|
بعيد زواجنا في يوم الجمعة متل هاد اليوم من اطنعشر سنة...16/9 ... كانت في صبية حلوة كتير عم تتجهز لتلبس فستانها الابيض اللي بتحلم فيو كل وحدة منا ... ويكون احلى يوم بحياتا ... عم تستنى حبيبا لياخدها من صالون العرايس.. لتنزف بيوم عرسهن .. اجى بسيارة مزوئة بكل انواع الورد والوانه ....شافا ...اطلع بعيونا ...همسلها بصوت واطي وحكالها انتي كتير حلوةة..طالعة بتجنني .. خجلت كتير وابتسمت.. اخدو كم صورة لالهن وراحو لبيت العروس لينزفو ئدام كل العالم .. وصلو القاعة والعالم عم تستناهم ليدخلو ويهنوهم... كان يوم بجنن لالهن... بدلو المحابس...صارت لاله ....حلاله ...صارت ملكه..لوحده.... رقصوا...فرحوا ...انبسطو ...كان من احلى يوم بحياتن... روحو ع بيتهن...وبعد كم يوم تمسك فيا اكتر وقت لسمع انو حتصير ام ولاده.... فرح كتير ونطر اللحظة ليشوف ابنو اللي حيحمل اسمو بالمستئبل.... بعد ما شافو حبها اكتر وتعلق فيا اكتر واكتر ... باول عيد لزواجهن جابلا هدية ساعة وجابلتو عطر ....هاي الهدية كانت من اجمل الهدايا لالها ... من حبيبا وزوجا وابو ابنها.... ومرئت السنين وفرقتهن سنين ...ورجعو ليكملو المشوار...مع تلات شمعات نوروا حياتن .... بس هاد العيد مو متل اي عيد .....هديتا لاله كانت مختلفة كتير ... هدته آية من القران لتحفظهن من العين ...بصوتا ... قصت شعرا كرماله مع انو م بحب الشعر القصير ...بس هالمرة حكالها انتي هيكا حلوة ... اخدت معو سيلفي عجوالو ....ئلها مو لازمة الصورة وانتي حدي ...انتي هيك احلى .. ولك بحبك .....فاهمة شو يعني بحبك .... باسته ع خدو وحكتله الله لا يحرمني منك يا سيد الرجال... و ي ربي تضل تاج ع راسي ويحميلي ياك يا حئ..... وتضل ع طول العمر معي وبجمبي ومع بعض بقربي...... كل عام وانت حبيبي ...كل عام وانت الروح لقلبي عرفتو مين هاي الصبية ....هيدي انا ...... م في اجمل من هيك شعور واحساس ليمرء الوقت والزمن وتتزكر كل اللحظات الحلوة اللي عشتا مع شريك حياتك ... شو ما كانت في ايام صعبة ...لا بد تكون هناك ايام م بتنتسى وبتضل جوا القلب محفورة .... خربشة اللحظة 17/9....8:30صباحا |
كل عام والسعادة ماخدة كل حيااتك كل عاك والفرح عامر قلبك وبيتك كل عام وانتو احلى زوجين |
فعل شو ما مر عالواحد ايام صعبه الا انه بضل دايما بحن لاجمل ايام عاشها وما في احلا من التفاهم والحب خاصه لما يكون في اولاد بعطو جو حلة مكمل للفرحه الله يجعل كل ايام سعاده ويبعد عنك اي مكروه وتسعدي وتشوفي ولادك شباب الله يهنيكِ بحياتك ملاك هاي مش خربشه هاي مشاعر جميله ونبيله اشكرك نجومي والتقييم |
الله يسعدكم ويخليكم لبعض كتير حلو الكلام تخيلته وتأثرت فيه الله يديم المحبة بيناتكم كل عام وانتي بخير ملوكه وتفضل هالسعادة والوئام والمحبه تغمركم |
ياربي شو حبيت الكلام ربنا يسعدكم ويهنيكم ويخليكم لبعض ويفرحكم بأولادكم وكل عام وانتي بسعادة وهنا وخير :8: |
اقتباس:
وانتي بالف خير يا حب |
كل عام وانتي بسعادة ملاكك ربي يجعل ايامكك الجاية فرح وسعادة ويرزقكك فرحة بتسع الدنيا كلها ويجعل من الصالحين والبارين |
اقتباس:
انت اللي بتعطيني شوية امل بالحياة ويبعتلك ايام حلوة بحياتك وشكرا عالتقييم والنجوم يسعدك ربي |
اقتباس:
رح يجي يوم وتلبسي الابيض وتنبسطي فيه كتير الله يبعتلك نصيب متل قلبك الحنون يسعدها |
اقتباس:
وتملي حياتك فرح وسعادة ع طول |
| الساعة الآن 10:50 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.