|
مسا الخير .. مسا الخير، ما بعرف إذا بعدكوا متذكرينني، انا اثار او سمره مثل ما كنت مسمي حالي هون وبعدني بهاللقب، حابه احكي اني باللحظه اللي غبت فيها عن المنتدى متركتش المنتدى، لإنه سبق وفوتت لهون مرتين والقيت نظره عالسريع بدون ما اترك اي مشاركه، بس تركت رساله لبعض الاشخاص هون، الون عندي معزه خاصه، وحابه احكي هالنقطه الاهم انه انا لمن غبت مغبتش كرمال المديريه اللي كانوا بالسابق "احمد ومؤمن"، ولا كرمال كل هالضجه يللي صارت لإنها كانت آخر همي، من بعد اذن خميس ذكرت اساميون وان شاء الله هالشي ما بيزعج حدا بس لإني حبيت احكي هالكلمتين، انا غبت عن المنتدى لإنه في اسباب شخصيه بتتعلق بشخص موجود هون، هو اللي جبرني افل، لعلو هالشخص يحس قديش كنت اعاني وبسببو انا فليت، رغم انه هالشخص لليوم موجود هون، بس فيني اتغاضى وكإن شيئا لم يكن. فليت بس متركتش المنتدى، وانا لهالسبب اخذت قرار إني ارجع، واكسر كل هالاشياء وكل اشي بخليني اتردد من ارجع اتواجد معكوا وخصوصا هالشخص ! لإنه اوقات كتير كنت بقعد بيني وبين حالي وكنت اشتاق للمنتدى، اشتاق للمحل اللي انا كنت فيو من زمان، وللصراحه متوقعتش ارجع والاقي لوني بعدو اصفر ولساتني عضو مميز بنظر خميس رغم هالفتره الطويله اللي انا غبتها، مع انه بعرف التميز مش بالالوان، التميز بالمشاركات وبالمواقف وبالمعامله واكيد الاخلاق قبل هول كلون. بتمنى من الجميع يتقبلوا رجعتي. حتى لو مكانتي تغيرت عند البعض مع انه بشك بهالموضوع، لإنه المحبه بتبقى فالقلب، ومع هيك انا كسبانه عالجهتين، بوجودي ما بضر وبغيابي ما بضر. نهار سعيد للجميع. |
ي اهلا وسهلا فيكي سمرة انت ما بتعرفيني لاني انا جيت بعد ما كتير منكم ترك المنتدى بس كنت اشوف اسمك بين مشاركات الاعضاء وكانوا يذكروكي بالخير اكيد وهآد دليل ع حبهم واحترآمهم لالك واكيد كنتي تشوفي طالما كنتي تدخلي زائرة انا متأكدة حضورك ورجعتك مكسب للمنتدى والمنتدى بيرتقي بشخصية متل شخصيتك كنت اشوف لالك مشاركات فعلا بتنم عن شخصية واعية ومثقفة وفهمانة جدا وبكون لالي الشرف اني اتعرف عليكي اكتر واكتر برحب فيكي من جديد بهالمكآن وان شالله آخر الغيآبآت منورة |
ميما مسا الخير، وانا كمان ما بعرفك، واعرفي انك انتي كمان شخصيه راقيه، اسلوبك فالحكي لغه وبتحكي، وانا الي الشرف اتعرف ع شخصيه مثلك مذوقه هالقد فالحكي، بعرف اني كنت محبوبه عند البعض وكتار فقدوني بغيابي، وانا بقدّر هالشي وبقدّر كل شخص استفقدني. وبدي يعرفوا انه المعزه كانت متبادله ولكن ظروف واسباب شخصيه منعتني. مش حابه اخوض كتير فالموضوع. ميما كلك ذوق والله يسعدك. |
ومن منا لا يذكر صاحبة القلم الجريء والمنطق الجميل والفكر الراقي والعقلية الني نتمتنى وجودها في كل الأوقات سمرة انت من الأشخاص التي حفرت إسمها بين جدارن المنتدى من خلال مشاركاتها الراقية وحوارتها الجميلة ونقاشاتها المثمرة شخصياً كنت استمتع وانا احاورك وأناقشك وأخوض معك في بعض الأحيان بعض المعارك لتعارضنا في بعض الأراء لا أٌخفيكي حجم سعادتي بعودتك من جديد فأهلاً بمن زينت المنتدى بروائع الحرف وجميل الكلام وإبداع الوصف والتعبير |
اهلا وسهلا سمره فعلا افتقدناكي كثيرا كان الك بصمة كبيرة في المنتدى فرحت كثيرا برجعتك نورتي المكان اكيد مكانك مازال محفوظ كنت شخصية رائعة وواعية ومثقفة نورتي |
قصي مسا الخير، انبسطت بحكيك الحلو بحقي، انا ما نسيتك، وكون ع يقين انك انت كمان كنت من الاعضاء المميزين بنظري، وانا مبسوطه اكتر إني ارجع والاقيك بعدك هون، وان شاء الله منرجع نتبادل الآراء ووجهات النظر مع الايام. كلك ذوق والله يسعدك. |
اهلا وسهلا فيكي سمرة والله انتي من الاعضاء الي كان الهم اثر ايجابي بالمنتدى والله فقدنا غيابك نور المنتدى برجوعك تحياتي الك |
ملائكيه مسا الخير، تسلميلي تشتقلكوا السعاده يا رب، مع إني للصراحه ما عرفتك ويمكن كان إلك لقب سابق، يمكن اقدر اعرفك من اسمك السابق، لإنه في اعضاء كل فتره بغيروا اسمائون، ما تزعلي مني بما إني ما عرفتك، بيكفي انك تذكرتيني واستقبلتيني بهال كم كلمه اللي ما تتصوري قديش بخلوني انبسط واتأكد بإنو بعد في اشخاص كانت ولا زالت بتعرفني وبتحب وجودي، الله يسعدك ويسعد ذوقك. |
انس مسا الخير، انس الغالي، انس الآدمي، ما نسيتك خيا، وانا مبسوطه اكتر اني ارجع والاقيك هون، ممنونتك بكل لحظه سألت عني فيها وفقدت غيابي فيها، انت إنسان كتير مذوق، وبعتبر حالي محظوظه بمعرفتك كأخ، المنتدى منور بأهلو وناسو وحبابو. كلك ذوق يا ذوق. |
كيفك اثار اكيد بتتزكريني كوني ما بغير اسمي ولا لقبي صح منورة ع فكرة وما نسيتك والله وصدقيني رجوعك مكسب لالنا كلنا صبية نقاشها الحلو والواقعي ما بتنتسى اكيد وكل واحد منا الو ظروفو بروح لفترة وبرجع بس برجع مشتاق لناس قضى معهم وقت حلو ومشاركات حلوة كانت منك بتشكىك كتير انك رجعتي لحتى يصير منتدانا احلى بوجودك الله يسعدك |
بتمنى ما كون لشخص الي تركتي بسببه هههههههه لانه ما بتذكر بيوم حصل بيني وبينك اي موقف مزعج بالعكس تماما احنا خسرنا اقوى شخصيه محاوره ومناظره وباسلوبها الحضاري بتقدر تتعامل مع كل انسان وبتعطي رايها بكل جرأه وحريه وعندك تحليل رهيب ومقنع لكل عضو كان موجود رغم تعاملك معنا من وراء شاشه خروجك من عنا ترك مكان وفراغ ما بعبيه الا انسانه الي هي سمره فقط صدقيني مهما بلغ فينا العلم والثقافه لا يمكن حدا بقدر يتمثل بشخصيه حدا كل انسان عنده اسلوبه وطريقته وفهمه للامور عشان ما يكون خطاب جمهوري ههههه عمرها ما تغيرت نظرتي شخصيا الك ومن دواعي سروري هاذا الرجوع الميمون اهلا وسهلا فيكِ انتي منا واحنا منك لانه جمعنا مكان واحد كلنا حبيناه واعطيناه من وقتنا وجهدنا حياكِ الله اختنا الكريمه |
سمره شو مشتاقة الك انا وحشاني حبيبتي منورة بكل وقت انتي بعقلك وفكرك وروحك بحبك كتير مروة |
الملاك البرئ مسا الخير، اكيد بتذكرك خيته، هالشخص الهادي البسيط المتواضع. انا اللي بتشكركوا إنكوا استقبلوني بعد كل هالفتره، المنتدى حلو كل الوقت، بوجودي وبغيابي كمان، بيكفي محظوظ بهالناس الوفيه والمخلصه اللي مثلكوا، اللي ما فكروا لحظه يتركوا المنتدى مهما كانت الظروف. شكرا الك ملاك يمذوقه. |
حبيب العمر مسا الخير، بعدك مثل ما انت، بشوش وبتحب الضحك، الله يديم الضحكه ع قلبك يارب، صحيح انا مكنتش معكوا من فتره طويله بس بيكفي وجودكوا بالمنتدى لإنه كل واحد فيكوا شخصيته بتتميز وبتختلف عن الثاني وهالشي بحد ذاته بيضيف للمنتدى طعم ولون، وصدقني المنتدى بيوقفش عن حدا يعني اي لحظه بيطلع فيها عضو ممكن يحل محلو عضو ثاني، بشكرك ع هالترحيب وع كلامك بحقي، وانا سعيده اكثر لكون معكوا، اهلين فيك خيا. كلك ذوق. |
ريما غزه مسا الخير، يا ودوده انت، وانا كمان اشتقت للمنتدى، مع انه بعترف سجلت بمنتديات ثانيه، بس الراحه اللي كنت احس فيها مشعرتش فيها فالمنتديات اللي سجلت فيها مؤخرا. وصدقا محدا رح يعرف قيمه المنتدى هذا غير اللي بيطلع منه، وهذا مش مجرد حكي بحكيه لإنه في اكم عضو من الاعضاء القدامي اللي تركوا سبق وحكولي هالحكي بإنه ياريت ما تركوا المنتدى رغم انو مطرحون موجود ومحدا بياخدو ولو حل اعضاء ثانيين محلون بس كل عضو اكيد الو مكانه هون واي حدا بيفكر يرجع رح يلاقي محلو مثل مهو. كلك ذوق والله يسعدك. |
عابث الرومنسي، مساك رومنسيه ومحبه خيا، المنتدى منور بوجودك وبوجود وأهلو وناسو. كلك ذوق. |
ي هلآ بيكي ي مزة آنآ جديدة ماليش شهور هون بس ابتعرفي امنيح انك رجعتي صحيح مآبعرفك ولكنني سعيدة بوجودك وربي ياين عليكي متكلمة ومتفهمة وواعية اكثير خليكي معنا ولا اتروحي منشان اي حدا الي مش عاجبو وجودك يفل هوآ من الاخر بدنا اتكوني معنا انتي كمان واتشرفيني بحضورك الانيق ي انيقة نورتي حياتي |
انفاس الحب، مساكي ورد، كتير انبسطت بحكيك اللي بيرفع من المعنويات، رغم انك ما بتعرفيني ولا بعرفك بس مثل هالحكي بيعطيني دافع كبير وبتشجعيني. انا ما رح افل لإني لمن اخد قرار بعمله وما بتراجع مثل ما سبق وقررت افل فتره وفعلا فليت فتره. بشكرك انفاس، كلك ذوق يورده والله يسعدك. |
اقتباس:
تسلميلي ويسعدلي مساكككي باين عليكي حبابة من حكياتكك ايون شطورة ضلك هييك بتعجبيني نورتي |
سمره الشخصية المميزة المختلفة و الأكثر ثقافة و وعي بهالمكان اول شي و بالنسبة لي ما تخيلت ابداً انك تركتي لأجل المشاكل اللي صارت و كنت حاسة رح ترجعي و تشاركي معنا متل زمان و اكتر و الله لو حكيتي مين العضواللي مدايقك لكان هو اللي طلع مشش انتي انتي مميزةة من يوم سجلتي بهالموقع و رح تبقي هيك و مكانك محفوظ بينآ بككل الأوقات ما تتخيلي فرحتي اديه لما شفت هالموضوع كانت مفاجأة كبيرة و بما إني شفتو الصبح اصبح يومي كلوو حلوو بسببك يعني رح شوفك كتير و نشارك مع بعض +_+ نورتي من جديد حبيبة قلبي بحبكك |
اهلا وسهلا فيك الانسان لازم يواجه مو يهرب من المكان اللى بحبه الهروب مو الحل ومصيرو يرجع ليك نورت واخر الغيبات ان شالله |
احسن قرار ي سمره حتى انا كنت مقرر م فوت المنتدى من زمان كتير بس الو زكريات حلوه واعضاء بنحب وجودهم وخلص تركنا الخلاف الي كان موجود وبدينا من جديد انبسطت بشوفت اسمك هان من جديد وانا ع فكره م الي اسبوع هان |
البريئه الله يسعد صباحك، كتير انبسطت بحكيك بحقي، الموضوع ما كان بهالبساطه لإنه هالشخص كان محبوب من الكل تقريبا، وانا مش من النوع اللي بحكي عن مشاكلي قدام الكل، يعني المشاكل اللي صارت بيني وبينه كنت بعتبرها خصوصيه، كنت احترمه واحترم خصوصياته رغم كل معاملته بس كان مستحيل يطلع مني حرف، لازم يضل شي احترام مهما كان. عموما الله يسامحه، وبالصدفه لمحت اسمه لمن مبيرح كنت عم بتصفح المواضيع القديمه، لمحت الاسم وهو غايب من سنة 2016 وربنا يسهل عليه ويسامحه. حتى لو رجع رح اتغاضى اكيد. واعرفي انك انتي كمان كنتي من الاشخاص اللي كنلون شخصيه وكاريزما خاصه فيون ما بتشبه حدا وبعدك مثل ما انتي، كيف ابنك هالايام؟ بتذكر عندك ولد وكتير كانوا ينادولك ام الامير. ان شاء الله ابنك وكل امورك تكون منيحه، النور بوجود المخلصين مثلك. بتشكرك البريئه، كلك ذوق والله يسعدك. |
اميره الله يسعد صباحك، يمكن غيري يفسر الموضوع هروب، بس انا ما هربت، انا كنت بحاجه لأتريح واتنفس شوي من الجو اللي كنت فيه، النور بوجود الراكزين مثلك. كلك ذوق يطيبه. |
الماجيك الغالي، الله يسعد صباحك، وجودك وحكيك دايما بيدعموني وبيرفعوا من معنوياتي، وبعتبر حالي محظوظه لإني كسبت معرفتك كأخ وكزميل وكشخصيه هالقد واعي وبعتقد هذا الشي كتار كانوا بيجهلوه ولا كانوا عارفين قيمتك. ورجعتي لهون كان لازم اعمل هالخطوه من زمان بس سبق وذكرت الاسباب. كل واحد بيوصل لمرحله بقرر يترك فيها شوي محل مش كتير كان مبسوط فيه وهذا اشي طبيعي. وصدفه كتير حلوي انو ارجع والاقيك انت كمان راجع وبنفس الاسبوع. وبالفعل الي ذكريات كتير بهالمنتدى وكتير اعضاء كانوا يحترموني وبتمنى ارجع اشوفن لإنون مش من بين الموجودين، لعلون بخير هالايام. كل فتره كنت بحكي لاختي مروه اني بشتاق لهالمحل ومع هيك مكنتش ارجع، يمكن لإنو كل اشي بالحياة بكون في الو وقت معين. ومبيرح الظاهر كان الوقت لرجعتي لهون. رغم انه اختي مروه كانت دايما تقلي ارجعي شو مستني ورغم انها ما بتفهم بعالم المنتديات بس من قد ما كنت احكيلها اشياء. ان شاء الله دايما بشوفك ماجيك هون. الله يسعدك. |
اقتباس:
طبعا حبيبتي علي قد ما نغيب هون ببيتنا ومكاننا سنين هون فرحنا وزعلنا وغضبنا ومزحنا لكن جمعتنا روح الاخوة والمحبة انتي وننوش ولونلي وشام والبريئة وغجرية كلكم ما ننساكم ابدا وكلهن مشتاقة الهن نورتي حبيبتي ولاتغيبي انتي شرف لكل مكان تكوني فيه يسعدك |
حبيبتي سمرة وانا اشتقت لك وكنت مثلك غايبه فترة عن المنتدى بس الحنين لمنتدانا برغم ضروفنا ترجعنا مكان جميل اجتمعنا فيه بنتواصل فيه عبر شاشة بس بقلوبنا لبعض مشاعر حلوة وان شاء الله دايم بتضل مشاعر حلوة وحب واحترام لبعضنا وانتي ياسمرة بدون مجاملة من الاعضاء يلي بحبهم كثير كثير وبتلفتني وجهات نظرك ونقاشاتك وحوارتك وتقبل آراء الاعضاء البقيه بكل احترام وربي يسعد اوقاتك بككل خير |
خواطر الصمت يسعد صباحك، فعلا الواحد دايما بيحن لأشباء تعود عليها، انا كنت بستنى الوقت المناسب والظاهر فعلا رجعت بالوقت المناسب، زمان عنك وانتي بنت حلال لإنه مبيرح كنت بحكي عنك لاختي مروه لمن قعدت اتذكر الاشخاص اللي كانت بتربطني فيون علاقه اخويه بهذا المنتدى، ومن ضمنون كان انتي، نورتي يطيبه والله يسعدك. |
شو انبسطت لما شفت اسمك هون اثار بجد نور المنتدى كتير مو شوي انتي من اجمل الشخصيات يلي عرفتهم بعالم النت انسانه واعيه ومثقفه وواقعيه بحب بساطتك وصراحتك وفلسفتك بالنقاش وطريقتك بتحليل الامور كنتي اول وحدة لفتت انتباهي اول ما سجلت بالمنتدى وتعلمت منك كتير شغلات بحبك وبحب وجودك وانسانيتك واحساسك بغيرك الله يسعدك يا رب وان شاء الله بضلي معنا ع طول |
اهلا فيكي نورتي المنتدى من جديد |
سمرة ولكم كبيرررررره ليكي حبيبتي ونورتي مكانك من جديد ويارب يرجع جميع الغايبين |
| الساعة الآن 04:55 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.