أنا ولا انتي .. مين بيقعد و مين بيقف ؟ للنقاش

09-26-2017

اقتباس:

المشاركة الأصلية كتبت بواسطة سمــره

لمن يتعلق الموضوع بالختياريه وبالكبار بالعمر كلنا لازم نقوم ونقعدون محلنا،
انا شخصيا هيك بعمل لمن اطلع فالباص،
اما لمن يتعلق بالشبيبه اللي من جيلي ومن جيلك، ع سبيل المثال، كتير مرات طلعت فيها فالباص ومكنتش الاقي محل اضل واقفه،
بس كانوا بعض الشباب يقومولي لأقعد محلون، وكنت اشكرون،
بس مش كل مره كنت اطلع فالباص كان يصير هيك،
لإنه بكل بساطه مش كل شب ممكن يفكر بهالطريقه،
ومش كل شب عندو نظره !
في ناس كتير بيهمها نفسها وراحتها اولا بعدين راحة الناس،
بعتقد هذا من حق الإنسان،
بس انا شخصيا بقول لازم الإنسان بهالمواقف يكون ذوق واخلاق واصيل ومن حالو يحترم الختياريه قبل ما يقوم للصغار بالعمر،
إلا بحالات معينه ومختلفه لازم يكون فيها احترام للشبيبه وللصغار بالعمر وخصوصا للبنات.
هذا الاحترام انا بسميه تصرف إنساني، والثقافه الإنسانيه الإنسان بيكتسبها من بيت اهلو ومن بيئتو اللي بكون عايش فيها،
وهذا يعني مش كل إنسان عايش بمثل هالبيئه ومش كل إنسان بيتعلم الإنسانيه من اهله.
وملاحظه صغيري، انا اعتبرتك عم تحكي عن الباص لإني بطلعش بمونيوت وتكسيات، اغلب مشاويري فالباصات.
شكرا مؤيد عالنقاش، موضوع مميز لإنه ولا مره حكينا فيه من قبل.

كنت بنتظر ردك بصراحه
عارف رح تكون فكرتك مختلفه عن البقيه
يمكن في غزه ما في باصات كلها سيارات
عنا في نابلس لانها مدينه كبيره
لازم كل منطقه الها باص او تنين
لهيك حبيت اطرح النقاش
حكيتي كلمه عجبتني وانا حكيتها من ضمن تعليقاتي السابقه
الشغله انسانيه اكتر من انها احترام
مو معقول اكون قاعد في باص
واشوف بنت تتمرجح يمين وشمال
واضل قاعد مكاني
هون النخوه لازم تتحرك
ومتل ما حكى قصي
نتخيل هالبنت اختي او بنتي او امي
مهما صار عنا تطور ومساواه وما بعرف شو
بضل في عنا شي اسمه زوء
شكرا لاضافتك خيتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انا انثى يخجل منها القمر^_^ افتخر بأنى انثى	نقآء	زوايا عامة	14	08-10-2016 09:39 AM
بعثره انثي وجموح انثي وشموخ انثي وجرأه انثي وبقايا انثي وملكه الانوثه	آنثى الغرام	الـטּـِقآشآتُ الجَّآدة والـפـوَآر..!	4	03-11-2016 06:22 AM
بروكاست همسات انثى 2015 , احلى برودكاست همسات انثى 2016 , برودكاست واتس اب همسات انثى	عشق !	برودكاست 2017 , برودكاست بي بي 2017 , Broadcast bb 2017 , رسائل 2017 , توبيكات 2017	9	06-15-2015 02:54 PM
مــن تكـــــــــــــــوني هل انتي حقا انثى يالي جمالك	ألآميرة	حـواء وأنـاقتها	20	07-13-2014 05:17 PM
اصبحت ثقافة العيب اشد علينا من الحرام-موضوع للنقاش -موضوع جاد للنقاش	ناثرة الورد	الـטּـِقآشآتُ الجَّآدة والـפـوَآر..!	8	09-21-2013 11:17 PM

أنا ولا انتي .. مين بيقعد و مين بيقف ؟ للنقاش

الفكرة يا شباب انو من زمان يوم كنا صغار كنا نشوف انو الرجال لما بيكون بباص النقل الجماعي وكان يطلع رجال كبير أو ست كبيرة أو حتى صبية مالون محل