|
وفاة اغلى انسان ع القلب بتعرفو شو اصعب شعور يجيك خبر وفاة شخص كان يعنيلك كل الحياة من شي يومين كنت قاعدة وفجأة اجاني اتصال من عمتي كانت تسرخ شفاء توفت راحت تركتني لحالي بنتي الوحيدة راحت ما صدقت اجتني صدمة او يمكن انا عايشه بصدمة تانيه ما حسيت انو في شي أصعب من الي انا عايشتو سكرت الخط وصفنت شوي اجا ابوي ليش قاعدة قومي البسي بنت عمتك الوحيدة ماتت وقتها حسيت سرخت بصووت جميع الجيران سمعو يمكن من الوجع الي انا عايشتو ويمكن جد من الخبر الي سمعتو مسحت دموعي وطلعت لقيت كل العيلة وكل الناس غاد ملتمين والكل ببكي وقتها حسيت انها شفاء خلص ماتت المرض سيطر عليها وما عاد تقدر تقاومو بتعرفو شو مرضها مرضها السرطان اخد بنت بعمر 16 سنه من بين امها ابوها الي ما الو غيرها كلو بهون قدام دموع اخوها الي ما الو غير هالاخت بالدنيا كلها قدم مليون تصريح عشان يعطيها نخااع وعشنو فلسطيني طلع مرفوض وحط كل اللوم والسبب ع حالو هوي نصيبها هيك نتهت حياتها بس كان فيو ينقذها لو اسرائيل اعطتو تصريح ليوم بس سافرت شفاء تركتنا كلنا دموعنا ووجعنا بغيابها امهاالي صافنة ما نزلتلها ولا دمعة وتواسينا ما حد يبكي شفاء بالجنة بس جواها الوجع والغصة مش قادرة تطلعهن ماسكة دبدوبها الي كانت تضل حاضنتو وتشمو ريحة شفاء موجودة في وصاحباتها الي ما نشفت دمعتهن تركو الكل وراحو ع القبر يسلوها يمكن انا لسه مش مصدقة لهيك مش موجوعه قدهم و يمكن اكلت من العذاب بما فيه الكفاية لعلمكم شفاء كانت اكتر حد واقف جمبي وتحكي ما رح اخطو الخطوة الي انتي خطيتيها من يومبها دمعتك ما نشفت كانت تحكيلي عن الامل مع اني قاطعتو بس زرعت جواب امل جديد كان أملي بشفائها ورجعتهاةالنا كانت ضحكتها ما تفارقها لمعة البرائه الي بعيونها تعطيني الشجاعة والقوة وهلأ شو بيوم وليله تركتنا وراحت لعند ربها تمنيت كون مكانها لساها صغيرة وما شافت شي من حياتها عكسي انا الي شفت كل الوجع والاهات بالحياة ولساني عايشه بشتقلها كتير ومش عارف عيش بدونها اشتقتلها لاشكيلها همي ووجعي بس بنفس الوقت لازم وقف ع رجلي لاسند عمتي الي ما ضللها شي بالحياة بعد ما سرق المرض بنتها الوحيدة سرق الفرحة والبسمة الي زرعتها شفاء بوجوهنا كلنا السرطان مرض كبير ما الو علاج بياخد كل انسان بنحبو ع هاي الارض بتركنا وحيدين بين البكي والدموع والغصة الموجودة جواتنا الي مش ممكن تنمحى 😢😢شعور بقطع القلب |
الموت علينا حق بس القراق هو اللى صعب كلمات موجعه وما اصعب الفراق اااه ذكرتينى بالالم اللى سكننى انا فقدن اختى يهيك مرض فى عمر الزهور بعمر 24 الله يرحما ويجعل مثواها الجنه ويصبر اهلها ع فراقا انا لله وانا اليه راجعون |
الموت حق علينا واصعب شىء الوداع والفراق الله يرحمها ويجعل مثواها الجنة ويصبر اهلها واناا الله وانا اليه راجعون عظم الله اجركم |
الفراق صعب والموت راحه لصاحب المرض بس الوجع للاهل 😢الله يرحم اختك والعوض بسلامتك |
شكر الله سعيكم الله يعين |
في البداية عظم الله اجركم على فكرةة عمتي توفت بنفس المرض كان حزن فراقهآ صعب إلا أنوو الحمد لله ارتاحت من الوجع وجع الكيماوي رهيييب صعب المواسآة بهيكك مواقف الآ ان لازم تقتنعي ' ربناآ ما بعمل الا المنيح و الحمد لله على ككل شيء و ربنا ازا حب عبد ابتلاه فضفضة على امل تكون عطتكك شوي من الراحة و ان شاء الله بقرأ لك ابداعات بأساليب تانية دمتِ بسعادةة .~ |
ما في انسان ما مر بهادا الوضع وهادا الاحساس والشعور الموت حق على كل انسان والفراق لا بد منه لكن ما بصير موت انسان عزيز وغالي يخلينا ننسى الحياه والامل والطموح لانه كل انسان في النهايه رح يكون مسؤول عن نفسه فقط الف رحمه لكل اموات المسلمين |
الله يرحمها حبيبتي الموت صعب ازا كان عزيز عليك هالشخص والسرطان لعين ما بيعرف زغير من كبير ربي يصبر امها واهلها وما تفارقي حد ويضلولك احبابك ع طول |
إحساس صعب ومؤلم انك تفارق شخص قريب من قلبك وكان بيعنيلك كل شئ أكيدفراقه صعب عليك بس الحياة لاتتوقف مستمرة سواءرضيت أم ابيت مستمرة ربنا بيلهمنا الصبروالنسيان حتى ولو لوقت قصير حتى نقدرنتعايش ونستمرمع هذه الحياه كوني قويه وادعي لهابالرحمه ولاتنسي اننا بها لاحقيين اعملي لاخرتك وعيشي دنياكي وحاضركاللهم احسن خواتمنا |
| الساعة الآن 09:08 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.