| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
بعيد زواجنا
في يوم الجمعة متل هاد اليوم من اطنعشر سنة...16/9 ... كانت في صبية حلوة كتير عم تتجهز لتلبس فستانها الابيض اللي بتحلم فيو كل وحدة منا ... ويكون احلى يوم
| | LinkBack | أدوات الموضوع | انواع عرض الموضوع |
|
#1
09-17-2017
| |||||||||||||||
| |||||||||||||||
بعيد زواجنا في يوم الجمعة متل هاد اليوم من اطنعشر سنة...16/9 ... كانت في صبية حلوة كتير عم تتجهز لتلبس فستانها الابيض اللي بتحلم فيو كل وحدة منا ... ويكون احلى يوم بحياتا ... عم تستنى حبيبا لياخدها من صالون العرايس.. لتنزف بيوم عرسهن .. اجى بسيارة مزوئة بكل انواع الورد والوانه ....شافا ...اطلع بعيونا ...همسلها بصوت واطي وحكالها انتي كتير حلوةة..طالعة بتجنني .. خجلت كتير وابتسمت.. اخدو كم صورة لالهن وراحو لبيت العروس لينزفو ئدام كل العالم .. وصلو القاعة والعالم عم تستناهم ليدخلو ويهنوهم... كان يوم بجنن لالهن... بدلو المحابس...صارت لاله ....حلاله ...صارت ملكه..لوحده.... رقصوا...فرحوا ...انبسطو ...كان من احلى يوم بحياتن... روحو ع بيتهن...وبعد كم يوم تمسك فيا اكتر وقت لسمع انو حتصير ام ولاده.... فرح كتير ونطر اللحظة ليشوف ابنو اللي حيحمل اسمو بالمستئبل.... بعد ما شافو حبها اكتر وتعلق فيا اكتر واكتر ... باول عيد لزواجهن جابلا هدية ساعة وجابلتو عطر ....هاي الهدية كانت من اجمل الهدايا لالها ... من حبيبا وزوجا وابو ابنها.... ومرئت السنين وفرقتهن سنين ...ورجعو ليكملو المشوار...مع تلات شمعات نوروا حياتن .... بس هاد العيد مو متل اي عيد .....هديتا لاله كانت مختلفة كتير ... هدته آية من القران لتحفظهن من العين ...بصوتا ... قصت شعرا كرماله مع انو م بحب الشعر القصير ...بس هالمرة حكالها انتي هيكا حلوة ... اخدت معو سيلفي عجوالو ....ئلها مو لازمة الصورة وانتي حدي ...انتي هيك احلى .. ولك بحبك .....فاهمة شو يعني بحبك .... باسته ع خدو وحكتله الله لا يحرمني منك يا سيد الرجال... و ي ربي تضل تاج ع راسي ويحميلي ياك يا حئ..... وتضل ع طول العمر معي وبجمبي ومع بعض بقربي...... كل عام وانت حبيبي ...كل عام وانت الروح لقلبي عرفتو مين هاي الصبية ....هيدي انا ...... م في اجمل من هيك شعور واحساس ليمرء الوقت والزمن وتتزكر كل اللحظات الحلوة اللي عشتا مع شريك حياتك ... شو ما كانت في ايام صعبة ...لا بد تكون هناك ايام م بتنتسى وبتضل جوا القلب محفورة .... خربشة اللحظة 17/9....8:30صباحا المصدر: منتديات بنات فلسطين - من قسم: ابداعات أعضاء بنات فلسطين الشعرية والنثرية fud] .,h[kh fu]]  |
| الكلمات الدلالية (Tags) |
| بعدد, زواجنا |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| حين تعشق بعدى | اميرة | همس القوافي , النثر و الخواطر | 7 | 06-14-2017 03:26 AM |
| ها انا اراقب من بعيد | بْرآء °° | همس القوافي , النثر و الخواطر | 6 | 05-11-2015 09:38 AM |
| حكم الاحتفال بعيد الحب .... | رقة قلب | ▪« قطوُفٌ دَآטּـيَة ]≈● | 14 | 02-25-2014 11:40 AM |
| نكت بعيد الحب | لمشتاقة لروحي | النكت والطرائف | 6 | 02-14-2014 03:33 PM |
الساعة الآن 09:16 AM
