|
قصة حياتي يعطيكم العافية بعد تفكير كبير وتردد اكبر وبمساعدة صديقتي الغالية ملاك ونصائحها حبيت احكيلكم قصتي لانو جد بدي مساعدة وبدي نصائح لانو مش قادرة حتى فكر واخد قرار نهائي انا طالبة جامعة من شي سنتين تعرفت ع شب وكان جار النا كنت شوفو صدفة لما زور صاحبتي وهوي شافني وانا شفتو من هون بلشت قصة حبنا كنت شوفو باستمرار وهوي يشوفني تعلقنا ببعض وحبيتو لدرجة الجنون وهوي حبني وكان صادق بحبو صح حبينا بعض بس ولا مرة حكينا مع بعض الا لصار الشي رسمي اقنع اهلو واجو طلبو رسمي واهلي ما قبلو عشان لساتو طالب وانا لساني بدرس بس اصيرت عليهم وعاندت تمنهم وافقو وعملنا الخطبة وكانت اجمل ايام حياتي لانو قريب من بيتنا كل يوم اشوفو ويشوفني غير الساعات الي نحكيهن ع جوال بالرغم الوضع مش عاجب لا أهلي ولا أهلو بس لانو نحنا خترنا بعض تحملنا كل الحكي والكلام بلشنا نجهز للعرس باكتر من حب ومودة لحد اجا يوم النحس واجو اليهود اعتقلو وبعد معاناة ومحاكم وكشل فهمونا انو حكمو رح يكون عالي 20 سنه واكتر تخيلو ما اصعبها كانت اغلب وقتي بكي ودموع بالرغم من هيك ضليت استنا وحكيتلهم لو ينسجن ميت سنة رح استنا بعد كم شهر اجو اهلو وحكولي انو احمد رح يفسخ الخطوبة حكمو عالي وما بدو يظلمك وانتي تستني حكتلهم مستحيل احمد يحكي هيك رح استنا ما حد الو دخل فيني وبعد كم يوم المحامي بلش بوراق الطلاق بدون ما يكون عندي علم صببرت وما قبلت اوقع الاوراق لانو مستحيل احمد يمحي هالحب بسبب سجن صبرت مع انو ما كان ليلي ليل ولا نهاري نهار لصار الي زيارة وشفتووسألتو شو احمد صحيح الكلام الي سمعتو حكالي اها كملي حيااتك ما بدي اظلمك معي تستني سنين وبالاخر ما رح يصير خير رح تستني عشرين سنه ولما اطلع رح تكوني بالاربعين رح تنحرمي من الامومة ورح تنحرمي من اشياء حكتلو بصبر الي بحب بتخلى عن ميت اشي كرمال الي بحبو كنت حاسه دموعو رح تنزل بس كان اقوى مني حكالي خلص بكفي ما عاد تيجي ما بدي شوفك كسر قلبي حطمني وصلت بيتنا ودموع متل الشلال ولما احكي كلمه كل الاهل والقرايب اختيارك بتستاهلي غير الكلام الموجه والي بيقتل كأنو بكفنيش الي فيني كنت اتحدى الكل واحكيلهم عشان بمحنة ما رح يترك لحد ما وصلوني وراق الطلاق من حماي والزمني اني وقعهن بناء ع طلب احمد وقعتهن ودموعي متل الشلال حاولت اتأقلم وعيش بدون احمد وبتفاجئ بعد كم شهر انو احمد طالع من السجن رجع ع بيتو وكان كلو تخطيط من اهلو ليبعدونا عن بعض ما بعرف اذا احمد كان عنجد بعرف انو طالع بعد كم شهر ولا كان مخدوع ممتلي طبعا لانو جيران اهلي راحو وهنو بسلامتو بالرغم بكل اشي صار ببنتهم وطبعا حالتي صارت متل الزفت خطيبي الي لازم شوفو اول حد بعد ما طلع مش قادرة اوصلو كنت استنا يبعت مسج او حتى يتصل بس خيب ظني وما عملها بعد طلعتو باسبوعين اجا وحكى مع أهلي بدو يرجعني بحبها وبستغنيش عنها بس الظروف كانت اقوى مني وانا شو موقفي لعبة بايدو وقت بدك تعالي وقت ما بدك روحي نسي شو بكيت عشانو شو ترجيتو وكان بس يفكر بحالو طبعا رفضت ارجعلو وبما انو اهلي مش موافقين من الاول حكولة نجوم السما اقربلك من بنتنا بكفيها وجعها وحاول كتير انا صديتو واهلي صدو بالرغم اني مش قادرة انسى حبو والمواقف الكتيرة الي عملها عشااني وبعد ما قطع الامل من رجعتنا طلع جواز السفر وبدو يسافر يترك البلد ويروح ما فكر فيني ولا بخواتو ولا بامو بس فكر بحالو خلص بدو يسافر ويترك جامعتو وكل احلامو الي بننيناها سوا صح ما دخلني في بس مستحيل انسان حبيتو من قلبي اخلي يروح هيك حكيت معو ومنعتو حكالي ما دخلك حكيت فعلا ما دخلني وقبل سفرو بيوم اجت امو وترجتني انتي الوحيدة الي بتمنعي احمد من السفر احكي معو كيف بدي احكي معو بصفطي شو وكرامتي وين ما ضلش منها اشي ةلما بكيت قدامي ما هان علي دموعها لانها متل امي حكيتو وترجيتو ما يسافرع اساس ارتاح كم شهر من الموضوع ورح ارجع فكر بالموضوع من جديد وهلأ محتارة شو اعمل عنجد انتو لو مكاني شو عملتو بس دحكيلكم بعدني بحبو ومتاكد انو لسانو مشاعرو تجاهي موجودة بس ما فيني سامحو وارجع ولا كأنو في شي كرامتي وكرامة اهلي كمان ما بتسمح اني ارجع 😢 |
طيب معليش في شغلة فايتاني بالموضوع لأني ححكيلك رائيي بكل صراحة هلأ وقت الي احمد انحبس واهلو حكو انه مدة محبوسيته حتكون كبيرة وكان الهدف من هيك شيء فسخ الخطوبة وانهاء العلاقة هلأ هو احمد شو كان موقفة وشو ردة فعله وليش انتي شايلة منه رغم انه مسجون وما بالإيد حيلة |
صحيح حسب كلام احمد بعد ما شفتو انو كان يعرف انو حكمو عالي ولانو كان مسجون اداري كان ما يحضر المحكمة بس المحامي الي يحضر والمحامي بلغو بالحكم العالي ولما نزلو زيارة كان بدو يترك عشان اشوف انا حياتي ما اضيع عمري وانا استنا في عشرين سنة كتار من عمري يضيعو قال صح شفت بوقتها دموع انو ما تتركيني ستنيني بس ليشش يعمل هيكك هاد الي مش قادرة انسى مع اني ترجيتة رح استناك عمر وسنين بس تراجع عن قرارك �� |
انا الي زاعجني بالموضوعةانو احمد متمسك فيني بعدو بدوويااني بس انا خايفة اخطي هالخطوة لانو صار مشاكل بين الاهل كمان |
انا ححكي رائيي بصراحة حبه لالك فاق اي شيء وتخطى كل الحدود حب عظيم وكبير كتير وقلما نجد أشخاص تحمل حب عميق وعشق لأقصى الحدود من شدة حبه لالك ما فكر بنفسه وفكر بمستقبلك وتنازل عن حبه لأجل تشوفي حياتك وما تربطي مستقبلك فيه احيانا الحب لوحده ما بكون كافي احيانا بكون هناك معوقات وحواجز مش ممكن يتخطاها الحب وبتوقف عائق امامه انتي رجعتلك الفرصة من جديد تمسكي بأحمد كويس لأنه باين عليه شاريكي بالنسبة لأهلك وأهله عاجلاً أم أجلاً راح يتقبلو الواقع ويقبلو فيه اهم شيء حبكم يعيش ويستمر والباقي بيجي مع الوقت ومرور الأيام شغلة تانية الحب بخلينا نتجاوز في بعض الأحيان الهفوت ونتغاضى عن الأخطاء ونتجاهل الأحداث وطالما انتي متأكدة انه بحبك ومتمسك فيكي شو بدك أكتر من هيك على فرض انه أخطأ برغم اني مش شايف اي خطأ وانا يلي شايفه حب وتضحية لا مثيل لها الله غفر وسامح احنا مين بنطلع مشان ما نسامح ونغفر وننسى |
شكرا لرأيك كلامك مريح كتير بس الثقة أهم من الحب لو ترجع ثقتي في ممكن يستمر الحب بس ثقتي مش ممكن ترجع هوي ليش ليوافق ع طلاق قبل ما يطلع الحكم شكل رسمي ليش يستعجل ويوافق الحب تضحية بس كسر القلب والخاطر شو ممكن يرجعو تمسكت فيو تخليت عن كل شي يصبر سنه سنتنين بعدين يطلع منو هالقرار ليش ياخدو بهالسرعة ما حس فيني وشو ممكن الطلاق يدمر وغير العادات وتقاليد الموجودة عنا |
اقتباس:
شو مفهومك للثقة ؟ انتي كنتي عايشة جواته وعارفة شو الي راوده بهديك لحظات ؟ عارفة بشو كان يفكر بالظبط ؟ بظن انه مشكلة معظم بنات حواء مفهومهم الخاطئ للثقة يلي دمرت ناس كتير طيب اتركيكي من أحمد وخليكي ورا مفهوم الثقة وجاوبيني على كم سؤال بصراحة انتي ضامنى تلاقي متل أحمد ؟ وهل أحمد خانك لسمح الله ؟ الثقة ما بتعود بحالة وحدة وهي الخيانة لأنها لا تٌغتفر اما امور التقصير والإختيار الخاطئ وعدم التمسك بالقدر الكافي والتضحية اللازمة كلها هاي عوامل ممكن تتحسن مع مرور الوقت وترجع الثقة متل ما كانت |
لا ما عشت جواتو وما عشت ظروفو ولا بعرف بشو كان يفكر كان يفكر فيني قبل لفكر بحالو ولساتو بفكر فيني بعرف ولا عمري رح لاقي متلو ومتل اخلاقو وتربيتو اكيد ما خان ولساتو وفي ولساتني بحبو نفس الحب بس ازيد بس الخوف من الاهل يمكن شكرا ع تشجيعك وكلامك الحلو |
معناته تمسكي فيه ولا تتركيه وصدقيني قليل بهادا العالم لنلاقي ناس أوفياء ومخلصين |
رح تابع انا لاني متلك محتارة واسمع اراء الاعضاء الله يهدي بالك حبيبتي |
اللهم امين تسلمي ملاك |
مرحبا اختنا الكريمه خلينا نحكي خطوه خطوه عشان نشوف وين الخلل وشو العلاج تنوصل للنتيجه هلا بشكل عام اي مسجون بتم الحكم عليه مده طويله خاصه لو كان سياسي مش جنائي لو كان متزوح او عنده ولاد بكون بايده القرار اما يطببق او يخليها على ذمته ومن حقها تطلب الطلاق لكن لانه عيب الزوجه تترك زوجها بقضيه وطنيه بتلاقي كل المتزوجات لساتهم على ذمه ازواجهم لكن بحالتك انتي خاطبه ومش متزوجه يعني لو هو بعرف ومتاكد انه رح يضل سنين طويله رجوله منه انه يطلق عشان تشوفي حياتك والاشي برجع الك واله بالتوافق الي انا ما بعرفه او مش متاكد منه هل هو بعرف انه خلال اشهر خارج هون لب القضيه والخلاف لو بعرف بكون اتفاق مع اهله عشان في اشي مش مفهوم لكن لو ما بعرف مع انه استعجل قبل الحكم النهائي هون رح نعذره لانه هو ما اله يد بقرار الحكم هلا لا تحكي اهلك واهله هاي حياتك انتي ومصيرك انتي وحبك انتي المفروغ منه ومن كلامك انك بتحبيه ولساته جواتك لكن انتي لو متاكده انه لساته بحبك والشغله كانت هفوه او عدم معرفه ولساته متمسك فيكي لا ترفضيه بلاش تندمي العمر كله حاولي تقنعي اهلك لكن قبل هيك خدي منه وعد وقرار انه رح اوقف معك لكن انت لا تتخلى عني لاني ممكن زعل كل اهلي عشانك لو شفتي منه صدق لا تترددي اوقفي معه وتمسكي فيه لو شفتي منه برود او تهرب ساعتها الله معه وربنا يبعتلك احسن منه والزمن بنسيكي ياه المهم قناعتك بانه صادق مش مخادع |
انا قلتلها افعاله بعد ما نزل من السجن بتدل ع انه بحبك ولا ما كان رجع اكتر من مرة وحاول يرجعك لاله يمكن هو جن جنونو لما عرف انو رح ينزل بعد الطلاق مباشرة وحب يصلح غلطو باسرع وقت ازهار انا شو حكيتلك انسي اهلك واهلو حاليا وما تقولي حظي زفت وما بدي اتجوز استخيري اكتر من مرة وربنا رح يهيألك الامور بسهولة وصدقيني احمد ميت عليكي ولا ما كان تحمل صدك لاله وعصبيتك لانو عارف شو انتي نصيحة لا تضيعي حد بحبك ليكون شريك لحياتك |
يسعد مساك اخي بي برأيي ما في سجين ما بعرف كم حيكون مدة محكوميتة هااي الي مش قادر صدقها كل واحد بعرف كم حتكون مدة محكوميتو والكزب بالموضوع كيف محكوم عالي وخلال اشهر طلع ول يا احمد ما كنت تسمع من محاميك تأكد قبل لتترك مش بهالسهولة الواحد بترك .. وانا نزلت زياره لالو وحكتلو حستناك قد ما تكون اامحكومية ولما عارضني لازم تشوفي حياتك كان طلب اختو اصبر يا احمد تنشوف القرار نهائي وبعدها بتتصرف لشو ما استنا.....بخصوص قضية الاهل هون انا مش قادرة واجه لانو صراحه بالمرة الاولى عاندت وخطبنا غصب عن الجميع وكان اختياري وابوي قعد شهور ما يحكي معي غير الكلام الي كنت اسمعو من دار حماي بما انو تنين لسانا طلاب قرار رانو يرجعني ع ذمتو من جدبد موضوع كبير انا مش متاكد انو حيضل محافظ علي ولا عند كل عقبة حيطلق مش عارفة اذا هوي رجع عشاان جد بحبني ولاعشان ضغط من خواتوو لانو هني الي بدهن ما تكون مرت اخوهن وحدة غريبة تاخد اخةهن الوحيد منهن هوي اجا اكتر من مرة وكان يضلو ساكت بكلامة احكي واسرخ وهوي معك حق بس بالاخر انتي الي دافع عن حالك عن نفسك ما يحكي هاد الي كان يقهرني بعرف بحبني ومتمسك فيني لهبك اجا اكتر من مرة وكان يعمل مشاكل مع ابوي واخوي عشان يرجعني وقدامي يقعد ساكت ما يحكي دخل عمامي بالموضوع وخوالي طيب انا بدي احمد الي يحكي ويريحني بس هوي بضلو ساكت لما كون موجودة وبس اسألو ليش ساكت بحكي بعرف اني غلطان بس انتي بتعرفي اني بدي ايااكي وبحبك وانتي بساعة عصبية هلا ما بدي زعلك اكتر من هبك بكون بحاجة اسمع منو كلام يريح بس للاسف ما بسمع واخر مرة كان لقائنا حكتلو اطلع من حياتي ما بدي ايااك كسر الكرسي وحكى غصب عنك بدك ترجعي ويستجري حد يقرب منك غير هيك ما حكى طيب انا بدي الثقة الامان مش الهبل |
اما بالنسبة لحبي انا هاد الي مش متاكدة منو لانو صار مغموس بالكره ومش عارفة هاد الحب الي جواتي جد نفسو الي حبيتو ايااه وتركني عارض اهلي ووافق علي ولا الحب الي بكون عند كل بنت وشب خطبو بعض لفتره فكانت مطرة تحب خطيبها بعرف الي بحب بعمل لمستحيل للي بحبو بس انا المرة مش قادرة اعمل شي عشانو |
كل الشكر والامتنان على روعهـ بوحـكـ .. وروعهـ مانــثرت .. وجماليهـ طرحكـ |
| الساعة الآن 01:19 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.