وعرف انه كلامه المستفز نابع من مشكلة بيمر فيها
ومش ملاقي الا السيجارة يطلع فيها همه قام السايق لحق الموقف بشياكه عشان ما يزيد ضيقته

وقاله أنا صفيت عشان تخلص سيجارتك براحتك لاني داخل هلأ ع الكازية وممنوع أدخل وسيجارتك مولعه ،
الشب اطلع للسواق بابتسامه ورمى سيجارته من غير ما يكملها ودخل الباص ،
السايق ما دخل الكازية وسأل الشب انت وين نازل ، رد عليه الشب وهو مبتسم قاله بوابة غسيل الكلى ... 💔

#جبر_الخواطر🌸
#التمسوا_الأعذار_لبعض🌸
#🌸🍃

ححلو الكلام
بس برضو الشوفير يمكن حكى بنية صافية لانه ممنوع التدخين جوآ البآص
واكيد لازم نلتمس الاعذار دايما

عوافي لالك

هو منو ومن الراكب الغلط

التنين عزرو بعض بطريقة حلوة
لانه ما بتعرف شو جوات الشخص ولا ليش تصرف هيك

شكرا الك ميما

لازم دايما نحسن الظن بالناس
لكن الخطأ وارد
وفي ناس ما عندهم زوء
ربنا يشفي كل مريض
مؤثره فعلا
شكرا ملاك

العفو مؤيد

نورت

حسن الظن لازم اكيد ولكن مهما كانت مشكله الشاب عليه الانصياع للقرارات
على سبيل المثال التدخين داخل حافله مغلقه بتضايق ناس ما بدخنو ولا بحبو ريحه الدخان
والامثله كثيره في مشكله عند الكثرين حب العصيان .

اشكرك على الطرح

يآ لطيف

هالموقف أثر فيني بششكل

يسلموو لأن ذكرتينآ بإلتمآس الأعذآر
تحيآتي

العفو

نورتو

كل الشكر

حبيت الموضوع وصح مثل هالمواقف المفروض تكون تصرفاتنا إنسانيه ونحس مع هالناس،
بس لمن ممنوع التدخين فالباص معناتو ممنوع التدخين،
لإنه كان ممكن شوفير الباص يسحبولو رخصته مثلا بس لإنه سمح لهالشب يدخن،
انا متأكده انه شوفيرالباص اخرتا شفق عليه، بس هو انجبر لانه التدخين فالباصات ممنوع.
بس الشب بالاخر فهم الموضوع وزت السيجاره من حالو.
شكرا ملاك ع الموضوع، الله يسعدك يطيبه.

فعلا متل ما حكيتي

نورتي سمرة

شكرا لموضوعك لابد من التماس العذر لاى انسان

كلمات راقت لى
سلمت يداك

موضوع راقي وجميل الف شكر للتميز